41 Kings 4

1И бе царь Соломон царствуяй над Израилем.Select 1 Kings 4:1

2И сии старейшины иже беша с ним:Select 1 Kings 4:2

3Азариа сын Садоков, жрец: Елиаф и Ахиа сынове Сивины, книгочии: и Иосафат сын Ахилудов, напоминатель:Select 1 Kings 4:3

4и Ванеа сын Иодаев над силою: и Садок и Авиафар, иерее:Select 1 Kings 4:4

5и Азариа сын Нафань над настоятелми: и Завуф сын Нафань друг царев:Select 1 Kings 4:5

6и Ахисар бе строитель, и Елиав сын Сафатов над отечеством: и Адонирам сын Авдонов над даньми.Select 1 Kings 4:6

7И у Соломона бяху дванадесять приставник над всем Израилем, еже подаяти царю и дому его: по месяцу в лете бываше един, еже подаяти,Select 1 Kings 4:7

8и сия имена их: Вен сын Оров на горе Ефремли, един:Select 1 Kings 4:8

9сын Дакарь во Махемате и во Висаламине и Вефсамисе и Елоне, даже до Вефанана, един:Select 1 Kings 4:9

10сын Седов во Аравофе, сего Сохо и вся земля Оферова:Select 1 Kings 4:10

11сына Аминадавля вся Неффадор: Тефаф дщи Соломоня бе ему в жену, един:Select 1 Kings 4:11

12Вана сын Ахилуфов во Ифаанахе и Магеддо и весь Дом Саныи, иже при Сесафане под Езраелем, и от Вифсана даже до Савелмаула, даже до Маевер Лукам, един:Select 1 Kings 4:12

13сын Наверов в Равофе Галаадстем: сему область Ергав в Васане, шестьдесят градов великих огражденных стенами, и вереи медяны, един:Select 1 Kings 4:13

14Ахинадав сын Саддов во Маанаиме:Select 1 Kings 4:14

15Ахимаас в Неффалиме: и сей поят Васемафу дщерь Соломоню в жену, един:Select 1 Kings 4:15

16Ваана сын Хусиин во Асире и во Ваалофе, един:Select 1 Kings 4:16

17Иосафат сын Фаруев во Иссахаре,Select 1 Kings 4:17

18Семей сын Илы во Вениамине,Select 1 Kings 4:18

19Гавер сын Адаев в земли Галааде, в земли Сиона царя Есевонска и Ога царя Васанска, и Насиф един в земли Иудове.Select 1 Kings 4:19

20Иуда и Израиль мнози аки песок иже при мори во множестве, ядуще и пиюще и веселящеся.Select 1 Kings 4:20

21И Соломон бе началствуяй во всех царствах, от реки земли Филистимския и даже до предел Египетских, (и бяху) приносяще дары и работающе Соломону во вся дни живота его.Select 1 Kings 4:21

22И сия потребная Соломону в день един: тридесять мер муки семидалныя и шестьдесят мер муки смешаныя,Select 1 Kings 4:22

23десять телцев избранных и двадесять волов тучных и сто овец, кроме еленей и серн и птиц, избранна от избранных тучна.Select 1 Kings 4:23

24Понеже бе началствуяй во всех об он пол реки от Фапсы и даже до Газы, над всеми царми об он пол реки, и мир бе ему от всех стран окрест.Select 1 Kings 4:24

25И живяху Иуда и Израиль безпечально, кийждо под виноградом своим и под смоковницею своею, ядуще и пиюще, от Дана и даже до Вирсавии, во вся дни Соломона.Select 1 Kings 4:25

26И бяше у Соломона четыредесять тысящ кобылиц в колесницы и двадесять тысящ конник.Select 1 Kings 4:26

27И тако подаяху приставники царю Соломону, и вся повеленная на трапезу цареву, кийждо в месяц свой, не пременяюще словесе:Select 1 Kings 4:27

28и ячмень и плевы конем, и колесницами привозяху на место, идеже бе царь, кийждо по чину своему.Select 1 Kings 4:28

29И даде Господь смысл и мудрость Соломону многу зело, и широту сердца, яко песок иже при мори:Select 1 Kings 4:29

30и умножися мудрость Соломонова зело, паче смысла всех древних человек и паче всех смысленных Египетских:Select 1 Kings 4:30

31и умудрися паче всех человек, и умудрися паче Гефана Езраилитнна и Емана, и Халкада и Дарды, сына Самадова, и прославися имя его во всех странах окрест.Select 1 Kings 4:31

32И изглагола Соломон три тысящы притчей, и быша песни его пять тысящ:Select 1 Kings 4:32

33и глагола о древех, от кедра иже в Ливане и даже до иссопа исходящаго из стены: и глагола о скотех и о птицах и о гадех и о рыбах.Select 1 Kings 4:33

34И прихождаху вси людие слышати премудрость Соломоню: и приимаше дары от всех царей земных, елицы слышаху премудрость его.Select 1 Kings 4:34