71 Kings 7

1И дом свой созда Соломон треминадесять леты, и соверши Соломон весь дом свой.Select 1 Kings 7:1

2И созда дом древом Ливанским, сто лакот долгота его, и тридесять лакот высота его, и пятьдесят лакот широта его, и три ряды столпов кедровых, и рамена кедрова столпом.Select 1 Kings 7:2

3И покры дсками кедровыми дом свыше над странами столпов: и число столпов четыредесять и пять,Select 1 Kings 7:3

4по пятинадесяти ряд: и окон три ряда, и камара над камарою трегубо.Select 1 Kings 7:4

5И вся двери и камары четвероуголны притворени: от дверий над дверми трегубо.Select 1 Kings 7:5

6И елам столпов, пятьдесят лакот в долготу, и тридесять лакот в широту привязани ко Еламу пред лицем их: и столпи и толстота пред лицем того елама.Select 1 Kings 7:6

7И елам престолов идеже судити, елам судилища, и покры и от земли даже до верха дщицами кедровыми.Select 1 Kings 7:7

8И дом в немже живяше, двор един распростерт сим по делу сему: и дом созда дщери фараони, юже взя Соломон, по еламу сему.Select 1 Kings 7:8

9Вся сия бяху от каменей драгоценных изваяна от разстояния внутрьуду, и от основания до крова.Select 1 Kings 7:9

10И внеуду ко двору великому основаному камением драгим великим, камением десяти лакот и осми лакот,Select 1 Kings 7:10

11и с верху честным камением, по тойже мере несеченых, и кедрами.Select 1 Kings 7:11

12Окрест двора великаго три ряда нетесаных, и ряд тесанаго кедра: и созда двор храма внутреннейший притвора дому Сущаго пред лицем храма.Select 1 Kings 7:12

13И посла царь Соломон в Тир, и взя Хирама от Тира,Select 1 Kings 7:13

14сына жены вдовицы, и той бе от колена Неффалимля: и отец его бе муж Тирин, делатель меди, и исполнен художества и разума и ведения, еже делати всяко дело медяное. И приведоша его ко царю Соломону: и сотвори вся дела:Select 1 Kings 7:14

15и слия два столпа еламу храма, осминадесяти лакот высота столпа, и окрест мера его четыренадесятих лакот окружаше его толстота столпа: четырех перстов вглубления: такожде бе и вторый столп:Select 1 Kings 7:15

16и два возложения сотвори, лежати на главах столпов излиянная от меди: пяти лакот высота возложения единаго, и пяти лакот высота возложения втораго:Select 1 Kings 7:16

17и сотвори две мрежи еже покрыти возложения столпов: и мрежу возложению единому, и мрежу возложению второму:Select 1 Kings 7:17

18и дело висимо, два ряда яблок медяных сомрежены, дело висимо, ряд над рядом: такожде сотвори возложению второму:Select 1 Kings 7:18

19и возложения на главах столпов, подобна крину, якоже во еламе, четырех лакот:Select 1 Kings 7:19

20и строение над обоими столпами, и свыше стран возложение строения, и яблоков двести рядов около на вторей главе.Select 1 Kings 7:20

21И постави столпы во еламе храма: и постави столп един и нарече имя ему Иахун, и постави столп вторый и нарече имя ему Воос.Select 1 Kings 7:21

22И на главах столпов дело криново, и сконча дело столпов.Select 1 Kings 7:22

23И сотвори море лияно десять лакот от края до края его, кругло окрест его: пять лакот высота его, и объятие его тридесять лактей окружаше е окрест:Select 1 Kings 7:23

24и подкрепления под краем его окрест, окружаху е десять лакот около: два ряда подкреплений слиты во слиянии его стояща.Select 1 Kings 7:24

25И дванадесять волов под морем, три зрящии на север, и три зрящии на юг, и три на запад, и три на восток, и вся задняя их внутрьуду, и море верху их.Select 1 Kings 7:25

26И устие его бяше яко устие потиря прозябающаго крина, и толстота его на длань.Select 1 Kings 7:26

27И сотвори десять мехонофов медяных, пять лакот долгота мехонофа единаго, и четыри лакти широта его, и шесть лакот высота его:Select 1 Kings 7:27

28и сие дело мехонофов, споеное о себе и споеное посреде произницающих:Select 1 Kings 7:28

29и на споениих их посреде произницающих львы и волы и херувимы, и над произницающими, такожде и свыше и снизу львов и волов места, дело низхождения:Select 1 Kings 7:29

30и четыри колеса медна и мехонофу коемуждо, и придержания медяна, и четыри части их, и рамена их под умывалницами, и рамена слияная об ону страну коегождо прилежаще.Select 1 Kings 7:30

31И уста его внутрь главы, и выше единаго лактя, и уста его кругла: дело такожде лактя единаго и пол лактя: и на устах его изваяния, и междустолпия их четвероуголна, а не кругла.Select 1 Kings 7:31

32И четыри колеса под междустолпиями, и руце в колесех в мехонофе: и высота единаго колеса лакоть и пол.Select 1 Kings 7:32

33И дело колес, яко дело колес колесницы: руце их и выи их, и хребты их и делания их вся лияна.Select 1 Kings 7:33

34Четыри рамена на четырех углех мехонофа единаго, и от мехонофа рамена его.Select 1 Kings 7:34

35И на главе мехонофа пол лактя величество его, кругло окрест над главою мехонофовою: и начало рук его и спаяния его от него: и отверзашеся в началех рук своих.Select 1 Kings 7:35

36И спаяния его подобия херувимов и львов и фиников стоящая, держащееся коеждо противу лица его внутрь и окрест.Select 1 Kings 7:36

37По томужде сотвори вся десять мехонофы, по чину единому и по мере единей, мера едина всем.Select 1 Kings 7:37

38И сотвори десять конобов медяных вмещающих по четыредесяти мер во един коноб, мерою четырех лактей: коноб един на коемждо мехонофе, от десяти мехонофов.Select 1 Kings 7:38

39И постави пять мехонофов по десней стране храма на восток, и пять по левей стране храма: и море от страны храма одесную на востоки в угле полуденнем.Select 1 Kings 7:39

40И сотвори Хирам конобы и теплицы и фиалы: и сконча Хирам вся дела творя, яже творяше цареви Соломону во храме Господни:Select 1 Kings 7:40

41столпа два, и обвития столпов над главами столпов два: и мрежи две, еже покрывати оба обвития изваяных, яже на столпех суть:Select 1 Kings 7:41

42яблоков медяных четыреста обема мрежема, два ряда яблоков мрежи единей, покрывати оба обвития мехонофа, яже на обоих столпех:Select 1 Kings 7:42

43и мехонофов десять и конобов десять на мехонофе:Select 1 Kings 7:43

44и море едино, и волов дванадесять под морем:Select 1 Kings 7:44

45и конобы и теплицы и фиалы, и вся сосуды, яже сотвори Хирам царю Соломону во храме Господни: и столпов четыредесять и осмь дому царева и дому Господня: вся дела царева, яже сотвори Хирам, быша медяна вся.Select 1 Kings 7:45

46Близ Иордана слия их царь в толстоте земли, между Сокхофом и между Сирамом.Select 1 Kings 7:46

47Не бе веса меди, от неяже творяше вся дела сия, от множества зело, не бе предела весу меди.Select 1 Kings 7:47

48И даде царь Соломон вся сосуды, яже сотвори во храм Господень: олтарь златый и трапезу, на нейже хлебы приношения, златую,Select 1 Kings 7:48

49и свещники пять одесную и пять ошуюю пред лицем давира (Святая святых) златыя спаяны, и лампады, и светилники, и щипцы златыя,Select 1 Kings 7:49

50и преддверие, и гвоздие, и фиалы и блюда и кадилницы златы спаяны: и вереи врат дому внутренняго Святаго Святых, и двери храма златыя.Select 1 Kings 7:50

51И совершися дело, еже сотвори Соломон во храме Господни: и внесе Соломон святая Давида отца своего и вся святая Соломонова, сребро и злато, и сосуды даде в сокровище храма Господня.Select 1 Kings 7:51