91 Kings 9

1И бысть егда сконча Соломон зиждяй храм Господень и дом царев и всякое дело свое Соломон, елика восхоте сотворити,Select 1 Kings 9:1

2и явися Господь Соломону вторицею, якоже явися ему в Гаваоне,Select 1 Kings 9:2

3и рече к нему Господь: услышах глас молитвы твоея и моления твоего, имже молился еси предо Мною: сотворих ти по всей молитве твоей, и освятих храм сей, егоже создал еси, еже положити имя Мое тамо во веки, и будут очи Мои ту и сердце Мое во вся дни:Select 1 Kings 9:3

4и ты аще пойдеши предо Мною, якоже ходи Давид отец твой в преподобии сердца и в правоте, и еже творити по всем, яже заповедах ему, и повеления Моя и заповеди Моя сохраниши:Select 1 Kings 9:4

5и возставлю престол царствия твоего во Израили во веки, якоже глаголах к Давиду отцу твоему, глаголя: не оскудеет ти муж властелин во Израили:Select 1 Kings 9:5

6аще же отвращающеся отвратитеся вы и чада ваша от Мене и не сохраните заповедий Моих и повелений Моих, яже даде Моисей пред вами, и пойдете и поработаете богом иным и поклонитеся им:Select 1 Kings 9:6

7и изрину Израиля из земли, юже дах им, и храм сей, егоже освятих имени Моему, отвергу от лица Моего: и будет Израиль в погубление и во глаголание всем людем:Select 1 Kings 9:7

8и дом сей будет высокий, всяк преходяй сквозе его ужаснется, и возсвищет и речет: чесо ради сотвори Господь тако земли сей и храму сему?Select 1 Kings 9:8

9И рекут: понеже оставиша Господа Бога своего, иже изведе отцы их из Египта, из дому работы, и прияша боги чуждыя, и поклонишася им, и поработаша им, сего ради наведе на ня Господь зло сие.Select 1 Kings 9:9

10И бысть по двадесяти летех, в няже созда Соломон два домы, храм Господень и дом царев,Select 1 Kings 9:10

11Хирам царь Тирский помогаше Соломону древы кедрскими и древы певговыми и златом и всем хотением его: тогда даде Соломон Хираму двадесять градов в земли Галилейстей.Select 1 Kings 9:11

12И изыде Хирам из Тира и пойде в Галилею видети грады, яже даде ему Соломон: и не быша ему угодни,Select 1 Kings 9:12

13и рече: что гради сии, яже дал ми еси, брате? И нарече я предел (Хавуль), до днешняго дне.Select 1 Kings 9:13

14И принесе Хирам Соломону сто и двадесять талант злата.Select 1 Kings 9:14

15Сие же есть число даяния еже принесе царь Соломон, да созиждет храм Господень и дом царев, и Мелон и стену Иерусалимску и Краеградие еже оградити стену града Давидова, и Асур и Магедо и Газер.Select 1 Kings 9:15

16Фараон царь Египетский взыде и взя Газер и сожже и огнем, и Ханаана живущаго во граде том погуби: и даде его в дар дщери своей, жене Соломони.Select 1 Kings 9:16

17И согради Соломон Газер и Вефорон нижний,Select 1 Kings 9:17

18и Валааф и Фамор в пустыни.Select 1 Kings 9:18

19И вся грады крепкия, иже быша Соломону, и вся грады, идеже бяху колесницы, и вся грады, идеже бяху конницы его, и все еже бысть угодно царю Соломону, созда во Иерусалиме, и в Ливане и во всей земли царства своего.Select 1 Kings 9:19

20Всех людий оставшихся от Аморреа и Хеттеа, и Ферезеа и Хананеа, и Евеа и Иевусеа и Гергесеа, не сущих от сынов Израилевых,Select 1 Kings 9:20

21сынов их оставшихся по них на земли, ихже не возмогоша сынове Израилевы потребити их, царь Соломон поработи их даяти дань даже до дне сего:Select 1 Kings 9:21

22от сынов же Израилевых не даде в работу Соломон, яко тии бяху мужие храбрии, и отроцы его, и князи его, и тристаты его, и воеводы колесниц его, и конницы его.Select 1 Kings 9:22

23И бяху старейшины приставленным над делы царя Соломона, пять сот пятьдесят повелевающии людем делающым дело.Select 1 Kings 9:23

24Дщерь же фараона прейде из града Давидова в дом свой, егоже созда ей Соломон, тогда созда Мелон.Select 1 Kings 9:24

25И приношаше Соломон трижды в год всесожжения и мирныя жертвы на олтарь, егоже созижде Господу, и кадяше фимиам пред Господем: и соверши храм.Select 1 Kings 9:25

26И сотвори царь Соломон корабль в Гасионе Гаверстем, иже при Елафе, при устии моря Последняго, в земли Едомстей.Select 1 Kings 9:26

27И посла Хирам на корабли от отрок своих мужы корабелники управляти ведущих море со отроки Соломони:Select 1 Kings 9:27

28и приидоша в Софир, и взяша оттуду злата четыре ста и двадесять талант и принесоша царю Соломону.Select 1 Kings 9:28