122 Kings 12

1В лето седмое Ииуа воцарися Иоас, и четыредесять лет царствова во Иерусалиме. Имя же матере его Савиа от Вирсавеи.Select 2 Kings 12:1

2И сотвори Иоас правое пред Господем во вся дни, в няже просвети его Иодай иерей:Select 2 Kings 12:2

3обаче высоких не преставиша, и тамо еще людие жряху и кадяху на высоких.Select 2 Kings 12:3

4И рече Иоас к жерцем: все сребро святых вносимое в дом Господень, сребро оценения, муж сребро взявый оценения, все сребро, еже аще взыдет на сердце мужа внести в дом Господень,Select 2 Kings 12:4

5да возмут себе жерцы, муж от продания своего, и тии да укрепят ведек дому во всех, идеже аще обрящется ведек.Select 2 Kings 12:5

6И бысть в двадесять третие лето царя Иоаса, не укрепиша жерцы ведека храма:Select 2 Kings 12:6

7и призва царь Иоас Иодая жерца и жерцы, и рече к ним: что яко не укреписте ведека храма? И ныне не приимайте сребра от продажей ваших, яко на ведек храма дасте е.Select 2 Kings 12:7

8И совещашася жерцы не приимати сребра от людий и не укрепляти ведека храма.Select 2 Kings 12:8

9И взя Иодай жрец кивот един, и сотвори в нем скважню, и положи его при олтари одесную входящих мужей в дом Господень: и влагаху тамо жерцы хранящии дверь все сребро приносимое в дом Господень.Select 2 Kings 12:9

10И бысть егда увидеша, яко много сребра в ковчезе, и взыде писчий царев, и жрец великий, и сребросечцы и открыша, и сочтоша сребро обретшееся в дому Господни:Select 2 Kings 12:10

11и даша сребро уготованное в руце творящих дела на сосуды дому Господня: и раздаша древоделем и делателем зиждущым в дому Господни,Select 2 Kings 12:11

12и стеноделателем, и художником, и секущым камения на купление древес, и камения тесанаго на строение ведека дому Господня, на вся елика иждивена быша на утверждение храма.Select 2 Kings 12:12

13Обаче не творишася храму Господню двери сребряны, гвоздие, фиалы и трубы, ни вси сосуды златы, и сосуды сребряны от сребра принесеннаго в дом Господень:Select 2 Kings 12:13

14понеже творящым дела дадеся сие, и утвердиша тем дом Господень.Select 2 Kings 12:14

15И не сочитаху мужей, имже даяху сребро в руки, даяти творящым дела, зане верно творяху.Select 2 Kings 12:15

16Сребро за грехи и сребро за преступление, елико внесено бысть в дом Господень, жерцем бысть.Select 2 Kings 12:16

17Тогда взыде Азаил царь Сирский и воева на Геф, и взя его Азаил и разби его: и обрати Азаил лице свое взыти на Иерусалим.Select 2 Kings 12:17

18И взя Иоас царь Иудин вся святая, елика освяти Иосафат и Иорам и Охозиа, отцы его и царие Иудины, и святая его, и все злато обретшееся в сокровищих дому Господня и дому царева, и посла Азаилу царю Сирску, и отиде от Иерусалима.Select 2 Kings 12:18

19И прочая словес Иоасовых, и вся елика сотвори, не се ли, сия писана в книзе словес дний царей Иудиных?Select 2 Kings 12:19

20И восташа отроцы его, и совещаша всяк совет, и убиша Иоаса в доме Маллони, иже в Саале.Select 2 Kings 12:20

21И Иезехар сын Иемуафов, и Иезевуф сын Сомиров, раби его убиша его, и умре, и погребоша его со отцы его во граде Давидове. И воцарися Амессиа сын его вместо его.Select 2 Kings 12:21