172 Kings 17

1В лето второенадесять Ахаза царя Иудина, царствова Осиа сын Илы в Самарии над Израилем девять лет,Select 2 Kings 17:1

2и сотвори лукавое пред очима Господнима, обаче не якоже царие Израилевы, иже беша прежде его.Select 2 Kings 17:2

3И взыде нань Саламанассар царь Ассирийск . И бысть ему Осиа раб и даваше ему дань.Select 2 Kings 17:3

4И обрете царь Ассирийск во Осии неправду, занеже посла послы к Сигору царю Египетску и не принесе дани царю Ассирийску лета того. И осади его царь Ассирийский и связа его в храмине темничней.Select 2 Kings 17:4

5И прииде царь Ассирийск во всю землю (его), и взыде в Самарию, и воева ю три лета.Select 2 Kings 17:5

6В лето девятое Осии взя царь Ассирийский Самарию, и заведе Израилтян во Ассирию, и посели их на Алаи и на Аворе, реках Гозанских, и в пределех Мидских.Select 2 Kings 17:6

7И (сие) бысть, яко согрешиша сынове Израилевы Господу Богу своему изведшему их из земли Египетския, из под руки фараона царя Египетска, и убояшася богов инех,Select 2 Kings 17:7

8и ходиша по преданием языков, ихже истреби Господь от лица сынов Израилевых, и царие Израилевы елицы сотвориша,Select 2 Kings 17:8

9и елицы сокрыша сынове Израилевы словеса, не тако на Господа Бога своего: и создаша себе высокая во всех градех своих, от столпа стрегущих даже до града тверда,Select 2 Kings 17:9

10и поставиша себе кумиры и Дубравы на всяцем холме высоце и под всяким древом чащным,Select 2 Kings 17:10

11и кадяху тамо на всех высоких, якоже языцы, яже удали Господь от лица их, и сотвориша общники, и начаша яве прогневляти Господа,Select 2 Kings 17:11

12и послужиша идолом, о нихже рече им Господь: не сотворите глагола сего Господеви.Select 2 Kings 17:12

13И засвидетелствова Господь во Израили и во Иуде, и руками всех пророк Своих всякаго прозорливаго, глаголя: обратитеся от путий ваших лукавых, и сохраните заповеди Моя и оправдания Моя, и весь закон, егоже заповедах отцем вашым, елика послах им руками раб Моих пророков.Select 2 Kings 17:13

14И не послушаша, и ожесточиша выю свою паче выи отец своих, иже не вероваша Господу Богу своему:Select 2 Kings 17:14

15и отвергоша завет Его и оправдания, яже завеща отцем их и свидений Его, елика засвидетелствова им, не сохраниша, и идоша вслед суетных и осуетишася, и вслед языков сущих окрест их, о нихже заповеда Господь их, еже не сотворити по сему:Select 2 Kings 17:15

16и оставиша заповеди Господа Бога своего и сотвориша себе две юницы слиты, и сотвориша дубравы, и поклонишася всей силе небесней и послужиша Ваалу:Select 2 Kings 17:16

17и превождаху сыны своя и дщери своя чрез огнь, и волхвоваху волхвованием и вражаху: и продашася, еже творити лукавое пред очима Господнима, еже прогневати Его.Select 2 Kings 17:17

18И разгневася Господь на Израиля зело и отрину их от лица Своего, и не остася, токмо едино колено Иудино.Select 2 Kings 17:18

19И Иуда такожде не сохрани заповедий Господа Бога своего: и хождаху по оправданием Израилевым, яже сотвориша, и отвергошася Господа.Select 2 Kings 17:19

20И разгневася Господь на все семя Израилево и поколеба я, и даде я в руки расхищающым я дондеже отверже я от лица Своего.Select 2 Kings 17:20

21Яко отторжеся Израиль от дому Давидова, и поставиша себе царя Иеровоама сына Наватова: и отрину Иеровоам Израиля от Господа и введе их во грех великий.Select 2 Kings 17:21

22И хождаху сынове Израилевы по всему греху Иеровоамлю, егоже сотвори: не отступиша от него,Select 2 Kings 17:22

23дондеже отверже Господь Израиля от лица Своего, якоже глагола Господь рукою всех раб Своих пророков. И преселен бысть Израиль от земли своея во Ассирианы, даже до дне сего.Select 2 Kings 17:23

24И приведе царь Ассирийский из Вавилона иже от Хуфы и от Аиа, и от Емафа и Сепфаруима, и вселени быша во градех Самарийских вместо сынов Израилевых, и наследиша Самарию и вселишася во градех ея.Select 2 Kings 17:24

25И бысть в начале седения их, не убояшася Господа, и пусти на ня Господь львы, и бяху убивающе я.Select 2 Kings 17:25

26И реша царю Ассирийску, глаголюще: языки, ихже превел и пресадил еси во градех Самарийских, не разумеша суда Бога земли, и посла Господь на них львы, и се, суть убивающе их, яко не разумеша суда Бога земли.Select 2 Kings 17:26

27И заповеда царь Ассирийский глаголя: отведите тамо единаго жерца от плененых, да идут и да вселятся тамо, и да просветит их судом Бога земли.Select 2 Kings 17:27

28И отведоша единаго от жерцев ихже взяша от Самарии, и седе в Вефили, и бе просвещая жрец их, яко да убоятся Господа.Select 2 Kings 17:28

29И беша творяще кийждо язык боги своя: и поставиша я во храмех на высоких, ихже сотвориша Самаряне, кийждо язык во градех своих, в нихже живяху.Select 2 Kings 17:29

30И мужие Вавилонстии сотвориша Сокхоф Вениф, и мужие Хуфовы сотвориша Гигель, и мужие Емафовы сотвориша Асимаф,Select 2 Kings 17:30

31и Евее сотвориша Авлазер и Фарфак и Сепфаруим, егда сожигаху сыны своя огнем Андрамелеху и Анемелеху, богом Сепфаруимским.Select 2 Kings 17:31

32И бяху боящеся Господа: и вселиша мерзости своя во храмех на высоких, ихже сотвориша в Самарии, кийждо язык во граде, в немже живяху.Select 2 Kings 17:32

33И беша боящеся Господа и сотвориша себе жерцы в высоких, и сотвориша себе в храмине высоких и Господа бояхуся, и идолом своим служаху по обычаю языков отюнудуже преселиша их.Select 2 Kings 17:33

34Даже до дне сего тии творяху по обычаю их: не бояхуся Господа, и не творяху по оправданием их, и по суду их, и по закону, и по заповеди, юже заповеда Господь сыном Иаковлим, идеже и нарече имя ему Израиль.Select 2 Kings 17:34

35И положи Господь с ними завет и заповеда им, глаголя: не убойтеся богов иных и не поклонитеся им, и не послужите им и не пожрите им:Select 2 Kings 17:35

36но токмо Господеви, иже изведе вы из земли Египта крепостию великою и мышцею высокою: Того убойтеся, и Тому поклонитеся, и Тому пожрите:Select 2 Kings 17:36

37и оправдания Его, и суды Его, и закон Его, и заповеди, яже написа вам творити, храните во вся дни, и не убойтеся богов иных:Select 2 Kings 17:37

38и завета, егоже завеща с вами, не забывайте: и не убойтеся богов иных,Select 2 Kings 17:38

39но токмо Господа и вашего убойтеся, и Той измет вы от всех враг ваших.Select 2 Kings 17:39

40И не послушаша сего, но по обычаем своим преждним твориша.Select 2 Kings 17:40

41И бяху языцы сии боящеся Господа, и изваянным своим служаще: такожде и сынове их и сынове сынов их, якоже сотвориша отцы их, тако творят и до сего дне.Select 2 Kings 17:41