42 Kings 4

1И жена едина от сынов пророчих возопи ко Елиссею, глаголющи: раб твой муж мой умре, ты же веси, яко раб твой бе бояся Господа: и заимодавец прииде взяти два сына моя себе в рабы.Select 2 Kings 4:1

2И рече Елиссей: что сотворю ти? Повеждь ми, что имаши ныне в дому? Она же рече: несть у рабы твоея ничтоже в дому, токмо мало елеа, имже помажуся.Select 2 Kings 4:2

3И рече к ней: иди, испроси себе сосуды отвне от всех сосед твоих, сосуды праздны, не умали:Select 2 Kings 4:3

4и вниди, и затвори дверь за собою и за сынома твоима, и влиеши (от елеа твоего) во вся сосуды сия, и наполненное возмеши.Select 2 Kings 4:4

5И отиде от него и сотвори тако, и затвори дверь за собою и за сынома своима: та приношаста к ней, она же вливаше:Select 2 Kings 4:5

6и бысть егда наполнишася вси сосуды, и рече сынома своима: приближита ми еще сосуд. И реста ей: несть еще сосуда. И ста елей.Select 2 Kings 4:6

7И прииде и возвести человеку Божию. И рече Елиссей: иди и продаждь сей елей, и заплати лихву твою, и ты и сына твоя жити будете от оставшаго елеа.Select 2 Kings 4:7

8И бысть во един день, и прейде Елиссей в Соман, и ту жена велия и удержа его снести хлеба: и бысть ему входити и исходити множицею, и уклоняшеся тамо ясти хлеба.Select 2 Kings 4:8

9И рече жена к мужу своему: се, ныне разумех, яко человек Божий свят сей мимо ходит нас присно:Select 2 Kings 4:9

10сотворим убо ему горницу, место мало, и поставим ему тамо одр и трапезу, и престол и свещник: и будет внегда входити ему к нам, и уклоняется тамо.Select 2 Kings 4:10

11И бысть во един день, и вниде тамо, и уклонися в горницу, и спа тамо.Select 2 Kings 4:11

12И рече ко Гиезию отрочищу своему: призови ми Соманитяныню сию. И призва ю, и ста пред ним.Select 2 Kings 4:12

13И рече ему: рцы убо ей: се, удивила еси нас всем попечением сим: что подобает сотворити тебе? Аще есть тебе слово к царю или ко князю силы? Она же рече: (несть,) посреде людий моих аз есмь живущи.Select 2 Kings 4:13

14И рече ко Гиезию: что подобает сотворити ей? И рече Гиезий отрочищь его: воистинну сына несть у нея и муж ея стар.Select 2 Kings 4:14

15И рече призови ю. И призва ю, и ста при дверех.Select 2 Kings 4:15

16И рече Елиссей к ней: во время сие, якоже час сей живущи, ты зачнеши сына. Она же рече: ни, господине, не солжи рабе твоей.Select 2 Kings 4:16

17И зачат во чреве жена, и роди сына во время сие, якоже час сей живущи, якоже глагола к ней Елиссей.Select 2 Kings 4:17

18И возмужа отрочищь. И бысть, егда изыде ко отцу своему, к жнущым,Select 2 Kings 4:18

19и рече ко отцу своему: глава моя, глава моя (болит). И рече ко отроку: неси его к матери его.Select 2 Kings 4:19

20И несе его к матери его, и лежаше на колену ея до полудне, и умре.Select 2 Kings 4:20

21И вознесе его, и положи его на одре человека Божия: и затвори его, и изыде, и призва мужа своего, и рече ему:Select 2 Kings 4:21

22посли ми убо единаго от отрок, и едино от ослят, и теку до человека Божия, и возвращуся.Select 2 Kings 4:22

23И рече: что яко ты идеши к нему днесь? Не нов месяц, ниже суббота. Она же рече: мир.Select 2 Kings 4:23

24И оседла осля, и рече ко отрочищу своему: веди, и иди, да не удержиши мене, еже всести, якоже реку тебе: гряди, и иди, и прииди к человеку Божию на гору Кармилскую.Select 2 Kings 4:24

25И иде, и прииде до человека Божия в гору Кармилскую. И бысть яко виде ю Елиссей грядущую, и рече ко Гиезию отрочищу своему: се, убо Соманитяныня оная:Select 2 Kings 4:25

26ныне тецы во сретение ея и речеши ей: мир ли тебе? И тече во сретение ей и рече ей: мир ли тебе? Мир ли мужу твоему, мир ли отрочищу твоему? Она же рече: мир.Select 2 Kings 4:26

27И прииде ко Елиссею на гору, и ятся за нозе его. И приближнся Гиезий отринути ю. И рече Елиссей: остави ю, яко душа ея болезненна в ней, и Господь укры от мене и не возвести мне.Select 2 Kings 4:27

28Она же рече: еда просих сына у господина моего, яко рекох: не прельсти мене?Select 2 Kings 4:28

29И рече Елиссей ко Гиезию: препояши чресла твоя и возми жезл мой в руце твои, и иди, яко аще обрящеши мужа, да не благословиши его, и аще благословит тя муж, не отвещай ему: и возложи жезл мой на лице отрочища.Select 2 Kings 4:29

30И рече мати отрочища: жив Господь и жива душа твоя, аще оставлю тебе. И воста Елиссей и иде вслед ея.Select 2 Kings 4:30

31И Гиезий иде пред нею, и возложи жезл на лице отрочища, и не бе гласа, и не бе слышания. И возвратися во сретение его и поведа ему глаголя: не воста отрочищь.Select 2 Kings 4:31

32И вниде Елиссей в храмину, и се, отрочищь умерый положен на одре его.Select 2 Kings 4:32

33И вниде Елиссей в дом и затвори дверь за двою собою, и помолися Господу.Select 2 Kings 4:33

34И взыде, и ляже на отрочищи, и положи уста своя на устех его, и очи свои на очи его, и руце свои на руце его, и плесне свои на плесну его: и слячеся над ним, и дуну на него, и согреся плоть отрочища.Select 2 Kings 4:34

35И обратися, и походи в храмине сюду и сюду: и взыде, и слячеся над отрочищем седмижды, и отверзе отрочищь очи свои.Select 2 Kings 4:35

36И возопи Елиссей ко Гиезию и рече: призови ми Соманитяныню сию. И призва ю, и вниде к нему. И рече Елиссей: приими сына твоего.Select 2 Kings 4:36

37И вниде жена, и паде на ногу его, и поклонися ему до земли: и прият сына своего, и изыде.Select 2 Kings 4:37

38И Елиссей возвратися в Галгалы. И бе глад в земли той, и сынове пророчи седяху пред ним. И рече Елиссей отрочищу своему: настави коноб велий и свари варение сыном пророчим.Select 2 Kings 4:38

39И изыде един на село собрати зелия дивия: и обрет виноград на селе, и набра в нем яблока дивияго полну ризу свою, и всыпа в котел на сварение, яко не разумеша,Select 2 Kings 4:39

40и принесе мужем ясти. И бысть ядущым им от варения, и се, возопиша и реша: смерть в конобе, человече Божий. И не могоша ясти.Select 2 Kings 4:40

41И рече: возмите муки и всыплите в коноб. И рече Елиссей ко Гиезию отрочищу своему: изнеси людем, да ядят. И не бысть ктому злаго глагола в конобе.Select 2 Kings 4:41

42И муж прииде от Вефариса и принесе к человеку Божию первородных двадесять хлебов ячменных и смоквы. И рече: дадите людем, да ядят.Select 2 Kings 4:42

43И рече отрок его: что дам сие сту мужем? И рече: даждь людем я, да ядят, яко сице глаголет Господь: будут ясти, и останет.Select 2 Kings 4:43

44И ядоша, и оста по глаголу Господню.Select 2 Kings 4:44