10Jeremiah 10

1Слышите слово Господне, еже глагола Господь на вас, доме Израилев.Select Jeremiah 10:1

2Сия глаголет Господь: по путем языков не учитеся и от знамений небесных не страшитеся, яко их боятся языцы.Select Jeremiah 10:2

3Понеже законы языков суетни суть: древо есть от леса изсеченое, дело тектонское и слияние:Select Jeremiah 10:3

4сребром и златом украшена суть, и млатами и гвоздьми утвердиша я, да не движутся:Select Jeremiah 10:4

5сребро изваяно есть, не глаголют, носими носятся, понеже ходити не возмогут: не убойтеся их, яко не сотворят зла, и блага несть в них.Select Jeremiah 10:5

6Несть подобен Тебе, Господи: велик еси Ты и велико имя Твое в крепости.Select Jeremiah 10:6

7Кто не убоится Тебе, о, Царю языков! Твоя бо честь между всеми премудрыми языков, и во всех царствах их ни един есть подобен Тебе.Select Jeremiah 10:7

8Купно буии и безумнии суть, учение суетных их древо есть:Select Jeremiah 10:8

9сребро извито от Фарсиса приходит, злато от Офаза, и рука златарей, дела вся художников: в синету и багряницу одеют их, дела умоделников вся сия.Select Jeremiah 10:9

10Господь же Бог истинен есть, Той Бог живый и Царь вечный, от гнева Его подвигнется земля, и не стерпят языцы прещения Его.Select Jeremiah 10:10

11Тако рцыте им: бози, иже небесе и земли не сотвориша, да погибнут от земли и от сих, иже под небесем суть.Select Jeremiah 10:11

12Господь сотворивый землю во крепости Своей, устроивый вселенную в премудрости Своей, и разумом Своим простре небо.Select Jeremiah 10:12

13Ко гласу Своему дает множество вод на небеси: и возведе облаки от последних земли, блистания в дождь сотвори и изведе ветр от сокровищ Своих.Select Jeremiah 10:13

14Буй сотворися всяк человек от ума (своего), постыдеся всяк златоделник во изваяниих своих, яко ложная слия, несть духа в них:Select Jeremiah 10:14

15суетна суть дела, смеху достойна, во время посещения своего погибнут.Select Jeremiah 10:15

16Несть сицевая часть Иакову, яко Создавый вся Той есть, и Израиль жезл достояния Его, Господь Сил имя Ему.Select Jeremiah 10:16

17Собра отвне имение, обитающее во избранных,Select Jeremiah 10:17

18понеже тако глаголет Господь: се, Аз отвергу обитатели земли сея в скорби и смущу их, яко да обрящется язва твоя.Select Jeremiah 10:18

19Горе во сокрушении твоем, болезненна язва твоя: аз же рех: воистинну сия болезнь моя (есть) и объят мя, жилище мое опусте, погибе:Select Jeremiah 10:19

20скиния моя опусте, погибе, и вся кожи моя растерзашася: сынов моих и овец моих несть, несть ктому места скинии моей, места кожам моим:Select Jeremiah 10:20

21понеже обуяша пастырие и Господа не взыскаша, сего ради не уразуме все стадо и расточено бысть.Select Jeremiah 10:21

22Глас слышания, се, грядет и трус велий от земли северныя, да положит грады Иудины в запустение и во обитание змием.Select Jeremiah 10:22

23Вем, Господи, яко несть человеку путь его, ниже муж пойдет и исправит шествие свое.Select Jeremiah 10:23

24Накажи нас, Господи, обаче в суде, а не в ярости, да не умаленых нас сотвориши.Select Jeremiah 10:24

25Излий гнев Твой на языки не знающыя Тя и на племена, яже имене Твоего не призваша, яко поядоша Иакова и потребиша его и пажить его опустошиша.Select Jeremiah 10:25