13Jeremiah 13

1Сия глаголет Господь ко мне: иди и стяжи себе чресленик льняный и препояши того на чреслех твоих, и в воду да не внесеши того.Select Jeremiah 13:1

2И стяжах чресленик по словеси Господню и обложих окрест чресл моих.Select Jeremiah 13:2

3И бысть слово Господне ко мне вторицею, рекущее:Select Jeremiah 13:3

4возми чресленик, егоже стяжал еси, иже есть окрест чресл твоих, и востани и иди ко Евфрату, и скрый того тамо во разселине каменне.Select Jeremiah 13:4

5И идох и скрых того во Евфрате, якоже заповеда мне Господь.Select Jeremiah 13:5

6И бысть по днех мнозех, и рече Господь ко мне: востани и иди ко Евфрату, и возми оттуду чресленик, егоже заповедах тебе скрыти тамо.Select Jeremiah 13:6

7И идох ко Евфрату и раскопах, и взях чресленик от места, идеже скрых его, и се, изгнил бе (чресленик), яко ни на чтоже быти потребну ему.Select Jeremiah 13:7

8И бысть слово Господне ко мне, рекущее: сия глаголет Господь:Select Jeremiah 13:8

9тако согнити сотворю гордыню Иудину и гордыню Иерусалимлю, многую гордыню сию людий сих строптивых,Select Jeremiah 13:9

10иже не хотят послушати словес Моих, ходящих во строптивстве сердца своего и шедших вслед богов чуждих, да служат им и да покланяются им: и будут якоже чресленик той, иже ни к чему потребен.Select Jeremiah 13:10

11Зане, якоже придержится чресленик ко чреслом мужа, тако прилепих Мне (весь) дом Израилев и весь дом Иудин, рече Господь: да будут Мне в люди имениты, и в хвалу и в славу, и не послушаша Мене.Select Jeremiah 13:11

12И речеши к людем сим словеса сия: тако рече Господь Бог Израилев: всяк мех исполнится вина. И будет, аще рекут к тебе: еда ведяще не увемы, яко всяк мех исполнится вина?Select Jeremiah 13:12

13И речеши к ним: сия глаголет Господь: се, Аз исполню всех обитателей земли сея, и царей их седящих от колена Давидова на престоле их, и священники и пророки, и Иуду и всех обитающих во Иерусалиме пиянством,Select Jeremiah 13:13

14и расточу их, мужа и брата его, и отцы их и сыны их вкупе: не пожелаю, рече Господь, не пощажу, и не умилосердюся, еже не погубити их.Select Jeremiah 13:14

15Слышите и внемлите, и не возноситеся, яко Господь глаголал есть.Select Jeremiah 13:15

16Дадите Господу Богу вашему славу прежде даже не смеркнется и прежде даже не преткнутся нозе ваши ко горам темным: и пождете света, и тамо сень смертная, и положени будут во мрак.Select Jeremiah 13:16

17Аще же не послушаете, в тайне восплачется душа ваша от лица гордыни и плачя восплачет, и изведут очи ваши слезы, яко сотрено есть стадо Господне.Select Jeremiah 13:17

18Рцыте царю и владыкам: смиритеся, сядите, яко взятся от главы вашея венец славы вашея.Select Jeremiah 13:18

19Грады южнии затворени суть, и несть отверзаяй: преведен есть весь Иуда, совершиша преселение совершенное.Select Jeremiah 13:19

20Воздвигни очи твои, Иерусалиме, и виждь приходящыя от севера: где стадо даное тебе, овцы славы твоея?Select Jeremiah 13:20

21Что речеши, егда посетят тя? И ты научил еси их на тя учением в началство: еда не оымут тя болезни яко жену родящую?Select Jeremiah 13:21

22Аще же речеши в сердцы твоем: почто приидоша ми сия? За множество беззакония твоего откровена суть задняя твоя, да обруганы будут стопы твоя.Select Jeremiah 13:22

23Аще пременит Ефиоплянин кожу свою, и рысь пестроты своя, и вы можете благотворити научившеся злу.Select Jeremiah 13:23

24И развею их, яко стеблие носимое ветром в пустыню.Select Jeremiah 13:24

25Сей жребий твой и часть непокорства твоего на Мя, глаголет Господь, яко забыл еси Мя и надеялся на лжу:Select Jeremiah 13:25

26темже и аз обнажу бедры твоя противу лица твоего, и явится срамота твояSelect Jeremiah 13:26

27и прелюбодейство твое, и ржание твое и отчуждение блуда твоего: на горах и на селех видех мерзости твоя. Горе тебе, Иерусалиме, яко не очистился еси, последуя мне. Доколе еще?Select Jeremiah 13:27