17Jeremiah 17

1Грех Иудин написан есть писалом железным на ногти адамантове, начертан на скрижали сердца их и на розех олтарей их.Select Jeremiah 17:1

2Егда воспомянут сынове их олтари своя и дубравы своя при древе лиственне и на холмех высоких,Select Jeremiah 17:2

3о, нагорный (жителю)! Крепость твою и сокровища твоя в расхищение дам, и высокая твоя, грех ради твоих, яже во всех пределех твоих,Select Jeremiah 17:3

4и останешися един от наследия твоего, еже дах тебе: и служити тя сотворю врагом твоим в земли, еяже не веси: яко огнь разжегл еси в ярости Моей, даже во век горети будет. Сия глаголет Господь:Select Jeremiah 17:4

5проклят человек, иже надеется на человека и утвердит плоть мышцы своея на нем, и от Господа отступит сердце его:Select Jeremiah 17:5

6и будет яко дивия мирика в пустыни и не узрит, егда приидут благая, и обитати будет в сухоте и в пустыни, в земли сланей и необитаемей.Select Jeremiah 17:6

7И благословен человек, иже надеется на Господа, и будет Господь упование его:Select Jeremiah 17:7

8и будет яко древо насажденное при водах, и во влаге пустит корение свое: не убоится, егда приидет зной, и будет на нем стеблие зелено, и во время бездождия не устрашится и не престанет творити плода.Select Jeremiah 17:8

9Глубоко сердце (человеку) паче всех, и человек есть, и кто познает его?Select Jeremiah 17:9

10Аз Господь испытуяй сердца и искушаяй утробы, еже воздати комуждо по пути его и по плодом изобретений его.Select Jeremiah 17:10

11Возгласи ряб, собра, ихже не роди, творяй богатство свое не с судом: в преполовении дний своих оставит е и на последок свой будет безумен.Select Jeremiah 17:11

12Престол славы возвышен от начала, место святыни нашея.Select Jeremiah 17:12

13Чаяние Израилево, Господи! Вси оставляющии Тя да постыдятся, отступающии (от Тебе) на земли да напишутся, яко оставиша источник живых вод, Господа.Select Jeremiah 17:13

14Изцели мя, Господи, и изцелею: спаси мя, и спасен буду, яко хвала моя Ты еси.Select Jeremiah 17:14

15Се, тии глаголют ко мне: где есть слово Господне? Да приидет.Select Jeremiah 17:15

16Аз же не утрудихся, Тебе (пастырю) последуяй, и дне человеча не пожелах: Ты веси исходящая от устен моих, пред лицем Твоим суть:Select Jeremiah 17:16

17не буди ми во отчуждение, упование мое Ты в день лют.Select Jeremiah 17:17

18Да постыдятся гонящии мя, аз же да не постыждуся: да устрашатся тии, аз же да не устрашуся: наведи на них день озлобления, сугубым сокрушением сотри их.Select Jeremiah 17:18

19Сия глаголет Господь ко мне: иди и стани во вратех сынов людий твоих, имиже входят царие Иудины и исходят, и во всех вратех Иерусалимских и речеши к ним:Select Jeremiah 17:19

20слышите слово Господне, царие Иудины и вся Иудеа и весь Иерусалим, входящии во врата сия.Select Jeremiah 17:20

21Сия глаголет Господь: сохраните душы вашя и не носите бремен в день суббот, и не исходите враты Иерусалима,Select Jeremiah 17:21

22и не износите бремен из домов ваших в день субботный, и всякаго дела не творите: освятите день субботный, якоже заповедах отцем вашым:Select Jeremiah 17:22

23и не услышаша, ни приклониша уха своего, но ожесточиша выи своя паче отец своих, да не услышат мя и да не приимут наказания.Select Jeremiah 17:23

24И будет, аще послушаете Мене, глаголет Господь, еже не вносити бремен во врата града сего в день субботный, и святити день субботный, не творити в онь всякаго дела,Select Jeremiah 17:24

25и внидут во врата града сего царие и началницы, седящии на престоле Давидове и восходящии на колесницах и конех своих, тии и началницы их, мужие Иудины и обитателие Иерусалима: и обитати будут во граде сем во веки:Select Jeremiah 17:25

26и приидут от градов Иудиных и от окрестных Иерусалима, и от земли Вениамини и от польных, и от горних и от юга, носяще всесожжения и жертву, и фимиам и манау и ливан, носяще хвалу в дом Господень.Select Jeremiah 17:26

27И будет, аще не послушаете Мене еже святити день субботный и не носити бремен, ниже входити вратами Иерусалима в день субботный, то зажгу огнь во вратех его, и пожрет домы Иерусалимли и не угаснет.Select Jeremiah 17:27