18Jeremiah 18

1Слово, еже бысть ко Иеремии от Господа, рекущее:Select Jeremiah 18:1

2востани и сниди в дом скудельничь, и тамо услышиши словеса Моя.Select Jeremiah 18:2

3И снидох в дом скудельничь, и се, той творяше дело на каменех.Select Jeremiah 18:3

4И разбися сосуд, егоже той творяше от глины рукама своима: и паки той сотвори из него иный сосуд, якоже угодно во очию его творити.Select Jeremiah 18:4

5И бысть слово Господне ко мне, рекущее:Select Jeremiah 18:5

6еда, якоже скудельник сей, не возмогу сотворити вас, доме Израилев? Рече Господь: се, якоже брение в руку скудельника, тако вы есте, доме Израилев, в руку Моею:Select Jeremiah 18:6

7наконец возглаголю на язык и на царство, да искореню их и разорю и расточу я:Select Jeremiah 18:7

8и аще обратится язык той от всех лукавств своих, то раскаюся о озлоблениих, яже помыслих сотворити им:Select Jeremiah 18:8

9и наконец реку на язык и царство, да возсозижду и насажду я,Select Jeremiah 18:9

10и аще сотворят лукавая пред очима Моима, еже не послушати гласа Моего, то раскаюся о благих, яже глаголах сотворити им.Select Jeremiah 18:10

11И ныне рцы ко мужем Иудиным и обитателем Иерусалима, рекий: сия рече Господь: се, Аз творю на вас злая и мышлю на вас умышление: да обратится убо кийждо от пути своего лукаваго, и исправите пути вашя и умышления ваша.Select Jeremiah 18:11

12И рекоша: укрепимся, ибо по развращением нашым пойдем, и кийждо угодное сердца своего лукаваго сотворим.Select Jeremiah 18:12

13Сего ради сия глаголет Господь: вопросите ныне языков, кто слыша сицевая страшная, яже сотвори зело дева Израилева?Select Jeremiah 18:13

14Еда оскудеют от камене сосцы, или снег от Ливана? Еда уклонится вода зелно ветром носимая?Select Jeremiah 18:14

15Понеже забыша Мене людие Мои всуе жруще, и изнемогут на путех своих и на стезях вечных, еже взыти на стези не имущыя пути на хождение,Select Jeremiah 18:15

16еже положити землю свою в запустение и во звиздание вечное: всяк, иже прейдет по ней, почудится и покивает главою своею:Select Jeremiah 18:16

17якоже ветр палящь разсею их пред враги их, хребет, а не лице покажу им в день погибели их.Select Jeremiah 18:17

18И рекоша: приидите и умыслим на Иеремию совет, ибо не погибнет закон от священника, ни совет от премудраго, ни слово от пророка: приидите и поразим его языком, и не вонмем всем словесем его.Select Jeremiah 18:18

19Вонми, Господи, мне и услыши глас оправдания моего.Select Jeremiah 18:19

20Еда воздаются злая за благая? Яко глаголаша словеса на душу мою и мучителство свое сокрыша ми. Помяни стоявшаго мя пред Тобою, еже глаголати за них благая, да отвращу гнев Твой от них.Select Jeremiah 18:20

21Сего ради даждь сыны их в глад и собери их в руце меча: да будут жены их безчадны и вдовы, и мужие их да будут убиени смертию, и юноши их да падут мечем на рати:Select Jeremiah 18:21

22да будет вопль в домех их: наведи на них разбойники внезапу, понеже совещаша слово, да имут мя, и сети скрыша на мя.Select Jeremiah 18:22

23Ты же, Господи, веси весь совет их на мя в смерть: да не очистиши беззакония их и грехов их от лица Твоего да не изгладиши: да будет болезнь их пред Тобою, и во время ярости Твоея сотвори им.Select Jeremiah 18:23