20Jeremiah 20

1И услыша Пасхор сын Еммеров священник, иже поставлен бе началник в дому Господни, Иеремию пророчествующа словеса сия:Select Jeremiah 20:1

2и удари Пасхор Иеремию пророка и вверже его в кладу, яже бе во вратех Вениаминих вышних в дому Господни.Select Jeremiah 20:2

3Бывшу же утру, изведе Пасхор Иеремию от клады. И рече к нему Иеремиа: не Пасхор нарече (Господь) имя твое, но Преселника Отвсюду.Select Jeremiah 20:3

4Понеже сия глаголет Господь: се, Аз дам тя в преселение и всех другов твоих: и падут мечем враг своих, и очи твои узрят, и тебе и всего Иуду дам в руки царя Вавилонска, и преведут их в Вавилон и побиют их мечьми.Select Jeremiah 20:4

5И дам всю силу града сего и вся труды его и вся сокровища царя Иудина дам в руки врагов его, и расхитят их и возмут и отведут в Вавилон.Select Jeremiah 20:5

6Ты же, Пасхор, и вси обитателие дому твоего, отидете во пленение, и в Вавилон приидеши и тамо умреши, тамо же и погребешися ты и вси друзие твои, имже пророчествовал еси лжу.Select Jeremiah 20:6

7Прельстил мя еси, Господи, и прельщен есмь, креплейший мене еси и превозмогл еси: бых в посмех весь день, вси ругаются мне.Select Jeremiah 20:7

8Понеже горьким словом моим посмеюся, отвержение и бедность наведу, яко бысть в поношение мне слово Господне и в посмех весь день.Select Jeremiah 20:8

9И рекох: не воспомяну имене Господня, ниже возглаголю ктому во имя Его. И бысть в сердцы моем яко огнь горящь, палящь в костех моих, и разслабех отвсюду, и не могу носити:Select Jeremiah 20:9

10слышах бо досадителства многих собравшихся окрест: нападите, нападим нань, вси мужие друзие его: наблюдайте помышление его, аще (како) прельстится, и преможем нань и сотворим отмщение наше ему.Select Jeremiah 20:10

11Господь же со мною есть яко борец крепкий: сего ради погнаша и уразумети не могоша: постыдешася зело, яко не разумеша безчестия своего, еже во век не забвено будет.Select Jeremiah 20:11

12И Ты, Господи сил, искушаяй праведная, ведаяй утробы и сердца, (молютися,) да вижду мщение Твое на них, Тебе бо открых прю мою.Select Jeremiah 20:12

13Пойте Господу, хвалите Господа, яко избави душу убогаго от руки лукавых.Select Jeremiah 20:13

14Проклят день, в оньже родихся: день, в оньже породи мя мати моя, да не будет благословен.Select Jeremiah 20:14

15Проклят муж, иже возвести отцу моему, рекий: родися тебе отрок мужеск, и яко радостию возвесели его.Select Jeremiah 20:15

16Да будет человек той якоже гради, яже преврати Господь яростию и не раскаяся: да слышит вопль заутра и рыдание во время полуденное:Select Jeremiah 20:16

17яко не убил мене в ложеснах матере, и была бы мне мати моя гроб мой и ложесна зачатия вечнаго.Select Jeremiah 20:17

18Вскую изыдох из ложесн, да вижду труды и болезни, и скончашася в постыдении дние мои?Select Jeremiah 20:18