22Jeremiah 22

1Сия рече Господь: иди и вниди в дом царя Иудина и рцы тамо слово сие,Select Jeremiah 22:1

2и речеши: слыши слово Господне, царю Иудин, иже седиши на престоле Давидове, ты и дом твой, и раби твои и людие твои и входящии дверьми сими:Select Jeremiah 22:2

3сия глаголет Господь: творите суд и правду, и избавите силою угнетена от руку обидящаго и, и пришелца и сира и вдовицы не оскорбляйте, не угнетайте беззаконно, и крове неповинныя не изливайте на месте сем.Select Jeremiah 22:3

4Аще бо творяще сотворите слово сие, то внидут вратами дому сего царие седящии на престоле Давидове и вседающии на колесницы и на кони, тии и раби их и людие их.Select Jeremiah 22:4

5Аще же не послушаете словес сих, Сам Собою закляхся, рече Господь, яко в пустыню будет дом сей.Select Jeremiah 22:5

6Понеже тако глаголет Господь на дом царя Иудина: Галаад ты Мне, глава Ливанская, аще не поставлю тебе в пустыню, во грады необитанны,Select Jeremiah 22:6

7и наведу на тя убивающа мужа и секиру его, и посекут избранныя кедры твоя и вергут на огнь.Select Jeremiah 22:7

8И пройдут языцы мнози сквозе град сей, и речет кийждо искреннему своему: вскую сотвори Господь тако граду сему великому?Select Jeremiah 22:8

9И отвещают: сего ради, яко оставиша завет Господа Бога своего и поклонишася богом чуждим и послужиша им.Select Jeremiah 22:9

10Не плачите мертваго, ниже рыдайте о нем: плачите плачем о исходящем, яко не возвратится ктому, ниже увидит земли рождения своего.Select Jeremiah 22:10

11Понеже сия рече Господь к Селлиму сыну Иосиину царю Иудину царствующему вместо Иосии отца своего, иже изшел есть от места сего: не возвратится ктому семо,Select Jeremiah 22:11

12но на месте том, аможе преведох его, тамо умрет и земли сея не узрит ктому.Select Jeremiah 22:12

13Горе созидающему дом свой с неправдою и горницы своя не в суде, у негоже ближний его делает туне, и мзды его не воздаст ему:Select Jeremiah 22:13

14иже рече: созижду себе дом пространен, и горницы широки со отверстыми окнами и своды кедровыми, и расписаны червленцем.Select Jeremiah 22:14

15Еда царствовати будеши, яко ты поощряешися о ахазе отце твоем? Не ядят, ниже пиют: лучше тебе было творити суд и правду благу.Select Jeremiah 22:15

16Не познаша, не судиша суда смиренных, ниже суда нища: не сие ли тебе есть, еже не знати тебе Мене, рече Господь?Select Jeremiah 22:16

17Се, не суть очи твои, ниже сердце твое благо, но к сребролюбию твоему и крове неповинныя пролиянию, и ко обидам и ко убийству, еже творити я.Select Jeremiah 22:17

18Сего ради сия рече Господь ко Иоакиму сыну Иосиину царю Иудину: горе мужу сему, не оплачут его: горе, брате! Ниже возрыдают о нем: увы мне, господине!Select Jeremiah 22:18

19Погребением ослим погребется, влачимь извержен будет вне врат Иерусалима.Select Jeremiah 22:19

20Взыди на Ливан и возопий, и в Васан даждь глас твой, и возопий на он пол моря, яко сотрени суть вси любовнии твои.Select Jeremiah 22:20

21Глаголах к тебе в падении твоем, и рекл еси: не услышу. Сей путь твой от юности твоея, яко не послушал еси гласа Моего.Select Jeremiah 22:21

22Всех пастырей твоих упасет ветр, и любовнии твои во пленение пойдут, и тогда постыдишися и посрамишися от всех любящих тя:Select Jeremiah 22:22

23иже седиши в Ливане и гнездишися в кедрех, возстенеши, егда приидут к тебе болезни, яко раждающия.Select Jeremiah 22:23

24Живу Аз, рече Господь, аще будет Иехониа сын Иоакима царь Иудин, перстень на руце десней Моей, оттуду исторгну тяSelect Jeremiah 22:24

25и предам тя в руки ищущих души твоея и в руки, ихже ты боишися лица, и в руки Навуходоносора царя Вавилонска и в руки Халдеом,Select Jeremiah 22:25

26и отвергу тя и матерь твою, яже роди тя, в землю чужду, в нейже несте рождени, и тамо умрете:Select Jeremiah 22:26

27а в землю, в нюже тии желают душами своими возвратитися, не возвратятся.Select Jeremiah 22:27

28Обезчестися Иехониа, аки сосуд непотребен, яко отриновен бысть той и семя его, и извержен в землю, еяже не ведяше.Select Jeremiah 22:28

29Земле, земле, земле, слыши слово Господне!Select Jeremiah 22:29

30Сия рече Господь: напиши мужа сего отвержена, мужа, иже во днех своих не предуспеет: ниже бо будет от семене его муж, иже сядет на престоле Давидове, и власть имеяй ктому во Иуде.Select Jeremiah 22:30