23Jeremiah 23

1Горе пастырем, иже погубляют и расточают овцы паствы Моея, рече Господь.Select Jeremiah 23:1

2Сего ради сия рече Господь Бог Израилев к пасущым людий Моих: вы расточили есте овцы Моя, и отвергосте я, и не посетисте их, се, Аз посещу на вас по лукавству умышлений ваших, рече Господь:Select Jeremiah 23:2

3и Аз соберу останки стада Моего от всех земель, в няже извергох их тамо, и возвращу их к селением их, и возрастут и умножатся.Select Jeremiah 23:3

4И возставлю над ними пастыри, и упасут их, и не убоятся ктому, ниже ужаснутся, и ни един погибнет от числа, рече Господь.Select Jeremiah 23:4

5Се, дние грядут, глаголет Господь, и возставлю Давиду Восток праведный, и царствовати будет Царь и премудр будет и сотворит суд и правду на земли:Select Jeremiah 23:5

6во днех Его спасется Иуда, и Израиль пребудет в надежди, и сие имя Ему, имже нарекут Его: Господь праведен наш.Select Jeremiah 23:6

7Сего ради, се, дние грядут, рече Господь, и не рекут ктому: живет Господь, иже изведе сыны Израилевы от земли Египетския:Select Jeremiah 23:7

8но: живет Господь, иже изведе и преведе семя дому Израилева от земли северски и от всех земель, в няже изверже их тамо, и обитати имут в земли своей.Select Jeremiah 23:8

9О пророцех сотрено есть сердце мое во мне, вострепеташа вся кости моя, бых яко муж пиян и яко человек, егоже одоле вино, от лица Господня и от лица благолепия славы Его.Select Jeremiah 23:9

10Яко прелюбодеяньми исполнена есть земля, яко от лица их плакася земля, изсхоша пажити пустынныя: и бысть течение их лукаво, и крепость их такожде.Select Jeremiah 23:10

11Понеже пророк и священник осквернишася, и в дому Моем обретох лукавство их, рече Господь:Select Jeremiah 23:11

12того ради путь их будет им ползок во тме, и поткнутся и падут в нем: наведу бо на них злая в лето посещения их, рече Господь.Select Jeremiah 23:12

13И во пророцех Самарийских видех беззакония: пророчествоваху чрез Ваала и прельщаху люди Моя Израиля.Select Jeremiah 23:13

14И во пророцех Иерусалимских видех ужасная, прелюбодействующих и ходящих во лжи и скрепляющих руки строптивым, да не отвратится кийждо от пути своего лукаваго: быша Мне вси аки Содом, и обитающии в нем яко Гоморр.Select Jeremiah 23:14

15Сего ради тако рече Господь Сил ко пророком: се, Аз напитаю их пелынем и напою их желчию, от пророков бо Иерусалимских изыде осквернение на всю землю.Select Jeremiah 23:15

16Сия глаголет Господь Сил: не слушайте словес пророков, иже пророчествуют вам и прельщают вас: видение от сердца своего глаголют, а не от уст Господних.Select Jeremiah 23:16

17Глаголют отвергающым Мя: глагола Господь, мир будет вам: и всем, иже ходят в похотех своих, и всякому, ходящему в строптивстве сердца своего, рекоша: не приидут на вас злая.Select Jeremiah 23:17

18Кто бо бысть в совете Господни, и виде и слыша словеса Его? Кто внят слово Его и слыша?Select Jeremiah 23:18

19Се, буря от Господа и ярость исходит в сотрясение, устремившися приидет на нечестивыя.Select Jeremiah 23:19

20И ктому не возвратится ярость Господня, дондеже сотворит сие и дондеже совершит помышление сердца Своего. В последния дни уразумеете совет Его.Select Jeremiah 23:20

21Не посылах пророки, а они течаху: не глаголах к ним, и тии пророчествоваху.Select Jeremiah 23:21

22И аще бы стали в совете Моем, слышана сотворили бы словеса Моя и отвратили бы людий Моих от пути их лукаваго и от начинаний их лукавых.Select Jeremiah 23:22

23Бог приближаяйся Аз есмь, глаголет Господь, а не Бог издалеча.Select Jeremiah 23:23

24Аще утаится кто в сокровенных, и Аз не узрю ли его? Рече Господь. Еда небо и землю не Аз наполняю? Рече Господь.Select Jeremiah 23:24

25Слышах, яже глаголют пророцы, пророчествующе во имя Мое лжу и глаголюще: видех сон, (видех сон).Select Jeremiah 23:25

26Доколе будет в сердцы пророков прорицающих лжу и пророчествующих льщения сердца своего,Select Jeremiah 23:26

27мыслящих, да забвен будет закон Мой в сониих их, яже вещают кийждо искреннему своему, якоже забыша отцы их имя Мое ради Ваала?Select Jeremiah 23:27

28Пророк, иже имать сновидение, да вещает сновидение свое, а иже имать слово Мое, да глаголет слово Мое во истине. Что плевы ко пшенице? Тако слово Мое, рече Господь.Select Jeremiah 23:28

29Еда словеса Моя не суть якоже огнь горящь, рече Господь, и яко млат сотрыющь камень?Select Jeremiah 23:29

30Сего ради, се, Аз ко пророком, рече Господь, иже крадут словеса Моя кийждо от искренняго своего.Select Jeremiah 23:30

31Се, Аз на пророки, глаголет Господь, износящыя пророчествия языком и дремлющыя дремание свое.Select Jeremiah 23:31

32Се, Аз на пророки, прорицающыя соние лживо, рече Господь, и провещаша та, и прельстиша люди Моя во лжах своих и во прелестех своих, Аз же не послах их, ни заповедах им, и пользою не упользуют людий сих, (рече Господь).Select Jeremiah 23:32

33И аще вопросят людие сии, или пророк, или священник, рекуще: кое (есть) бремя Господне? И речеши к ним: вы есте бремя, и повергу вас, рече Господь.Select Jeremiah 23:33

34И пророк, и священник, и людие, иже рекут: бремя Господне, посещу местию на мужа того и на дом его.Select Jeremiah 23:34

35Сице рцыте кийждо ко искреннему и ко брату своему: что отвеща Господь? И что глагола Господь?Select Jeremiah 23:35

36И бремя Господне не помянется ктому, ибо бремя будет комуждо слово его: и превратисте словеса Бога живаго, Господа Сил, Бога нашего.Select Jeremiah 23:36

37Сия рцы ко пророку: что отвеща тебе Господь? И что глагола Господь?Select Jeremiah 23:37

38Аще же речете: бремя Господне: сего ради тако рече Господь: понеже рекли есте глагол сей бремя Господне, и послах к вам, рекий: не глаголите бремя Господне:Select Jeremiah 23:38

39сего ради, се, Аз возму и повергу вас и град, егоже дах вам и отцем вашым, от лица Моего,Select Jeremiah 23:39

40и дам вас в поношение вечное и в срамоту вечную, яже никогда забвением загладится.Select Jeremiah 23:40