25Jeremiah 25

1Слово, еже бысть ко Иеремии на вся люди Иудины, в лето четвертое Иоакима сына Иосиина, царя Иудина: то лето первое Навуходоносора царя Вавилонскаго:Select Jeremiah 25:1

2еже глагола Иеремиа пророк ко всем людем Иудиным и ко всем обитателем Иерусалима, рекий:Select Jeremiah 25:2

3в третиенадесять лето Иосии сына Амосова, царя Иудина, и даже до дне сего, сие двадесять третие лето, бысть слово Господне ко мне, и глаголах к вам, заутра востая и глаголя: и не слышасте.Select Jeremiah 25:3

4И посылаше Господь к вам всех раб Своих пророк, востая заутра и посылая: и не слышасте, ни приклонисте ушес ваших, да слышите, егда глаголаше:Select Jeremiah 25:4

5отвратитеся кийждо от пути своего злаго и от злейших умышлений ваших, и обитати будете в земли, юже Господь даде вам и отцем вашым, от века даже и до века:Select Jeremiah 25:5

6и не ходите вслед богов чуждих, еже служити им и покланятися им, да не прогневаете Мя в делех рук ваших, еже озлобити вас.Select Jeremiah 25:6

7И не послушасте Мя, рече Господь, еже не подвизати Мя ко гневу в делех руку вашею на зло вам.Select Jeremiah 25:7

8Сего ради сия глаголет Господь Сил: понеже не послушасте словес Моих,Select Jeremiah 25:8

9се, Аз послю и возму вся племена северска, (рече Господь,) и Навуходоносора царя Вавилонска раба Моего: и приведу их на землю сию и на обитатели ея и на вся языки, иже окрест ея, и убию их и поставлю их во ужас и во звиздание и в поношение вечное:Select Jeremiah 25:9

10и погублю от них глас радости и глас веселия, глас жениха и глас невесты, благоухание мира и свет светилника:Select Jeremiah 25:10

11и будет вся земля сия в запустение и во ужас, и поработают сии во языцех царю Вавилонску седмьдесят лет.Select Jeremiah 25:11

12Егда же исполнени будут седмьдесят лет, посещу на царя Вавилонска и на язык оный, рече Господь, беззакония их, и на землю Халдейску, и положу тую в запустение вечное,Select Jeremiah 25:12

13и наведу на землю ону вся словеса Моя, яже глаголах на ню, вся писанная в книзе сей, и елика пророчествова Иеремиа на вся языки:Select Jeremiah 25:13

14яко работаша им, егда беша языцы мнози и царие велицы, и воздам им по делом их и по творению рук их,Select Jeremiah 25:14

15елико прорече Иеремиа до всех стран: тако бо глаголет Господь Бог Израилев: возми чашу вина нераствореннаго от руки Моея, да напоиши вся языки, к нимже Аз послю тя.Select Jeremiah 25:15

16И испиют и изблюют, и обуяют от лица меча, егоже Аз послю среде их.Select Jeremiah 25:16

17И взях чашу от руки Господни и напоих вся языки, к нимже посла мя Господь:Select Jeremiah 25:17

18Иерусалима и грады Иудины, и цари его и князи его, яко положити я во опустение и в непрохождение, и во звиздание и в проклятие, яко день сей,Select Jeremiah 25:18

19и фараона царя Египетскаго и отроков его, и вельможы его и вся люди егоSelect Jeremiah 25:19

20и вся примесники его, и вся цари земли Ус и вся цари иноплеменников, Аскалона и Газу, и Аккарона и останок Азота,Select Jeremiah 25:20

21и Идумею и Моавитиду и сыны Аммони,Select Jeremiah 25:21

22и вся цари Тирски и цари Сидонски и цари, иже об ону страну моря,Select Jeremiah 25:22

23и Дедана и Фемана, и Роса и всякаго остриженаго по лицу его,Select Jeremiah 25:23

24и вся цари Аравии и вся смесники обитающыя в пустыни,Select Jeremiah 25:24

25и вся цари Замврийския и вся цари Еламския, и вся цари ПерсскияSelect Jeremiah 25:25

26и вся цари от восточия, дальния и ближния, коегождо ко брату его, и вся царства, яже на лицы земли, и царь Сесах испиет последи их.Select Jeremiah 25:26

27И речеши им: тако рече Господь Сил, Бог Израилев: пийте и упийтеся, и изблюйте и падите, и не востаните от лица меча, егоже Аз послю среде вас.Select Jeremiah 25:27

28И будет, егда не восхотят прияти чаши от руки твоея, еже пити, речеши к ним: тако рече Господь: пиюще пийте.Select Jeremiah 25:28

29Яко во граде, в немже именовася имя Мое, Аз начну озлобляти, и вы очищением не очиститеся: понеже мечь Аз призываю на вся седящыя на земли, рече Господь Сил.Select Jeremiah 25:29

30Ты же проречеши на них вся словеса сия и речеши: Господь с высоты суд воздаст, от святаго Своего даст глас Свой, слово проречет на место Свое, сии же яко объемлюще виноград отвещают: и на вся седящыя на земли прииде пагуба,Select Jeremiah 25:30

31на часть земли, яко суд во языцех Господу: судитися имать Той со всякою плотию, нечестивии же предани быша мечу, глаголет Господь.Select Jeremiah 25:31

32Тако глаголет Господь: се, злая грядут от языка на язык, и вихорь велик исходит от конца земли.Select Jeremiah 25:32

33И будут язвении от Господа в день Господень, от края земли и до края земли: не оплачутся, ниже соберутся и не погребутся, в гной на лицы земли будут.Select Jeremiah 25:33

34Воскликните, пастуси и возопийте, и восплачите, овни овчии, яко исполнишася дние ваши на заколение, и падете якоже овни избраннии,Select Jeremiah 25:34

35и изгибнет бегство от пастухов и спасение от овнов овчих.Select Jeremiah 25:35

36Глас вопля пастырска и кличь овец и овнов, яко потреби Господь пажити их:Select Jeremiah 25:36

37и умолкнут останцы мира от лица ярости гнева Господня.Select Jeremiah 25:37

38Остави якоже лев виталище Свое, яко бысть земля их в непрохождение от лица меча великаго.Select Jeremiah 25:38