28Jeremiah 28

1И бысть в четвертое лето, царствующу Седекии царю Иудину, в пятый месяц, рече ми Ананиа сын Азоров лживый пророк Гаваонитский в дому Господни, пред очима жерцев и всех людий, глаголя:Select Jeremiah 28:1

2тако рече Господь Вседержитель Бог Израилев: сокруших ярем царя Вавилонска:Select Jeremiah 28:2

3еще два лета дний, возвращу Аз на место сие вся сосуды дому Господня, яже взя Навуходоносор царь Вавилонский от места сего и пренесе я до Вавилона,Select Jeremiah 28:3

4и Иехонию сына Иоакимова царя Иудина, и все преселение Иудино вшедшее в Вавилон возвращу в место сие, глаголет Господь, яко сокрушу ярем царя Вавилонска.Select Jeremiah 28:4

5И рече Иеремиа пророк ко Анании лжепророку пред очима жерцев и пред очима всех людий стоящих в дому Господни,Select Jeremiah 28:5

6и рече Иеремиа: поистинне тако да сотворит Господь, да утвердит Господь слово твое, еже ты прорицаеши, еже возвратити сосуды дому Господня и вся преселенныя из Вавилона на место сие:Select Jeremiah 28:6

7обаче слышите слово сие, еже аз глаголю во ушы ваши и во ушы всех людий:Select Jeremiah 28:7

8пророцы, бывшии прежде мене и прежде вас от века, прорекоша на многи земли и на царства велика о рати и о погублении и о гладе:Select Jeremiah 28:8

9пророк прорекий мир, пришедшу слову познают пророка, егоже посла им Господь в вере.Select Jeremiah 28:9

10И взя Ананиа пред очима всех людий клады от выи Иеремиины и сокруши я.Select Jeremiah 28:10

11И рече Ананиа пред очима всех людий глаголя: сице рече Господь: тако сокрушу ярем Навуходоносора царя Вавилонска еще два лета дний со выи всех языков. И отиде Иеремиа на путь свой.Select Jeremiah 28:11

12И бысть слово Господне ко Иеремии, по сокрушении Ананиине клад со выи его, глаголя:Select Jeremiah 28:12

13иди и рцы ко Анании глаголя: тако рече Господь: клады древяныя сокрушил еси и сотвориши вместо тех клады железны,Select Jeremiah 28:13

14яко тако рече Господь: ярем железен возложих на выи всех языков, служити Навуходоносору царю Вавилонску, и послужат ему: ктому и звери земныя дах ему.Select Jeremiah 28:14

15И рече Иеремиа пророк ко Анании: слыши, Анание: не посла тебе Господь, ты же сотворил еси людий сих уповати на неправду.Select Jeremiah 28:15

16Того ради сице рече Господь: се, Аз отпущу тя от лица земли, в сем лете умреши, яко на Господа (Бога) глаголал еси.Select Jeremiah 28:16

17И умре Ананиа лжепророк в сем лете месяца седмаго.Select Jeremiah 28:17