30Jeremiah 30

1Слово бывшее ко Иеремии от Господа глаголя:Select Jeremiah 30:1

2тако рече Господь Бог Израилев глаголя: впиши вся словеса в книги, яже глаголах к тебе.Select Jeremiah 30:2

3Яко се, дние грядут, рече Господь, и возвращу преселение людий Моих Израиля и Иуды, рече Господь Вседержитель, и возвращу я на землю, юже дах отцем их, и овладеют ею.Select Jeremiah 30:3

4И сия словеса, яже глагола Господь о Израили и о Иуде.Select Jeremiah 30:4

5Тако рече Господь: глас страха услышите: страх, и несть мира.Select Jeremiah 30:5

6Вопросите и видите, аще раждает мужеск пол? И о страсе, в немже имети будут чресла и спасение? Понеже видех всякаго человека, и руце его на чреслех его аки раждающия: обратишася лица в желтую болезнь.Select Jeremiah 30:6

7О, люте! Яко бысть велик день той и несть подобна ему: и время тесно есть Иакову, и от того спасется.Select Jeremiah 30:7

8В той день, рече Господь, сокрушу ярем со выи их и узы их расторгну: и не послужат тии ктому чуждим,Select Jeremiah 30:8

9но послужат тии Господу Богу своему: и Давида царя их возставлю им.Select Jeremiah 30:9

10Сего ради ты не бойся, рабе Мой Иакове, глаголет Господь, ни устрашайся, Израилю: яко се, Аз спасу тя из земли дальния и семя твое из земли пленения их: и возвратится паки Иаков и почиет и всякаго добра исполнен будет, и не будет устрашаяй тя.Select Jeremiah 30:10

11Яко Аз с тобою есмь, глаголет Господь, спасаяй тя: яко сотворю скончание во всех языцех, в няже разсеях тя: тебе же не сотворю во скончание, но накажу тя в суде и очищая не очищу тя.Select Jeremiah 30:11

12Тако бо глаголет Господь: возставих сокрушение твое, болезненна есть язва твоя,Select Jeremiah 30:12

13несть судяй суда твоего, на болезнь врачевался еси, пользы несть тебе:Select Jeremiah 30:13

14вси друзие твои забыша тя, ниже вопросят тя, яже о мире твоем: яко язвою вражиею поразих тя, наказанием твердым: множества ради неправды твоея превозмогоша греси твои.Select Jeremiah 30:14

15Что вопиеши о сокрушении твоем? Неизцельна есть болезнь твоя множества ради неправды твоея, и твердых ради грехов твоих сотворих ти сия (вся).Select Jeremiah 30:15

16Того ради вси ядущии тя изядени будут, и вси врази твои плоть их всю изядят: во множестве неправды твоея умножишася греси твои, сотвориша сия тебе: и будут разграбляющии тя в разграбление, и всех пленяющих тя дам во пленение.Select Jeremiah 30:16

17Яко обяжу язву твою и от ран твоих уврачую тя, рече Господь: яко расточенным называху тя, Сионе ловитва наша есть, яко несть взыскающаго его.Select Jeremiah 30:17

18Тако глаголет Господь: се, Аз возвращу преселение Иаковле и пленники его помилую, и возградится град в высоту свою, и храм по чину своему утвердится:Select Jeremiah 30:18

19и изыдут из него поющии и глас играющих, и умножу я, и не умалятся.Select Jeremiah 30:19

20И внидут сынове их якоже и прежде, и свидения их пред лицем Моим исправятся: и посещу на вся стужающыя им,Select Jeremiah 30:20

21и будут крепльшии его на ня, и князь его из него изыдет: и соберу я, и обратятся ко Мне: кто бо есть той, иже приложит сердце свое обратитися ко Мне? Рече Господь.Select Jeremiah 30:21

22И будете Ми в люди, и Аз вам буду в Бога.Select Jeremiah 30:22

23Яко гнев Господень изыде яр, изыде гнев обращаемь, на нечестивыя приидет.Select Jeremiah 30:23

24Не отвратится гнев ярости Господни, дондеже сотворит и дондеже исполнит умышление сердца Своего: в последния дни познаете я.Select Jeremiah 30:24