32Jeremiah 32

1Слово бывшее от Господа ко Иеремии в десятое лето Седекии, царя Иудина, то лето осмоенадесять Навуходоносору царю Вавилонску.Select Jeremiah 32:1

2И тогда сила царя Вавилонска острог обложи окрест Иерусалима, Иеремиа же стегомь бяше во дворе темничнем, иже есть во дворе царя Иудина,Select Jeremiah 32:2

3в нейже заключи его Седекиа царь, глаголя: почто ты прорицаеши, глаголя: тако рече Господь: се, Аз даю сей град в руце царя Вавилонска, и возмет его,Select Jeremiah 32:3

4и Седекиа царь Иудин не спасется от руки Халдейски, яко преданием предастся в руце царя Вавилонска, и соглаголет усты своими ко устом его, и очи его очи его узрят,Select Jeremiah 32:4

5и в Вавилон внидет Седекиа и ту будет, дондеже посещу его, глаголет Господь: аще же воевати будете на Халдеи, ничесоже успеете?Select Jeremiah 32:5

6И рече Иеремиа: бысть слово Господне ко мне глаголя:Select Jeremiah 32:6

7се, Аиамеил, сын Саломль, брата отца твоего, идет к тебе, глаголя: прикупи себе село мое, еже во Анафофе, яко тебе суд ужичества прияти во притяжание.Select Jeremiah 32:7

8И прииде ко мне Анамеил, сын Саломль, брата отца моего, по словеси Господню во двор темничный и рече ми: прикупи себе село мое, еже во Анафофе в земли Вениамини: яко тебе суд прикупити е, ты бо старей. И разумех, яко слово Господне есть,Select Jeremiah 32:8

9и прикупих село Анамеиле, сына брата отца моего, от Анафофа, и поставих ему седмьнадесять сикль сребра,Select Jeremiah 32:9

10и вписах в книгу и запечатах, и засвидетелствовах послухи и поставих сребро на весах.Select Jeremiah 32:10

11И взях книгу купления прочтену и запечатану.Select Jeremiah 32:11

12И дах книгу купления Варухови сыну Нириину, сына Маассеова, пред очима Анамеила сына брата отца моего, и пред очима стоящих послух и вписавших в книги купления, и пред очима всех Иудеов, седящих во дворе темничнем.Select Jeremiah 32:12

13И завещах Варуху пред очима их, глаголя:Select Jeremiah 32:13

14тако рече Господь Вседержитель Бог Израилев: возми книгу сию купления запечатленну и книгу прочтеную и вложи ю в сосуд глинян, да пребудет дни множайшыя.Select Jeremiah 32:14

15Яко тако рече Господь Вседержитель Бог Израилев: еще притяжутся храмины и села и винограды на сей земли.Select Jeremiah 32:15

16И молихся ко Господеви по отдании книги прикупления Варуху сыну Нириину, глаголя:Select Jeremiah 32:16

17о, сый Господи Боже! Ты сотворил еси небо и землю крепостию Твоею великою и мышцею Твоею высокою, не утаится от Тебе ничтоже,Select Jeremiah 32:17

18творяй милость в тысящы и отдаяй грехи отчи в недра чад их по них: Бог великий и крепкий,Select Jeremiah 32:18

19Бог велика совета и силен делесы, Бог великий Вседержитель и великоименит Господь: очи Твои отверсты на вся пути сынов человеческих, дати комуждо по пути его и по плоду начинаний его:Select Jeremiah 32:19

20иже сотворил еси знамения и чудеса во земли Египетстей, даже до сего дне и во Израили и в людех, и сотворил еси имя Себе, якоже день сей,Select Jeremiah 32:20

21и извел еси люди Твоя Израиля из земли Египетския знамении и чудесы, рукою крепкою и мышцею высокою и видении великими,Select Jeremiah 32:21

22и дал еси им сию землю, еюже клялся еси отцем их, землю кипящую медом и млеком.Select Jeremiah 32:22

23И внидоша и прияша ю, и не послушаша гласа Твоего и в заповедех Твоих не ходиша: вся, яже заповедал еси им (творити), не сотвориша, и сотвориша, да сбудутся им вся злая сия.Select Jeremiah 32:23

24Се, народ идет на сей град взяти его, и град предан есть в руце Халдеев воюющих нань от лица меча и глада и мора. Якоже глаголал еси, тако и бысть: и се, Ты зриши.Select Jeremiah 32:24

25А Ты ко мне глаголеши: притяжи себе село сребром: и вписах в книгу, и запечатах, и засвидетелствовах послухи, град же предастся в руце Халдейсте.Select Jeremiah 32:25

26И бысть слово Господне ко мне глаголя:Select Jeremiah 32:26

27Аз Господь Бог всея плоти, еда от Мене утаится что?Select Jeremiah 32:27

28Сего ради тако рече Господь Бог Израилев: отдан предастся сей град в руце царя Вавилонска, и возмет его,Select Jeremiah 32:28

29и приидут Халдее воюющии на сей град, и пожгут его огнем, и храмины сожгут, в нихже кадиша на кровех своих Ваалу и возливаша возлияния богом инем, ко еже разгневати Мя.Select Jeremiah 32:29

30Понеже беша сынове Израилевы и сынове Иудины едини творяще зло пред очима Моима от юности своея, сынове Израилевы подвизают Мя на гнев в делех рук своих, рече Господь.Select Jeremiah 32:30

31Яко на гнев Мой и на ярость Мою бе град сей, от негоже дне соградиша его и даже до сего дне, яко отставити его от лица Моего,Select Jeremiah 32:31

32злобы ради всякия сынов Израилевых и Иудиных, яко сотвориша разгневати Мя тии и царие их, и князи их и вельможи их, и жерцы их и пророцы их, мужие Иудины и живущии во Иерусалиме,Select Jeremiah 32:32

33и обратиша хребет ко мне, а не лице: и наказах я из утра, и не послушаша прияти наказания,Select Jeremiah 32:33

34и положиша осквернения своя в дому, идеже наречеся имя Мое, в нечистотах своих:Select Jeremiah 32:34

35и соградиша требища Ваалу, яже в дебри сына Енномля, еже возносити сыны своя и дщери своя Молоху, ихже не заповедах им, и не взыде на сердце Мое, еже сотворити мерзость сию на согрешение Иуде.Select Jeremiah 32:35

36И ныне тако рече Господь Бог Израилев ко граду, о немже ты глаголеши: предан будет в руце царя Вавилонска мечем и гладом и мором.Select Jeremiah 32:36

37Се, Аз соберу я от всея земли, идеже разсеях я во гневе Моем и ярости Моей и в преогорчении велием, и обращу я на сие место, и посажду я во уповании,Select Jeremiah 32:37

38и будут Ми в люди, и Аз буду им в Бога:Select Jeremiah 32:38

39и дам им путь ин и сердце ино, боятися Мене вся дни, на благоту им и чадом их по них:Select Jeremiah 32:39

40и завещаю им завет вечный, егоже не отвращу последи их, и страх Мой дам в сердце их, ко еже не отступити им от Мене:Select Jeremiah 32:40

41и посещу еже ублажити я и насажду я в сей земли с верою и со всем сердцем Моим и со всею душею Моею.Select Jeremiah 32:41

42Яко тако рече Господь: якоже наведох на люди сия вся злая сия великая, тако Аз наведу на них вся благоты, яже Аз глаголах к ним.Select Jeremiah 32:42

43И возобладают паки селы на земли, о нейже ты глаголеши: непроходна будет от человек и скота, и предашася в руце Халдейсте.Select Jeremiah 32:43

44И притяжут села сребром: и впишеши в книги, и запечатаеши, и опослушиши послухи в земли Вениамини и окрест Иерусалима, и во градех Иудиных и во градех горних, и во градех польных и во градех нагев и: яко возвращу преселения их, глаголет Господь.Select Jeremiah 32:44