33Jeremiah 33

1И бысть слово Господне ко Иеремии вторицею, тойже бяше еще связан во дворе темничнем, глаголя:Select Jeremiah 33:1

2тако рече Господь, творяй землю и устрояяй ю, еже исправити ю, Господь имя Ему:Select Jeremiah 33:2

3возопий ко Мне, и отвещаю ти и возвещу тебе великая и крепкая, ихже не разумел еси.Select Jeremiah 33:3

4Яко тако рече Господь Бог Израилев о домех града сего и о храмех царя Иудина, растерзанных на остроги и на забрала,Select Jeremiah 33:4

5еже противитися ко Халдеем, и наполню его мертвыми человеки, ихже поразих во гневе Моем и в ярости Моей, и отвратих лице Мое от них всех ради злоб их.Select Jeremiah 33:5

6Се, Аз наведу на ня срастение язвы и изцеление, и изврачую я и явлю им, еже слушати, и изцелю я и сотворю им мир и веру:Select Jeremiah 33:6

7и обращу преселение Иудино и преселение Израилево, и согражду я, якоже и прежде,Select Jeremiah 33:7

8и очищу я от всех неправд их, имиже согрешиша Ми, и милостив буду всем неправдам их, имиже отступиша от Мене.Select Jeremiah 33:8

9И будет в веселие и во хвалу и в величие всем людем земли, иже услышат вся благоты, яже Аз сотворю им, и убоятся, и огорчатся о всех благотах и о всем мире, егоже Аз сотворю им.Select Jeremiah 33:9

10Тако рече Господь: еще услышится в сем месте, о немже вы глаголете: пусто есть от человек и от скот, во градех Иудиных и вне Иерусалима, опустевших, понеже несть человека, ни скота,Select Jeremiah 33:10

11глас веселия и глас радости, глас жениха и глас невесты, глас глаголющих: исповедайтеся Господеви Вседержителю, яко благ Господь, яко в век милость Его: и принесут дары похваления в дом Господень, яко возвращу все преселение земли тоя по прежнему, рече Господь.Select Jeremiah 33:11

12Тако глаголет Господь Сил: еще будут на сем месте пустем, за еже не быти человеку, ни скоту, во всех градех его обиталища пастухов пасущих овцы,Select Jeremiah 33:12

13во градех горних и во градех польных, и во градех нагев и в земли Вениамини, и во окрестных Иерусалима и во градех Иудиных, еще пойдут овцы к руце изчисляющаго, глаголет Господь.Select Jeremiah 33:13

14Се, дние грядут, рече Господь, и возставлю слово благо, еже глаголах к дому Израилеву и к дому Иудину.Select Jeremiah 33:14

15Во днех онех и в то время произрастити сотворю Давиду Отрасль правды, и сотворит суд и правду на земли.Select Jeremiah 33:15

16Во днех онех спасен будет Иуда, и Иерусалим пребудет в надежди: и сие есть имя, имже нарекут Его: Господь праведен наш.Select Jeremiah 33:16

17Тако бо рече Господь: не оскудеет от Давида муж седяй на престоле дому Израилева:Select Jeremiah 33:17

18и от жерцев и от левитов не погибнет муж от лица Моего, приносяй всесожжения и дар и творяй жертвы по вся дни.Select Jeremiah 33:18

19И бысть слово Господне ко Иеремии глаголя:Select Jeremiah 33:19

20тако глаголет Господь: может ли разоритися завет Мой со днем и завет Мой с нощию, еже не быти дню и нощи во время свое?Select Jeremiah 33:20

21То и завет Мой разорится с Давидом рабом Моим, еже не быти от него сыну царствующу на престоле его, и с левиты и священники рабы Моими.Select Jeremiah 33:21

22Якоже сочтены быти не могут звезды небесныя, ни измерен быти песок морский, тако умножу семя раба Моего Давида и левиты служители Моя.Select Jeremiah 33:22

23И бысть слово Господне ко Иеремии глаголя:Select Jeremiah 33:23

24еда не видел еси, что рекоша людие сии, глаголюще: два народа, ихже избра Господь, и се, отверже я: и преогорчиша людий Моих, (сего ради) яко да не будет ктому народ пред ними?Select Jeremiah 33:24

25Тако рече Господь: не положих ли убо завета Моего между днем и нощию и законов небеси и земли?Select Jeremiah 33:25

26Тогда и семя Иаковле и Давида раба Моего отвергу, еже не прияти от семене его князей семене Авраама и Исаака и Иакова: яко паки возвращу плен их и помилую их.Select Jeremiah 33:26