39Jeremiah 39

1И бысть в девятое лето Седекии царя Иудина, в месяц десятый, прииде Навуходоносор царь Вавилонский и вся сила его на Иерусалим, и воеваху нань.Select Jeremiah 39:1

2И в первоенадесять лето Седекии, в месяц четвертый, в девятый день месяца, разседеся град.Select Jeremiah 39:2

3И внидоша вси князи царя Вавилонска и седоша во вратех средних, Ниргелсарасар, Самагад, Навусахар, Навусарис, Нагаргас, Насерравамаг, и прочии воеводы царя Вавилонскаго.Select Jeremiah 39:3

4И бысть егда узре я Седекиа царь Иудин и вси мужие ратнии, и избегоша, и изыдоша в нощи от града по пути вертограда царева и сквозе врата, яже беша между стеною и предстением: и изыдоша в путь пустыни.Select Jeremiah 39:4

5И гнаша вслед их воинство Халдейско, и постигоша Седекию и поли пустыни Иерихонския, и емше приведоша к Навуходоносору царю Вавилонску во Ревлаф, иже в земли Емаф, и глагола к нему с судом.Select Jeremiah 39:5

6И изби царь Вавилонский сыны Седекиины во Ревлафе пред очима его, и вся вельможы Иудины поби царь Вавилонский.Select Jeremiah 39:6

7И очи Седекии изят, и окова его путы, и отведе его в Вавилон.Select Jeremiah 39:7

8Дом же царев и домы всех людий пожгоша Халдее огнем и стену Иерусалимску превратиша:Select Jeremiah 39:8

9и останок людий, и оставших во граде, и убегшыя, иже утекоша ко царю Вавилонску, и останок людий, и оставших пресели Навузардан воевода в Вавилон:Select Jeremiah 39:9

10а от людий убогих, ничтоже имущих, остави Навузардан воевода воинств в земли Иудине, и даде им винограды и нивы в той день.Select Jeremiah 39:10

11И заповеда Навуходоносор царь Вавилонский о Иеремии пророце Навузарданови воеводе воинств и рече:Select Jeremiah 39:11

12возми его и положи нань очи твои и ничтоже ему сотвори зла: но якоже восхощет, тако сотвори ему.Select Jeremiah 39:12

13Посла убо Навузардан воевода воинства и Навузезван, и Рапсарис и Ниргел, и Сарасар и Фавман, и вси воеводы царя Вавилонска:Select Jeremiah 39:13

14и послаша, и пояша Иеремию от двора темничнаго, и даша его Годолии сыну Ахикамову, сына Сафаня, и изведоша его, и седе среде людий.Select Jeremiah 39:14

15И ко Иеремии бысть слово Господне ко дворе темничнем глаголя:Select Jeremiah 39:15

16иди и рцы ко Авдемелеху Мурину, глаголя: тако рече Господь Бог Израилев: се, Аз приношу словеса Моя на град сей во злая? А не во благая: и будут пред лицем твоим в той день:Select Jeremiah 39:16

17и избавлю тя в той день, и не дам тебе в руце человек, ихже ты боишися от лица их:Select Jeremiah 39:17

18яко избавляя спасу тя, и мечем не падеши: и будет душа твоя на обретение, яко уповал еси на Мя, рече Господь.Select Jeremiah 39:18