46Jeremiah 46

1Слово, еже бысть ко Иеремии пророку от Господа на языки,Select Jeremiah 46:1

2ко Египту противу силы фараона Нехао царя Египетскаго, иже бысть над рекою Евфратом во Кархамисе, егоже порази Навуходоносор царь Вавилонский, в лете четвертем Иоакима сына Иосиина, царя Иудина.Select Jeremiah 46:2

3Возмите оружие и щиты и идите на брань,Select Jeremiah 46:3

4оседлайте кони и вседайте, всадницы, и станите во шлемех ваших, уставите копия и облецытеся в броня вашя.Select Jeremiah 46:4

5Что убо видех их страшливых и хребты обращающих? Крепцыи их избити, побегоша скоро и не озрешася вспять, отвсюду страх, глаголет Господь.Select Jeremiah 46:5

6Не утечет легкий, ниже возможет избавитися крепкий на полунощь: близ реки Евфрата побеждени суть и падоша.Select Jeremiah 46:6

7Кто есть той, иже яко река восходит, и яко реки воздвижутся волны его?Select Jeremiah 46:7

8Воды Египта аки река взыдут, и аки река восколеблются воды его. И рече: взыду и покрыю землю, и погублю град и живущыя в нем.Select Jeremiah 46:8

9Возсядите на кони и устройте колесницы, изыдите, сильнии Муринстии, и Ливиане вооруженнии щитами, и Лидяне, взыдите наляцающе лук.Select Jeremiah 46:9

10День сей Господа Бога Вседержителя, день отмщения, да отмстит врагом Своим, и пожрет я мечь Господень и насытится и упиется кровию их, яко жертва Господу Вседержителю в земли полунощней, близ реки Евфрата.Select Jeremiah 46:10

11Взыди в Галаад и возми ритину, дево, дщи Египетска! Всуе умножила еси врачевания твоя, и цельбы несть тебе.Select Jeremiah 46:11

12Услышаша языцы глас, и плачь твой наполни землю: яко сильный сретеся с сильным, и оба вкупе изнемогоста и падоста.Select Jeremiah 46:12

13Слово, еже глагола Господь ко Иеремии пророку о сем: яко име приити Навуходоносор царь Вавилонский и поразити землю Египетску.Select Jeremiah 46:13

14Возвестите Египту и разгласите во Магдалу, и возопийте во Мемфисе и во Тафнасе поведите: стой и уготовися, яко пожрет мечь сия, яже окрест тебе суть.Select Jeremiah 46:14

15Почто убежа от тебе апис? Телец избранный твой не пребысть, яко Господь разруши его.Select Jeremiah 46:15

16И множество твое изнеможе и паде, и кийждо ко ближнему своему глаголаху: востаним и возвратимся к людем нашым и в землю рождения нашего от лица меча Еллинскаго.Select Jeremiah 46:16

17Назовите имя фараона Нехао царя Египетска, смятение преведе время.Select Jeremiah 46:17

18Живу Аз, глаголет Царь, Господь Вседержитель имя Его: ибо, якоже Фавор на горах и якоже Кармель в мори, приидет.Select Jeremiah 46:18

19Сосуды пленения сотвори себе, живущая дщи Египетска, яко Мемфис в запустение будет, и наречется, увы! И не будут в нем жити.Select Jeremiah 46:19

20Юница (избранна и) украшена Египет, разорение от полунощи прииде на ню,Select Jeremiah 46:20

21и наемницы его, живущии посреде его, якоже телцы тучнии питаеми в нем: зане и тии обратишася и побегоша вкупе, и не могоша стати, яко день погибели их прииде на ня и время отмщения их.Select Jeremiah 46:21

22Глас их, якоже змиа звиздающаго, понеже с силою пойдут, со секирами приидут на него.Select Jeremiah 46:22

23Яко древие секуще посекут лес его, глаголет Господь Бог: ибо не может сочтен быти, яко умножишася паче пругов, и несть им числа.Select Jeremiah 46:23

24Посрамленна есть дщи Египетска и дана в руце людем полунощным.Select Jeremiah 46:24

25Рече Господь Вседержитель, Бог Израилев: се, Аз посещу на Аммона сына ея, и на фараона и на Египет, и на боги его и на цари его, и на фараона и на уповающыя нань,Select Jeremiah 46:25

26и дам их в руце ищущих души их, и в руку Навуходоносора царя Вавилонска, и в руце слуг его: и посем поживут якоже и первее, глаголет Господь.Select Jeremiah 46:26

27Ты же не убойся, рабе мой Иакове, ни устрашайся, Израилю: се бо, Аз тебе спасена сотворю издалеча и семя твое от земли пленения их: и возвратится Иаков и почиет и благоуспеет, и не будет устрашаяй его.Select Jeremiah 46:27

28Не бойся, рабе Мой Иакове, глаголет Господь, яко с тобою есмь Аз: яко сотворю скончание во всех языцех, в няже извергох тя, тебе же не сотворю оскудети, но накажу тя судом и обезвиняя не обезвиню тя.Select Jeremiah 46:28