5Jeremiah 5

1Обыдите пути Иерусалимския и воззрите, и познайте и поищите на стогнах его, аще обрящете мужа творящаго суд и ищуща веры: и милосерд буду ему, глаголет Господь.Select Jeremiah 5:1

2Живет Господь, глаголют, сего ради не во лжах ли кленутся?Select Jeremiah 5:2

3Господи, очи Твои (зрят) на веру: бил еси их, и не поболеша, сокрушил еси их, и не восхотеша прияти наказания: ожесточиша лица своя паче камене и не хотеша обратитися.Select Jeremiah 5:3

4Аз же рех: негли убози суть (и буии), того ради не возмогоша, яко не уведаша пути Господня и суда Бога своего.Select Jeremiah 5:4

5Пойду ко державным и возглаголю им, тии бо познаша путь Господень и суд Бога своего. И се, единодушно сии сокрушиша иго, расторгоша узы.Select Jeremiah 5:5

6Сего ради порази их лев от дубравы, и волк даже до домов погуби их, и рысь бдяше над градами их: вси исходящии от них будут яти, яко умножиша нечестия своя, укрепишася во отвращениих своих.Select Jeremiah 5:6

7О чем от сих милосерд буду тебе? Сынове твои оставиша Мя и кляшася теми, иже не суть бози: насытих их, и прелюбодействоваша и в домех блудниц обиташа,Select Jeremiah 5:7

8кони женонеистовни сотворишася, кийждо ко жене искренняго своего ржаше.Select Jeremiah 5:8

9Еда о сих не посещу? Рече Господь: или языку сицевому не мстит душа Моя?Select Jeremiah 5:9

10Взыдите на стены его и разорите, окончания же не сотворите: оставите подпоры его, яко Господни суть.Select Jeremiah 5:10

11Преступлением бо преступил есть на Мя дом Израилев и дом Иудин глаголет Господь.Select Jeremiah 5:11

12Солгаша Господу своему и рекоша: не суть сия, ниже приидут на нас злая и меча и глада не узрим:Select Jeremiah 5:12

13пророцы наши быша на ветр, и слово Господне не бе в них, тако будет им.Select Jeremiah 5:13

14Сего ради тако глаголет Господь Сил: занеже глаголали есте слово сие, се, Аз даю словеса Моя во уста твоя огнь, и люди сия древа, и пояст их.Select Jeremiah 5:14

15Се, Аз наведу на вас язык издалеча, доме Израилев, рече Господь, язык сильный, язык старый, егоже языка не увеси, (ни уразумееши, что глаголет):Select Jeremiah 5:15

16тул его яко гроб отверст, вси крепцыи и поядят жатву вашуSelect Jeremiah 5:16

17и хлебы вашя, и поядят сынов ваших и дщерей ваших, и снедят овец ваших и телцев ваших, и поядят винограды вашя и смокви вашя и масличия ваша, и сокрушат грады вашя твердыя, на нихже вы уповасте, мечем.Select Jeremiah 5:17

18Обаче во днех онех, глаголет Господь Бог твой, не сотворю вас во истребление.Select Jeremiah 5:18

19И будет, егда речете: почто сотвори Господь Бог наш нам сия вся? И речеши к ним: яко остависте Мя и послужисте богом чуждим в земли вашей, тако послужите богом чуждим в земли не вашей.Select Jeremiah 5:19

20Возвестите сия дому Иаковлю и слышано сотворите в дому Иудине (рекуще):Select Jeremiah 5:20

21слышите сия, людие буии и не имущии сердца, иже, имеюще очи, не видите, и ушы, и не слышите:Select Jeremiah 5:21

22Мене ли не убоитеся? Рече Господь: или от лица Моего не устыдитеся? Иже положих песок предел морю, заповедь вечну, и не превзыдет его, и возмутится и не возможет: и возшумят волны его, и не прейдут того.Select Jeremiah 5:22

23Людем же сим бысть сердце непослушно и непокориво, и уклонишася и поидоша,Select Jeremiah 5:23

24и не рекоша в сердцы своем: убоимся Господа Бога нашего, дающаго нам дождь ранний и поздный во время исполнения повеления жатвы и хранящаго нам.Select Jeremiah 5:24

25Беззакония наша уклониша сия, и греси наши отринуша благая от нас.Select Jeremiah 5:25

26Яко обретошася в людех Моих нечестивии, и сети поставиша, еже погубити мужы, и уловиша.Select Jeremiah 5:26

27Аки клетка поставлена полна птиц, тако домы их полни лести: сего ради возвеличишася и обогатишася:Select Jeremiah 5:27

28утыша и утолстеша и преступиша словеса Моя злейшии: прю вдовицы не судиша, суда сира не управиша и суда убогим не судиша.Select Jeremiah 5:28

29Еда сих ради не посещу? Рече Господь: или языку сицевому не отмстит душа Моя?Select Jeremiah 5:29

30Ужас и страшная содеяшася на земли:Select Jeremiah 5:30

31пророцы пророчествоваша неправедная, и священницы восплескаша руками своими, и людие Мои возлюбиша таковая. И что сотворите в последняя сих?Select Jeremiah 5:31