50Jeremiah 50

1Слово, еже рече Господь на Вавилон и на землю Халдейскую Иеремиею пророком.Select Jeremiah 50:1

2Возвестите во языцех и слышано сотворите, воздвигните знамение, возопийте и не скрывайте, рцыте: пленен бысть Вавилон, посрамися Вил, победися Меродах, посрамишася изваяния его, сокрушишася кумиры их.Select Jeremiah 50:2

3Яко прииде нань язык от севера, той положит землю его в запустение, и не будет живяй в ней от человека даже и до скота: подвигнушася, отидоша.Select Jeremiah 50:3

4В тыя дни и в то время, глаголет Господь, приидут сынове Израилевы, тии и сынове Иудины вкупе ходяще и плачуще пойдут и Господа Бога своего взыщут.Select Jeremiah 50:4

5Во Сион испытают стези, тамо бо обративше лица своя приидут и приложатся ко Господу заветом вечным, иже забвению не предастся.Select Jeremiah 50:5

6Овцы погибшыя быша людие Мои, пастырие их совратиша их и сотвориша я крытися по горам: с горы на холм ходиша.Select Jeremiah 50:6

7Забыша ложа своего, вси обретающии их снедаху их, и врази их рекоша: не пощадим их, зане согрешиша Господу, пажить правды, собирающему отцев их Господу.Select Jeremiah 50:7

8Отидите от среды Вавилона и от земли Халдейски изыдите, и будите яко козлища пред овцами.Select Jeremiah 50:8

9Яко се, Аз воздвигну и приведу на Вавилон собрания языков великих от земли полунощныя, и ополчатся нань: оттуду пленен будет, якоже стрела мужа сильна искусна и возвратится праздна.Select Jeremiah 50:9

10И будет земля Халдейска в разграбление, вси грабителе ея наполнятся глаголет Господь:Select Jeremiah 50:10

11зане веселистеся и велеречивасте, расхищающе наследие Мое, скакасте бо яко телцы на траве и бодосте якоже волы.Select Jeremiah 50:11

12Поругана бысть мати ваша зело, и посрамися родившая вас: се, последняя во языцех пуста и непроходна и суха.Select Jeremiah 50:12

13От гнева Господня не поживут во век: но будет весь в запустение, и всяк ходяй сквозе Вавилон подивится и позвиждет над всякою язвою Его.Select Jeremiah 50:13

14Ополчитеся на Вавилон, вси окрестнии наляцающии лук, стреляйте нань, не щадите стрел ваших, понеже пред Господем согреши,Select Jeremiah 50:14

15возмите его: ослабеша руце его, падоша основания его, сокрушишася забрала его, яко месть Господня есть: отмстите ему, якоже сотвори, сотворите ему:Select Jeremiah 50:15

16потребите семя от Вавилона, и держащаго серп во время жатвы от лица меча Еллинска, кийждо к людем своим обратится, и кийждо в землю свою убежит.Select Jeremiah 50:16

17Овча заблуждающее Израиль, львове изнуриша е: первее яде его царь Ассур, сей же последний и кости оглода ему Навуходоносор царь Вавилонский.Select Jeremiah 50:17

18Сего ради тако глаголет Господь Вседержитель, Бог Израилев: се, Аз посещу на царя Вавилонска и на землю его, якоже посетих на царя Ассурска,Select Jeremiah 50:18

19и возведу паки Израиля на пажить его, и упасется в Кармиле и Васане, и в горе Ефремли и в Галааде, и насытится душа его.Select Jeremiah 50:19

20В тыя дни и в той час, глаголет Господь, поищут неправды Израилевы, и не будет, и грехов Иудиных, и не обрящутся: яко милостив буду им оставшымся.Select Jeremiah 50:20

21На землю владеющих взыди и на живущих в ней посети, разори и убий сущыя по них, глаголет Господь, и сотвори вся, елика заповедаю тебе.Select Jeremiah 50:21

22Глас брани и сотрение велико в земли Халдейстей.Select Jeremiah 50:22

23Како сокрушися и сотреся млат всея земли? Како обратися в пустыню Вавилон во языцех?Select Jeremiah 50:23

24Взыдут на тя, и пленен будеши, и не познаеши, яко Вавилон еси: обретен и ят еси, понеже разгневал еси Господа.Select Jeremiah 50:24

25Отверзе Господь сокровища Своя и изнесе сосуды гнева Своего, яко дело есть Господу Вседержителю в земли Халдейстей:Select Jeremiah 50:25

26яко приидоша времена его: отверзите хранилища его и испытайте и, аки вертеп, и погубите его, да не будет останка его.Select Jeremiah 50:26

27Изсушите вся плоды его, и да снидут в заклание: горе им, яко прииде день их и час отмщения их.Select Jeremiah 50:27

28Глас бежащих и избегших от земли Вавилонския, да возвестят в Сионе отмщение Господа Бога нашего, отмщение храма Его.Select Jeremiah 50:28

29Возвестите на Вавилон многим, всем наляцающым лук, ополчитеся нань окрест: да не убежит ни един из него: воздайте ему по делом его, по всему, елика сотвори, сотворите ему, яко воста на Господа Бога Святаго Израилева.Select Jeremiah 50:29

30Сего ради падут юноши его на стогнах его, и вси мужие воинстии его низвержени будут в той день, глаголет Господь.Select Jeremiah 50:30

31Се, Аз на тя, горде, глаголет Господь Бог Вседержитель, яко прииде день твой и час посещения твоего:Select Jeremiah 50:31

32и падет гордыня твоя и разрушится, и не будет возставляяй ю: и возжгу огнь в дубраве его, и пояст вся окрестная его.Select Jeremiah 50:32

33Тако глаголет Господь Вседержитель: порабощение терпят сынове Израилевы и сынове Иудины, вкупе вси пленившии их поработиша их, не хощут бо отпустити их.Select Jeremiah 50:33

34Избавитель же их сильный, Господь Вседержитель имя Ему, судом судити имать супостаты своя, яко да избавит землю, и потрясет жительми Вавилонскими.Select Jeremiah 50:34

35Мечь на Халдеев, глаголет Господь, и на жители Вавилонския, и на князи и на мудрыя его,Select Jeremiah 50:35

36мечь на обаятели его, и буии будут, и мечь на сильныя его, и ослабеют:Select Jeremiah 50:36

37мечь на кони его и на колесницы его, и на вся прочыя люди, иже суть посреде его, и будут яко жены: мечь на сокровища его, и расхитятся:Select Jeremiah 50:37

38мечь на воды его, и постыдятся, яко земля изваянных есть, и во островех хваляхуся.Select Jeremiah 50:38

39Сего ради поживут мечты во островех, и поживут в нем дщери сиринов, и не будет живуща в нем ктому во веки, ниже соградится от рода в род.Select Jeremiah 50:39

40Якоже преврати Господь Содома и Гоморра и окрестныя грады их, глаголет Господь, не пребудет тамо муж, ниже поживет в нем сын человечь.Select Jeremiah 50:40

41Се, людие идут от севера, и язык велик, и царие мнози востанут от конец земли,Select Jeremiah 50:41

42луки и щиты имуще, грозни суть и немилостиви: глас их яко море возшумит, на кони возсядут, уготовани якоже огнь на брань противу тебе, дщи Вавилоня.Select Jeremiah 50:42

43Услыша царь Вавилонский слух их, и ослабеша руце его, скорбь объят его и болезни, яко раждающую.Select Jeremiah 50:43

44Се, яко лев изыдет от рыкания Иорданова на место Ефана, яко скоро отмщу их от него, и всякаго юношу над ним поставлю. Кто бо подобен Мне? И кто может стояти противу Мене? И кто есть пастырь сей, иже воспротивится лицу Моему?Select Jeremiah 50:44

45Темже слышите совет Господень, егоже совеща на Вавилон, и умышления Его, яже умысли на землю Халдейску: аще не исторгнутся агнцы овец их, аще не будет разметана (вкупе с ними) пажить их.Select Jeremiah 50:45

46От гласа бо пленения Вавилонскаго потрясется земля, и вопль во языцех слышан будет.Select Jeremiah 50:46