51Jeremiah 51

1Тако глаголет Господь: се, Аз воздвигну на Вавилон и на живущыя Халдеи ветр зноен губителный:Select Jeremiah 51:1

2и послю на Вавилон ругатели, и студно поругаются ему и истлят землю его: понеже горе на Вавилон окрест в день озлобления его.Select Jeremiah 51:2

3Да наляцает наляцаяй лук свой, и да облечется в броня своя, и не пощадите юнош его, и побийте все воинство его.Select Jeremiah 51:3

4И падут избиеннии в земли Халдейстей и язвеннии во странах ея.Select Jeremiah 51:4

5Понеже не овдове Израиль и Иуда от Бога Своего, от Господа Вседержителя, яко земля их наполнися неправды от Святых Израилевых.Select Jeremiah 51:5

6Бежите от среды Вавилона и спасите кийждо душу свою и не погибнете в неправде его, зане время отмщения его есть от Господа, воздаяние Той воздаст ему.Select Jeremiah 51:6

7Чаша златая Вавилон в руце Господни, напаяющи всю землю, от вина его пиша (вси) языцы, сего ради потрясошася.Select Jeremiah 51:7

8Внезапу паде Вавилон и сокрушися: плачите по нем, возмите масти к болезни его, да изцелится.Select Jeremiah 51:8

9Врачевахом Вавилона, и не изцеле: оставим его и отидем кийждо в землю свою, взыде бо к небеси суд его и воздвижеся даже до звезд.Select Jeremiah 51:9

10Изнесе Господь суд Свой: приидите и возвестим в Сионе дела Господа Бога нашего.Select Jeremiah 51:10

11Наострите стрелы, наполните тулы: воздвиже Господь дух царей Мидских, яко противу Вавилона гнев Его, да погубит и, понеже отмщение Господне есть, отмщение людий Его.Select Jeremiah 51:11

12На стенах Вавилонских воздвигните знамя, поставите стражи, уготовите стражей, уготовите оружие: яко умысли Господь, и сотворит, яже рече на живущыя в Вавилоне,Select Jeremiah 51:12

13живый над водами многими и богат в сокровищих своих: прииде конец твой истинно во утробы твоя.Select Jeremiah 51:13

14Клятся бо Господь Сил мышцею Своею, яко наполню тебе людьми, якоже акридами, и возгласят над тобою низходящии.Select Jeremiah 51:14

15Господь сотворивый землю в силе Своей и устроивый вселенную в мудрости Своей, и разумением Своим распростре небеса,Select Jeremiah 51:15

16егда Он даст глас, умножатся воды на небеси, воздвизаяй облаки от конец земли, молнию в дождь сотвори, изводяй свет от сокровищ Своих.Select Jeremiah 51:16

17Обуя всяк человек от разума, посрамися всяк слиятель от изваяний своих, яко ложная слияния его, и несть духа в них:Select Jeremiah 51:17

18суетна суть дела и смеху достойна, в час посещения своего погибнут.Select Jeremiah 51:18

19Не такова часть Иаковля, яко Сотворивый всяческая Той есть, (а Израиль) жезл достояния Его, Господь Вседержитель имя Его.Select Jeremiah 51:19

20Сокрушаеши ты Мне сосуды бранныя, и Аз сокрушу в тебе языки и погублю в тебе царствия:Select Jeremiah 51:20

21и избию в тебе кони и всадники их, и избию в тебе колесницы и вседающих на них:Select Jeremiah 51:21

22и избию в тебе мужа и жену, и избию в тебе стара и отрока, и избию в тебе юношу и деву:Select Jeremiah 51:22

23и избию в тебе пастыря и стада его, и избию в тебе орюща и работна скота его, и избию в тебе воеводы и правители.Select Jeremiah 51:23

24И воздам Вавилону и всем жителем Халдейским вся злобы их, яже сотвориша над Сионом пред очима вашима, глаголет Господь.Select Jeremiah 51:24

25Се, Аз на тя, горо смертоносная, глаголет Господь, растлевающая всю землю, и простру руку Мою на тя и извергу тя из каменей, и дам тя в гору сожженую:Select Jeremiah 51:25

26и не возмут от тебе камене во угл и камене во основание, яко потребишися во веки, глаголет Господь.Select Jeremiah 51:26

27Воздвигните знамя на земли, вострубите трубою во языцех, освятите нань языки, возвестите нань царствам Араратским от Мене и Асханазеом: утвердите над ним стрельницы, возведите нань кони, яко акридов множество.Select Jeremiah 51:27

28Возведите нань языки, царя Мидска и всея земли, воевод его и всех воев его и всея земли области его.Select Jeremiah 51:28

29И потрясеся земля и смутися, зане воста на Вавилон умышление Господне, еже положити землю Вавилонску пусту и ненаселену.Select Jeremiah 51:29

30Оскудеша крепцыи Вавилонстии еже ратовати: сядут тамо во ограде, погибе храбрость их, и быша яко жены: пожжена суть селения, сотрены заворы его.Select Jeremiah 51:30

31Гоняй во сретение текуща постигнет, и вестник сретит посла, да возвестит царю Вавилонску, яко взят бысть град его.Select Jeremiah 51:31

32От края прехождений его яти быша, и твердыни его зажжены огнем, и мужие его воинстии исходят.Select Jeremiah 51:32

33Тако бо глаголет Господь Вседержитель, Бог Израилев: домове царя Вавилонскаго яко гумно зрело измлачени будут: еще мало, и приидет жатва его.Select Jeremiah 51:33

34Снеде мя, раздроби мя, прият мя тма тонка, Навуходоносор царь Вавилонский пожре мя, яко змий наполни чрево свое сладостию моею: и извергоша мя.Select Jeremiah 51:34

35Труды мои и беды моя на Вавилон, речет живущая в Сионе, и кровь моя на живущыя в Халдеех, речет Иерусалим.Select Jeremiah 51:35

36Сего ради тако глаголет Господь: се, Аз судити буду соперника твоего и отмщу отмщение твое, и пусто сотворю море его и изсушу потоки его.Select Jeremiah 51:36

37И будет Вавилон в запустение, жилище змием, в чудо и позвиздание, понеже не будет живущаго.Select Jeremiah 51:37

38Вкупе аки львы востанут и аки скимни львов.Select Jeremiah 51:38

39В горячести их дам питие им и упою я, да спят и уснут сном вечным и не востанут, глаголет Господь.Select Jeremiah 51:39

40И низведу я яко агнцы на заклание и яко овны с козлы.Select Jeremiah 51:40

41Како взяся Сесах, и ята слава всея земли? Како бысть во удивление Вавилон во языцех?Select Jeremiah 51:41

42Взыде на Вавилон море в шуме волн своих, и покрыся.Select Jeremiah 51:42

43Быша гради его в запустение, земля безводна и пуста, земля, в нейже никтоже поживет, и ниже будет витати в нем сын человечь.Select Jeremiah 51:43

44И посещу на Вила в Вавилоне, и извергу то, еже поглоти, от уст его, и не соберутся вящше к нему языцы, зане и стены Вавилонския падут.Select Jeremiah 51:44

45Изыдите от среды его, людие Мои, да спасет кийждо душу свою от гнева ярости Господни.Select Jeremiah 51:45

46Да не когда умягчится сердце ваше, и убоитеся ради слуха, иже услышится на земли, и приидет в лето слышание, и по лете слышание, бедность и неправда на землю, и властелин на властелина.Select Jeremiah 51:46

47Сего ради, се, дние грядут, и посещу на изваяныя Вавилона: и вся земля его посрамится, и вси язвении его падут посреде его.Select Jeremiah 51:47

48И возвеселятся над Вавилоном небеса и земля и вся сущая в них: от полунощи бо приидут нань всегубителие, глаголет Господь:Select Jeremiah 51:48

49и якоже сотвори Вавилон падати язвеным во Израили, тако в Вавилоне падут язвении всея земли.Select Jeremiah 51:49

50Избегшии меча, идите, не стойте: иже издалече, помяните Господа, и Иерусалим да взыдет на сердце ваше.Select Jeremiah 51:50

51Посрамихомся, зане слышахом ругание наше, покры срамота лице наше, яко приидоша чуждии во святая наша в дом Господень.Select Jeremiah 51:51

52Сего ради, се, дние грядут глаголет Господь, и посещу на изваяния его, и по всей земли его падут язвении.Select Jeremiah 51:52

53Яко аще взыдет Вавилон на небо и аще утвердит на высоте крепость свою, от Мене приидут губителие его, глаголет Господь.Select Jeremiah 51:53

54Глас вопля Вавилонска, и сотрение велико в земли Халдейстей:Select Jeremiah 51:54

55яко погуби Господь Вавилона и сотре от него глас велий шумящь яко воды многи, даде в пагубу глас его:Select Jeremiah 51:55

56яко прииде на Вавилон хищник, яти быша сильнии его, увяде лук их, яко Бог воздает им,Select Jeremiah 51:56

57Господь воздает ему воздаяние: и упоит князи его и мудрыя его, и воеводы его и вои его и сильныя его, и уснут сном вечным и не возбудятся, глаголет Царь, Господь Вседержитель имя Его.Select Jeremiah 51:57

58Тако глаголет Господь Вседержитель: стена Вавилонска сия преширока, подкопанием подкопана будет, и врата его высока огнем сожжена будут, и будут трудитися людие вотще, и языцы в начале погибнут.Select Jeremiah 51:58

59Слово, еже заповеда Господь Иеремии пророку, рещи Сарею сыну Нириину, сына Маассеова, егда иде от Седекии царя Иудина в Вавилон, в четвертое лето царства его: Сарей же бе началник даров.Select Jeremiah 51:59

60И написа Иеремиа вся злая, яже имяху приити на Вавилон, во едину книгу вся словеса сия, яже писана суть на Вавилон. И рече Иеремиа к Сарею:Select Jeremiah 51:60

61егда внидеши в Вавилон, и узриши и прочтеши вся словеса сия, и речеши:Select Jeremiah 51:61

62Господи, Ты рекл еси противу места сего погубити е, и да не будет живяй в нем от человека и до скота, и да будет в вечную пустыню:Select Jeremiah 51:62

63и будет, егда прочтеши книгу сию, привяжи к ней камень и вверзи ю посреде Евфрата и рцы:Select Jeremiah 51:63

64тако потопится Вавилон и не востанет от лица зол, яже Аз наведу нань, и разорится. Даже до зде словеса Иеремиина.Select Jeremiah 51:64