52Jeremiah 52

1Сущу двадесяти и единому лету Седекии, внегда нача царствовати, и царствова во Иерусалиме единонадесять лет: и имя матери его Амиталь, дщи Иеремиина, от Ловны.Select Jeremiah 52:1

2И сотвори лукавое пред очима Господнима по всему, елико творяше Иоаким:Select Jeremiah 52:2

3яко ярость Господня бысть на Иерусалим и на Иуду, дондеже отверже их от лица Своего: и отступи Седекиа от царя Вавилонска.Select Jeremiah 52:3

4И бысть в девятое лето царства его, в десятый месяц, в десятый день месяца, прииде Навуходоносор царь Вавилонский и вся сила его на Иерусалим, и облегоша его и сотвориша окрест его острог от четвероуголных камений.Select Jeremiah 52:4

5И бысть во облежении град даже до первагонадесяте лета царства Седекиина.Select Jeremiah 52:5

6Месяца же четвертаго в девятый день, утвердися глад во граде, и не бяше хлеба людем земли.Select Jeremiah 52:6

7И просекоша град, и вси мужие воинстии изыдоша нощию путем врат, иже есть между двема стенама, иже бяше прямо вертограду цареву, Халдее же добываху град окрест лежаще, и отидоша путем в пустыню.Select Jeremiah 52:7

8И погна сила Халдейска вслед царя и постиже его об ону страну Иерихона, и вси отроцы его разсыпашася от него.Select Jeremiah 52:8

9И яша царя и приведоша и ко царю Вавилонскому в Девлаф, иже есть в земли Емаф, и глагола ему с судом.Select Jeremiah 52:9

10И изсече царь Вавилонский сыны Седекиины пред очима его, и вся князи Иудины изсече в Девлафе.Select Jeremiah 52:10

11Очи же Седекии изят, и связа его оковами, и приведе его царь Вавилонский в Вавилон и вдаде его в дом жерновный до дне, в оньже умре.Select Jeremiah 52:11

12В десятый же день пятаго месяца (лето сие девятоенадесять Навуходоносору царю Вавилонску) прииде Навузардан архимагир, стоящь пред лицем царя Вавилонска, во Иерусалим,Select Jeremiah 52:12

13и сожже храм Господень и дом царев, и вся домы градския и всяк дом велик сожже огнем,Select Jeremiah 52:13

14и всяку стену Иерусалимлю окрест разори сила Халдейска, яже бяше со архимагиром.Select Jeremiah 52:14

15И от убогих людий, и останок людий, и оставшихся во граде и избегших, иже убежаша ко царю Вавилонску, и прочий народ пресели Навузардан воевода:Select Jeremiah 52:15

16прочиих же остави людий убогих в делатели винограда и земледелцев.Select Jeremiah 52:16

17Столпы же медяныя, иже во храме Господни, и подставы, и море медяное, еже во храме Господни, сокрушиша Халдее, и взяша медь их, и отнесоша в Вавилон:Select Jeremiah 52:17

18и венец и чашы, и вилицы и вся сосуды медяныя, в нихже служаху,Select Jeremiah 52:18

19и фимиамники и чашы, и умывалницы и свещники, и кадилницы и чашицы, яже бяху златая и яже бяху сребряная, взя архимагир.Select Jeremiah 52:19

20И столпа два и море едино, и телцев дванадесять медяных под морем, яже сотвори царь Соломон во храме Господни, не бе веса меди сосуд тех.Select Jeremiah 52:20

21Столп же кийждо осминадесяти лактей бе в высоту, вервь же дванадесяти лактей окрест его обдержаше, и толстота его четырех перст окрест,Select Jeremiah 52:21

22и глава на них медяна, пять лакот высота главы единыя, и мрежа, и шипки на венце окрест, все бяше медяно: такожде бысть и вторый столп.Select Jeremiah 52:22

23И бяше шипков девятьдесят и шесть едина страна, и бяше всех шипков над мрежею окрест сто.Select Jeremiah 52:23

24И взя архимагир Сареа жерца старейшаго и жерца Софонию втораго и триех стрегущих путь.Select Jeremiah 52:24

25И от града взя каженика единаго, иже бе приставник людий воинских, и седмь мужей нарочитых, иже пред лицем царевым обретошася во граде, и книгочия сил учащаго людий земли, и шестьдесят мужей от людий земли, иже обретошася среде града:Select Jeremiah 52:25

26и взя их Навузардан архимагир и приведе я ко царю Вавилонску в Девлаф.Select Jeremiah 52:26

27И изби я царь Вавилонский в Девлафе в земли Емаф: и преселен бысть Иуда от земли своея.Select Jeremiah 52:27

28Сии суть людие, ихже пресели Навуходоносор в седмое лето, Иудеев три тысящы и двадесять и три:Select Jeremiah 52:28

29во осмоенадесять лето Навуходоносор из Иерусалима душ осмь сот тридесять и две пресели.Select Jeremiah 52:29

30В двадесять третие лето Навуходоносора пресели Навузардан архимагир Иудеев душ седмь сот и четыредесять пять, всех же душ четыре тысящы и шесть сот.Select Jeremiah 52:30

31И бысть в тридесять седмое лето преселения Иоакима царя Иудина, в двадесять пятый день месяца вторагонадесять, вознесе Евилмеродах царь Вавилонский в первое лето царства своего главу Иоакима царя Иудина, и изведе его из храма, в немже стрежашеся, и глагола ему благая:Select Jeremiah 52:31

32и даде престол его выше царей, иже с ним, в Вавилоне,Select Jeremiah 52:32

33и измени ризы его темничныя, и ядяше хлеб всегда пред лицем его во вся дни живота своего:Select Jeremiah 52:33

34и урок ему даяшеся всегда от царя Вавилонска, даже до дне, в оньже умре, во вся дни живота его.Select Jeremiah 52:34