6Jeremiah 6

1Укрепитеся, сынове Вениаминовы, посреде Иерусалима, и в Фекуи вострубите трубою, и над Вефахармом воздвигните хоругвь: яко злая произникоша от севера, и сотрение велико бывает:Select Jeremiah 6:1

2и отимется высота твоя, дщи Сионя.Select Jeremiah 6:2

3К ней приидут пастырие и стада их, и поставят на ней кущы окрест, и упасут кийждо рукою своею.Select Jeremiah 6:3

4Уготовитеся на ню на крань, востаните и взыдем на ню о полудни: горе нам, яко уклонися день, яко изчезают сени дневныя.Select Jeremiah 6:4

5Востаните и взыдем на ню нощию и расточим основания ея.Select Jeremiah 6:5

6Яко сия глаголет Господь Сил: посецы древа его, излий на Иерусалим силу: о, граде лживый, всякое насильство в нем!Select Jeremiah 6:6

7Якоже студену творит кладязь воду свою, тако студену творит ю злоба ея: нечестие и пакости услышатся в нем над лицем его всегда.Select Jeremiah 6:7

8Немощию и язвою накажешися, Иерусалиме: да не отступит душа Моя от тебе, да не сотворю тя непроходну, землю необитанну.Select Jeremiah 6:8

9Яко сия глаголет Господь Сил: обирайте, обирайте, аки виноград, останки Израилевы, обратитеся аки обиратель на кошницу свою.Select Jeremiah 6:9

10Кому возглаголю и (кому) засвидетельствую, и услышит? Се, необрезана ушеса их, и слышати не возмогут: се, слово Господне бысть к ним в поношение, и не восприимут того.Select Jeremiah 6:10

11И ярость Мою исполних, и терпех, и не скончах их: излию на младенцы отвне и на собрание юнош вкупе: муж бо и жена яти будут, старец со исполненным дний.Select Jeremiah 6:11

12И прейдут домы их ко иным, поля и жены их такожде, яко простру руку Мою на обитающих на земли сей, глаголет Господь.Select Jeremiah 6:12

13Понеже от меншаго и даже до болшаго вси совершиша беззаконная, от священника и даже до лжепророка вси сотвориша ложнаяSelect Jeremiah 6:13

14и целяху сотрение людий Моих, уничижающе и глаголюще: мир, мир: и где есть мир?Select Jeremiah 6:14

15Постыдешася, яко оскудеша: и ниже аки посрамляеми постыдешася и безчестия своего не познаша: сего ради падут падением своим и во время посещения своего погибнут, рече Господь.Select Jeremiah 6:15

16Сия глаголет Господь: станите на путех и видите, и вопросите о стезях Господних вечных и видите, кий есть путь благ, и ходите по нему и обрящете очищение душам вашым. И рекоша: не пойдем.Select Jeremiah 6:16

17И поставих над вами стражы: слышите глас трубы. И рекоша: не послушаем.Select Jeremiah 6:17

18Сего ради услышаша языцы и пасущии стада своя.Select Jeremiah 6:18

19Слыши, земле: се, Аз навожду на люди сия злая, плод отвращения их, яко словес Моих не послушаша и закон Мой отвергоша.Select Jeremiah 6:19

20Вскую Мне кадило от Савы приносите и кинамон от земли дальния, всесожжения ваша не суть приятна, и жертвы вашя не усладиша Мя.Select Jeremiah 6:20

21Сего ради тако глаголет Господь: се, Аз дам на люди сия болезнь, и изнемогут отцы и сынове вкупе, сосед и искренний его погибнут.Select Jeremiah 6:21

22Сия глаголет Господь: се, людие грядут от севера, и язык велик востанет от конец земли,Select Jeremiah 6:22

23лук и щит возмут: мучителен есть и не умилосердится: глас его, яко море шумящее: на конех и колесницах ополчится аки огнь на брань на тя, дщи Сионя.Select Jeremiah 6:23

24Слышахом слух его, ослабеша руце наши, скорбь объят нас, болезни яко родящия.Select Jeremiah 6:24

25Не исходите на нивы и на пути не ходите, понеже мечь вражий обитает окрест.Select Jeremiah 6:25

26Дщи людий моих, препояшися вретищем и посыплися пепелом, плачь возлюбленнаго сотвори тебе рыдание горько, понеже внезапу приидет запустение на вас.Select Jeremiah 6:26

27Искусителя дах тя в людех искусных, и увеси Мя, внегда искусити Ми путь их:Select Jeremiah 6:27

28вси непослушни ходящии строптиво: медь и железо, вси растлени суть.Select Jeremiah 6:28

29Оскуде мех от огня, истле олово: всуе ковачь сребро кует, лукавства бо их не истаяша.Select Jeremiah 6:29

30Сребро отриновено нарцыте их, яко Господь отверже их.Select Jeremiah 6:30