10Revelation 10

1И видех инаго Ангела крепка сходяща с небесе, оболчена во облак, и дуга над главою (его), и лице его яко солнце, и нозе его яко столпи огнени,Select Revelation 10:1

2и имеяше в руце своей книгу разгибену: и постави ногу свою десную на мори, а шуюю на земли,Select Revelation 10:2

3и возопи гласом великим, яко лев рыкая: и егда возгласи, глаголаша седмь громов гласы своя.Select Revelation 10:3

4И егда возгласиша седмь громов гласы своя, хотех писати: и слышах глас с небесе глаголющь ми: запечатлей, яже глаголаша седмь громов, и сего не пиши.Select Revelation 10:4

5И Ангел, егоже видех стояща на мори и на земли, воздвиже руку свою на небоSelect Revelation 10:5

6и клятся Живущим во веки веков, Иже созда небо и яже на нем, и землю и яже на ней, и море и яже в нем, яко лета уже не будет:Select Revelation 10:6

7но во дни гласа седмаго Ангела, егда имать вострубити, тогда скончается тайна Божия, якоже благовести Своими рабы пророки.Select Revelation 10:7

8И глас его слышах с небесе паки глаголющь со мною, и глагола: иди и приими книжицу разгнутую в руце Ангела стоящаго на мори и на земли.Select Revelation 10:8

9И идох ко Ангелу, глаголя ему: даждь ми книжицу. И рече ми: приими и снеждь ю: и горька будет во чреве твоем, но во устех ти сладка будет яко мед.Select Revelation 10:9

10И приях книгу от руки Ангела и снедох ю: и бе во устех моих яко мед сладка: и егда снедох ю, горька бяше во чреве моем.Select Revelation 10:10

11И рече ми: подобает ти паки пророчествовати в людех и во племенех, и во языцех и в царех мнозех.Select Revelation 10:11