14Revelation 14

1И видех, и се, Агнец стояше на горе Сионстей, и с Ним сто и четыредесять и четыри тысящы, имуще имя Отца Его написано на челех своих.Select Revelation 14:1

2И слышах глас с небесе, яко глас вод многих и яко глас грома велика: и глас слышах гудец гудущих в гусли свояSelect Revelation 14:2

3и поющих яко песнь нову пред престолом и пред четыри животными и старцы: и никтоже можаше навыкнути песни, токмо сии сто и четыредесять и четыри тысящы искуплени от земли.Select Revelation 14:3

4Сии суть, иже с женами не осквернишася, зане девственницы суть: сии последуют Агнцу, аможе аще пойдет. Сии суть куплени от людий первенцы Богу и Агнцу,Select Revelation 14:4

5и во устех их не обретеся лесть: без порока бо суть пред престолом Божиим.Select Revelation 14:5

6И видех инаго Ангела паряща посреде небесе, имущаго Евангелие вечно благовестити живущым на земли и всякому племени и языку, и колену и людем,Select Revelation 14:6

7глаголюща гласом великим: убойтеся Бога и дадите Ему славу, яко прииде час суда Его, и поклонитеся Сотворшему небо и землю, и море и источники водныя.Select Revelation 14:7

8И ин Ангел вслед иде, глаголя: паде, паде Вавилон град великий, зане от вина ярости любодеяния своего напои вся языки.Select Revelation 14:8

9И третий Ангел вслед его иде, глаголя гласом великим: иже аще кто покланяется зверю и иконе его и приемлет начертание на челе своем или на руце своей,Select Revelation 14:9

10и той имать пити от вина ярости Божия, вина нерастворена в чаши гнева Его, и будет мучен огнем и жупелом пред Ангелы святыми и пред Агнцем:Select Revelation 14:10

11и дым мучения их во веки веков восходит, и не имут покоя день и нощь покланяющиися зверю и образу его и приемлющии начертание имене его.Select Revelation 14:11

12Зде есть терпение святых, иже соблюдают заповеди Божия и веру Иисусову.Select Revelation 14:12

13И слышах глас с небесе, глаголющь ми: напиши: блажени мертвии, умирающии о Господе отныне. Ей, глаголет Дух, да почиют от трудов своих: дела бо их ходят вслед с ними.Select Revelation 14:13

14И видех, и се, облак светел, и на облаце седяй подобен Сыну Человеческому, имея на главе своей венец злат, и в руце его серп остр.Select Revelation 14:14

15И ин Ангел изыде из храма, вопия велиим гласом седящему на облаце: посли серп твой и жни, яко прииде час пожати, зане изсше трава земная.Select Revelation 14:15

16И положи седяй на облаце серп свой на землю, и пожата бысть земля.Select Revelation 14:16

17И ин Ангел изыде из церкве сущия на небеси, имый и той серп остр.Select Revelation 14:17

18И ин Ангел изыде от олтаря, имый область на огни, и возопи кличем великим ко имущему серп острый, глаголя: посли серп твой острый и объемли грозды винограда земнаго, яко созреша уже гроздие ея.Select Revelation 14:18

19И положи Ангел серп свой на земли, и обере виноград земский и вложи в точило великия ярости Божия.Select Revelation 14:19

20И испрано бысть точило вне града, и изыде кровь от точила даже до узд конских, от стадий тысяща и шесть сот.Select Revelation 14:20