5Revelation 5

1И видех в деснице Седящаго на престоле книгу написану внутрьуду и внеуду, запечатану седмию печатию.Select Revelation 5:1

2И видех Ангела крепка проповедающа гласом великим: кто есть достоин разгнути книгу и разрешити печати ея?Select Revelation 5:2

3И никтоже можаше ни на небеси, ни на земли, ниже под землею, разгнути книгу, ниже зрети ю.Select Revelation 5:3

4И аз плакахся много, яко ни един обретеся достоин разгнути и прочести книгу, ниже зрети ю.Select Revelation 5:4

5И един от старец глагола ми: не плачися: се, победил есть лев, иже сый от колена Иудова, корень Давидов, разгнути книгу и разрешити седмь печатей ея.Select Revelation 5:5

6И видех, и се, посреде престола и четырех животных и посреде старец Агнец стоящь яко заколен, имущь рогов седмь и очес седмь, еже есть седмь духов Божиих, посланных во всю землю.Select Revelation 5:6

7И прииде и прият книгу от десницы Седящаго на престоле.Select Revelation 5:7

8И егда прият книгу, четыри животна и двадесять и четыри старцы падоша пред Агнцем, имуще кийждо гусли и фиалы златы полны фимиама, иже суть молитвы святых:Select Revelation 5:8

9и поют песнь нову, глаголюще: достоин еси прияти книгу и отверзти печати ея, яко заклался и искупил еси Богови нас Кровию Своею от всякаго колена и языка и людий и племен,Select Revelation 5:9

10и сотворил еси нас Богови нашему цари и иереи: и воцаримся на земли.Select Revelation 5:10

11И видех, и слышах глас Ангелов многих окрест престола и животных и старец, и бе число их тысяща тысящами,Select Revelation 5:11

12глаголюще гласом великим: достоин есть Агнец заколенный прияти силу и богатство, и премудрость и крепость, и честь и славу и благословение.Select Revelation 5:12

13И всяко создание, еже есть на небеси и на земли, и под землею и на мори яже суть, и сущая в них, вся слышах глаголющыя: Седящему на престоле и Агнцу благословение и честь, и слава и держава во веки веков.Select Revelation 5:13

14И четыри животна глаголаху: аминь. И двадесять и четыри старцы падоша и поклонишася Живущему во веки веков.Select Revelation 5:14