6Revelation 6

1И видех, егда отверзе Агнец едину от седми печатей, и слышах единаго от четырех животных глаголюща якоже глас громный: гряди и виждь.Select Revelation 6:1

2И видех, и се, конь бел, и седяй на нем имеяше лук, и дан бысть ему венец: и изыде побеждаяй, и да победит.Select Revelation 6:2

3И егда отверзе печать вторую, слышах второе животно глаголющее: гряди и виждь.Select Revelation 6:3

4И изыде другий конь рыжь: и седящему на нем дано бысть взяти мир от земли, и да убиют друг друга: и дан бысть ему мечь великий.Select Revelation 6:4

5И егда отверзе третию печать, слышах третие животно глаголющее: гряди и виждь. И видех, и се, конь ворон, и седяй на нем имеяше мерило в руце своей.Select Revelation 6:5

6И слышах глас посреде четырех животных глаголющий: мера пшеницы за динарь и три меры ячменя за динарь: и елеа и вина не вреди.Select Revelation 6:6

7И егда отверзе четвертую печать, слышах глас четвертаго животна глаголющий: гряди и виждь.Select Revelation 6:7

8И видех, и се, конь блед, и седяй на нем, имя ему смерть: и ад идяше вслед его: и дана бысть ему область на четвертей части земли убити оружием и гладом, и смертию и зверьми земными.Select Revelation 6:8

9И егда отверзе пятую печать, видех под олтарем душы избиенных за слово Божие и за свидетелство, еже имеяху.Select Revelation 6:9

10И возопиша гласом великим, глаголюще: доколе, Владыко Святый и Истинный, не судиши и не мстиши крове нашея от живущих на земли?Select Revelation 6:10

11И даны быша коемуждо их ризы белы, и речено бысть им, да почиют еще время мало, дондеже скончаются и клеврети их и братия их, имущии избиени быти, якоже и тии.Select Revelation 6:11

12И видех, егда отверзе шестую печать, и се, бысть трус велий, и солнце мрачно бысть яко вретище власяно, и луна бысть яко кровь:Select Revelation 6:12

13и звезды небесныя падоша на землю, якоже смоковница отметает пупы своя, от ветра велика движима:Select Revelation 6:13

14и небо отлучися яко свиток свиваемо, и всяка гора и остров от мест своих двигнушася:Select Revelation 6:14

15и царие земстии и вельможи, и богатии и тысящницы и сильнии, и всяк раб и всяк свободь скрышася в пещерах и камении горстем,Select Revelation 6:15

16и глаголаша горам и камению: падите на ны и покрыйте ны от лица Седящаго на престоле и от гнева Агнча:Select Revelation 6:16

17яко прииде день великий гнева Его, и кто может стати?Select Revelation 6:17