9Revelation 9

1И пятый Ангел воструби, и видех звезду с небесе спадшу на землю: и дан бысть ей ключь студенца бездны:Select Revelation 9:1

2и отверзе студенца бездны, и взыде дым от студенца яко дым пещи велики, и омерче солнце и воздух от дыма студеничнаго.Select Revelation 9:2

3И от дыма изыдоша прузи на землю, и дана бысть им область, якоже имут область скорпии земныя.Select Revelation 9:3

4И речено бысть им, да не вредят травы земныя, ни всякаго злака, ни всякаго древа, но человеки точию, иже не имут печати Божия на челех своих.Select Revelation 9:4

5И дано бысть им, да не убиют их, но да муку приимут пять месяцей: и мучение их яко мучение скорпиево, егда усекнет человека.Select Revelation 9:5

6И в тыя дни взыщут человецы смерти, и не обрящут ея: и вожделеют умрети, и убежит от них смерть.Select Revelation 9:6

7И уподобления пругов подобна конем уготовленым на брань: и на главах их яко венцы уподоблени злату, и лица их яко лица человеческа:Select Revelation 9:7

8и имеяху власы, яко власы женския, и зубы их, яко львов беша:Select Revelation 9:8

9и имеяху броня, яко броня железны, и глас крил их, яко глас колесниц, егда кони мнози текут на брань:Select Revelation 9:9

10и имеяху ошибы подобны скорпииным, и жала бяху во ошибех их: и дана бе область им вредити человеки пять месяц.Select Revelation 9:10

11И имели над собою царя аггела бездны, емуже имя еврейски Аваддон, а еллински Аполлион.Select Revelation 9:11

12Горе едино отиде: се, грядут еще два горя по сих.Select Revelation 9:12

13И шестый Ангел воструби, и слышах глас един от четырех рогов олтаря златаго сущаго пред Богом,Select Revelation 9:13

14глаголющий шестому Ангелу имеющу трубу: разреши четыри Ангелы связаны при реце велицей Евфрат.Select Revelation 9:14

15И разрешени быша четыри Ангели уготовани на час и день, и месяц и лето, да избиют третию часть человек.Select Revelation 9:15

16И число воинов конных две тме тем: и слышах число их.Select Revelation 9:16

17И тако видех в видении кони, и седящыя на них имущыя броня огненны и иакинфовы и жупелны: и главы конем (их) яко главы львом, и из уст их исхождаше огнь и дым и жупел.Select Revelation 9:17

18И от триех язв сих погибе третия часть человеков, от огня и от дыма и от жупела, исходящих из уст их:Select Revelation 9:18

19область бо коней во устех их бе, и ошиби их подобни змием, имуще главы и теми пакости деюще.Select Revelation 9:19

20И прочии от человек, иже не вреждени быша язвами сими, ниже покаяшася от дел рук своих, да не поклонятся демоном, ни идолом златым и сребряным, и медяным и каменным и древяным, иже ни видети могут, ни слышати, ни ходити:Select Revelation 9:20

21и не покаяшася от убийств своих, ни от волхвований своих, ниже от блуда своего, ниже от татьб своих.Select Revelation 9:21