11John 11

1Бе же некто боля Лазарь от Вифании, от веси Мариины и Марфы сестры ея.Select John 11:1

2Бе же Мариа помазавшая Господа миром и отершая нозе Его власы своими, еяже брат Лазарь боляше.Select John 11:2

3Посласте убо сестре к Нему, глаголюще: Господи, се, егоже любиши, болит.Select John 11:3

4Слышав же Иисус рече: сия болезнь несть к смерти, но о славе Божии, да прославится Сын Божий ея ради.Select John 11:4

5Любляше же Иисус Марфу и сестру ея и Лазаря.Select John 11:5

6Егда же услыша, яко болит, тогда пребысть на немже бе месте два дни.Select John 11:6

7Потом же глагола учеником: идем во Иудею паки.Select John 11:7

8Глаголаша Ему ученицы: Равви, ныне искаху Тебе камением побити Иудее, и паки ли идеши тамо?Select John 11:8

9Отвеща Иисус: не два ли надесяте часа еста во дни? Аще кто ходит во дни, не поткнется, яко свет мира сего видит:Select John 11:9

10аще же кто ходит в нощи, поткнется, яко несть света в нем.Select John 11:10

11Сия рече и посем глагола им: Лазарь друг наш успе: но иду, да возбужу его.Select John 11:11

12Реша убо ученицы Его: Господи, аще успе, спасен будет.Select John 11:12

13Рече же Иисус о смерти его: они же мнеша, яко о успении сна глаголет.Select John 11:13

14Тогда рече им Иисус не обинуяся: Лазарь умре:Select John 11:14

15и радуюся вас ради, да веруете, яко не бех тамо: но идем к нему.Select John 11:15

16Рече же Фома, глаголемый Близнец, учеником: идем и мы, да умрем с ним.Select John 11:16

17Пришед же Иисус, обрете его четыри дни уже имуща во гробе.Select John 11:17

18Бе же Вифаниа близ Иерусалима, яко стадий пятьнадесять,Select John 11:18

19и мнози от Иудей бяху пришли к Марфе и Марии, да утешат их о брате ею.Select John 11:19

20Марфа убо егда услыша, яко Иисус грядет, срете Его: Мариа же дома седяше.Select John 11:20

21Рече же Марфа ко Иисусу: Господи, аще бы еси зде был, не бы брат мой умерл:Select John 11:21

22но и ныне вем, яко елика аще просиши от Бога, даст Тебе Бог.Select John 11:22

23Глагола ей Иисус: воскреснет брат твой.Select John 11:23

24Глагола Ему Марфа: вем, яко воскреснет в воскрешение, в последний день.Select John 11:24

25Рече (же) ей Иисус: Аз есмь воскрешение и живот: веруяй в Мя, аще и умрет, оживет:Select John 11:25

26и всяк живый и веруяй в Мя не умрет во веки. Емлеши ли веру сему?Select John 11:26

27Глагола Ему: ей, Господи: аз веровах, яко Ты еси Христос Сын Божий, иже в мир грядый.Select John 11:27

28И сия рекши, иде и пригласи Марию сестру свою тай, рекши: Учитель пришел есть и глашает тя.Select John 11:28

29Она (же) яко услыша, воста скоро и иде к Нему.Select John 11:29

30Не уже бо бе пришел Иисус в весь, но бе на месте, идеже срете Его Марфа.Select John 11:30

31Иудее (же) убо сущии с нею в дому и утешающе ю, видевше Марию, яко скоро воста и изыде, по ней идоша, глаголюще, яко идет на гроб, да плачет тамо.Select John 11:31

32Мариа же яко прииде, идеже бе Иисус, видевши Его, паде Ему на ногу, глаголющи Ему: Господи, аще бы еси был зде, не бы умерл мой брат.Select John 11:32

33Иисус убо, яко виде ю плачущуся и пришедшыя с нею Иудеи плачущя, запрети духу и возмутися СамSelect John 11:33

34и рече: где положисте его? Глаголаша Ему: Господи, прииди и виждь.Select John 11:34

35Прослезися Иисус.Select John 11:35

36Глаголаху убо Жидове: виждь, како любляше его.Select John 11:36

37Нецыи же от них реша: не можаше ли Сей, отверзый очи слепому, сотворити, да и сей не умрет?Select John 11:37

38Иисус же паки претя в себе, прииде ко гробу. Бе же пещера, и камень лежаше на ней.Select John 11:38

39Глагола Иисус: возмите камень. Глагола Ему сестра умершаго Марфа: Господи, уже смердит: четверодневен бо есть.Select John 11:39

40Глагола ей Иисус: не рех ли ти, яко аще веруеши, узриши славу Божию?Select John 11:40

41Взяша убо камень, идеже бе умерый лежя. Иисус же возведе очи горе и рече: Отче, хвалу Тебе воздаю, яко услышал еси Мя:Select John 11:41

42Аз же ведех, яко всегда Мя послушаеши: но народа ради стоящаго окрест рех, да веру имут, яко Ты Мя послал еси.Select John 11:42

43И сия рек, гласом великим воззва: Лазаре, гряди вон.Select John 11:43

44И изыде умерый, обязан рукама и ногама укроем, и лице его убрусом обязано. Глагола им Иисус: разрешите его и оставите ити.Select John 11:44

45Мнози убо от Иудей пришедшии к Марии и видевше, яже сотвори Иисус, вероваша в Него:Select John 11:45

46нецыи же от них идоша к фарисеом и рекоша им, яже сотвори Иисус.Select John 11:46

47Собраша убо архиерее и фарисее сонм и глаголаху: что сотворим? Яко Человек Сей многа знамения творит:Select John 11:47

48аще оставим Его тако, вси уверуют в Него: и приидут Римляне и возмут место и язык наш.Select John 11:48

49Един же некто от них Каиафа, архиерей сый лету тому, рече им: вы не весте ничесоже,Select John 11:49

50ни помышляете, яко уне есть нам, да един человек умрет за люди, а не весь язык погибнет.Select John 11:50

51Сего же о себе не рече, но архиерей сый лету тому, прорече, яко хотяше Иисус умрети за люди,Select John 11:51

52и не токмо за люди, но да и чада Божия расточеная соберет во едино.Select John 11:52

53От того убо дне совещаша, да убиют Его.Select John 11:53

54Иисус же ктому не яве хождаше во Иудеех, но иде оттуду во страну близ пустыни, во Ефрем нарицаемый град, и ту хождаше со ученики Своими.Select John 11:54

55Бе же близ Пасха Иудейска, и взыдоша мнози во Иерусалим от стран прежде Пасхи, да очистятся.Select John 11:55

56Искаху убо Иисуса и глаголаху к себе, в церкви стояще: что мнится вам, яко не имать ли приити в праздник?Select John 11:56

57Даша же архиерее и фарисее заповедь, да аще кто ощутит (Его), где будет, повесть, яко да имут Его.Select John 11:57