13John 13

1Прежде же праздника Пасхи, ведый Иисус, яко прииде Ему час, да прейдет от мира сего ко Отцу, возлюбль Своя сущыя в мире, до конца возлюби их.Select John 13:1

2И вечери бывшей, диаволу уже вложившу в сердце Иуде Симонову Искариотскому, да Его предаст,Select John 13:2

3ведый Иисус, яко вся даде Ему Отец в руце, и яко от Бога изыде и к Богу грядет:Select John 13:3

4воста от вечери и положи ризы, и приемь лентион, препоясася:Select John 13:4

5потом влия воду во умывалницу и начат умывати ноги учеником и отирати лентием, имже бе препоясан.Select John 13:5

6Прииде же к Симону Петру, и глагола Ему той: Господи, Ты ли мои умыеши нозе?Select John 13:6

7Отвеща Иисус и рече ему: еже Аз творю, ты не веси ныне, уразумееши же по сих.Select John 13:7

8Глагола Ему Петр: не умыеши ногу моею во веки. Отвеща ему Иисус: аще не умыю тебе, не имаши части со Мною.Select John 13:8

9Глагола Ему Симон Петр: Господи, не нозе мои токмо, но и руце и главу.Select John 13:9

10Глагола ему Иисус: измовенный не требует, токмо нозе умыти, есть бо весь чист: и вы чисти есте, но не вси.Select John 13:10

11Ведяше бо предающаго Его: сего ради рече, яко не вси чисти есте.Select John 13:11

12Егда же умы ноги их, прият ризы Своя, возлег паки, рече им: весте ли, что сотворих вам?Select John 13:12

13Вы глашаете Мя Учителя и Господа, и добре глаголете: есмь бо.Select John 13:13

14Аще убо Аз умых ваши нозе, Господь и Учитель, и вы должни есте друг другу умывати нозе:Select John 13:14

15образ бо дах вам, да, якоже Аз сотворих вам, и вы творите.Select John 13:15

16Аминь, аминь глаголю вам: несть раб болий господа своего, ни посланник болий пославшаго его.Select John 13:16

17Аще сия весте, блажени есте, аще творите я.Select John 13:17

18Не о всех вас глаголю: Аз (бо) вем, ихже избрах: но да Писание сбудется: ядый со Мною хлеб воздвиже на Мя пяту свою.Select John 13:18

19Отселе глаголю вам, прежде даже не будет, да, егда будет, веру имете, яко Аз есмь.Select John 13:19

20Аминь, аминь глаголю вам: приемляй, аще кого послю, Мене приемлет: а приемляй Мене приемлет Пославшаго Мя.Select John 13:20

21Сия рек Иисус возмутися духом и свидетелствова и рече: аминь, аминь глаголю вам, яко един от вас предаст Мя.Select John 13:21

22Сзирахуся убо между собою ученицы, недоумеющеся, о ком глаголет.Select John 13:22

23Бе же един от ученик Его возлежя на лоне Иисусове, егоже любляше Иисус:Select John 13:23

24поману же сему Симон Петр вопросити, кто бы был, о немже глаголет.Select John 13:24

25Напад же той на перси Иисусовы, глагола Ему: Господи, кто есть?Select John 13:25

26Отвеща Иисус: той есть, емуже Аз омочив хлеб подам. И омочь хлеб, даде Иуде Симонову Искариотскому.Select John 13:26

27И по хлебе тогда вниде в онь сатана. Глагола убо ему Иисус: еже твориши, сотвори скоро.Select John 13:27

28Сего же никтоже разуме от возлежащих, к чесому рече ему.Select John 13:28

29Нецыи же мняху, понеже ковчежец имяше Иуда, яко глаголет ему Иисус: купи, еже требуем на праздник: или нищым да нечто даст.Select John 13:29

30Приим же он хлеб, абие изыде: бе же нощь. Егда изыде,Select John 13:30

31глагола Иисус: ныне прославися Сын Человеческий, и Бог прославися о Нем:Select John 13:31

32аще Бог прославися о Нем, и Бог прославит Его в Себе, и абие прославит Его.Select John 13:32

33Чадца, еще с вами мало есмь: взыщете Мене, и якоже рех Иудеом, яко аможе Аз иду, вы не можете приити: и вам глаголю ныне.Select John 13:33

34Заповедь новую даю вам, да любите друг друга: якоже возлюбих вы, да и вы любите себе:Select John 13:34

35о сем разумеют вси, яко Мои ученицы есте, аще любовь имате между собою.Select John 13:35

36Глагола Ему Симон Петр: Господи, камо идеши? Отвеща ему Иисус: аможе (Аз) иду, не можеши ныне по Мне ити: последи же по Мне идеши.Select John 13:36

37Глагола Ему Петр: Господи, почто не могу ныне по Тебе ити? (ныне) душу мою за Тя положу.Select John 13:37

38Отвеща ему Иисус: душу ли твою за Мя положиши? Аминь, аминь глаголю тебе: не возгласит алектор, дондеже отвержешися Мене трищи.Select John 13:38