4John 4

1Егда убо разуме Иисус, яко услышаша фарисее, яко Иисус множайшыя ученики творит и крещает, неже Иоанн:Select John 4:1

2Иисус же Сам не крещаше, но ученицы Его:Select John 4:2

3остави Иудею и иде паки в Галилею.Select John 4:3

4Подобаше же Ему проити сквозе Самарию.Select John 4:4

5Прииде убо во град Самарийский, глаголемый Сихарь, близ веси, юже даде Иаков Иосифу сыну своему:Select John 4:5

6бе же ту источник Иаковль. Иисус же утруждся от пути, седяше тако на источнице: бе (же) яко час шестый.Select John 4:6

7Прииде жена от Самарии почерпати воду. Глагола ей Иисус: даждь Ми пити.Select John 4:7

8Ученицы бо Его отшли бяху во град, да брашно купят.Select John 4:8

9Глагола Ему жена Самаряныня: како ты Жидовин сый от мене пити просиши, жены Самаряныни сущей? Не прикасаютбося Жидове Самаряном.Select John 4:9

10Отвеща Иисус и рече ей: аще бы ведала еси дар Божий, и Кто есть глаголяй ти: даждь Ми пити: ты бы просила у Него, и дал бы ти воду живу.Select John 4:10

11Глагола Ему жена: господи, ни почерпала имаши, и студенец есть глубок: откуду убо имаши воду живу?Select John 4:11

12Еда ты болий еси отца нашего Иакова, иже даде нам студенец сей, и той из него пит и сынове его и скоти его?Select John 4:12

13Отвеща Иисус и рече ей: всяк пияй от воды сея, вжаждется паки:Select John 4:13

14а иже пиет от воды, юже Аз дам ему, не вжаждется во веки: но вода, юже (Аз) дам ему, будет в нем источник воды текущия в живот вечный.Select John 4:14

15Глагола к Нему жена: господи, даждь ми сию воду, да ни жажду, ни прихожду семо почерпати.Select John 4:15

16Глагола ей Иисус: иди, пригласи мужа твоего и прииди семо.Select John 4:16

17Отвеща жена и рече (Ему): не имам мужа. Глагола ей Иисус: добре рекла еси, яко мужа не имам:Select John 4:17

18пять бо мужей имела еси, и ныне, егоже имаши, несть ти муж: се воистинну рекла еси.Select John 4:18

19Глагола Ему жена: Господи, вижу, яко пророк еси Ты:Select John 4:19

20отцы наши в горе сей поклонишася: и вы глаголете, яко во Иерусалимех есть место, идеже кланятися подобает.Select John 4:20

21Глагола ей Иисус: жено, веру Ми ими, яко грядет час, егда ни в горе сей, ни во Иерусалимех поклонитеся Отцу:Select John 4:21

22вы кланяетеся, егоже не весте: мы кланяемся, егоже вемы, яко спасение от Иудей есть:Select John 4:22

23но грядет час, и ныне есть, егда истиннии поклонницы поклонятся Отцу духом и истиною: ибо Отец таковых ищет покланяющихся Ему:Select John 4:23

24дух (есть) Бог: и иже кланяется Ему, духом и истиною достоит кланятися.Select John 4:24

25Глагола Ему жена: вем, яко Мессиа приидет, глаголемыи Христос: егда Той приидет, возвестит нам вся.Select John 4:25

26Глагола ей Иисус: Аз есмь, глаголяй с тобою.Select John 4:26

27И тогда приидоша ученицы Его и чудяхуся, яко с женою глаголаше: обаче никтоже рече: чесо ищеши? Или: что глаголеши с нею?Select John 4:27

28Остави же водонос свой жена, и иде во град, и глагола человеком:Select John 4:28

29приидите (и) видите Человека, Иже рече ми вся, елика сотворих: еда Той есть Христос?Select John 4:29

30Изыдоша же из града и грядяху к Нему.Select John 4:30

31Между же сим моляху Его ученицы (Его), глаголюще: Равви, яждь.Select John 4:31

32Он же рече им: Аз брашно имам ясти, егоже вы не весте.Select John 4:32

33Глаголаху убо ученицы к себе: еда кто принесе Ему ясти?Select John 4:33

34Глагола им Иисус: Мое брашно есть, да сотворю волю Пославшаго Мя и совершу дело Его.Select John 4:34

35Не вы ли глаголете, яко еще четыри месяцы суть, и жатва приидет? Се, глаголю вам: возведите очи ваши и видите нивы, яко плавы суть к жатве уже:Select John 4:35

36и жняй мзду приемлет и собирает плод в живот вечный, да и сеяй вкупе радуется и жняй:Select John 4:36

37о сем бо слово есть истинное, яко ин есть сеяй, и ин (есть) жняй:Select John 4:37

38аз послах вы жати, идеже вы не трудистеся: инии трудишася, и вы в труд их внидосте.Select John 4:38

39От града же того мнози вероваша в Онь от Самарян, за слово жены свидетелствующия, яко рече ми вся, елика сотворих.Select John 4:39

40Егда убо приидоша к Нему Самаряне, моляху Его, дабы пребыл у них: и пребысть ту два дни.Select John 4:40

41И много паче вероваша за слово Его:Select John 4:41

42жене же глаголаху, яко не ктому за твою беседу веруем: сами бо слышахом и вемы, яко Сей есть воистинну Спас миру, Христос.Select John 4:42

43По двою же дню изыде оттуду и иде в Галилею:Select John 4:43

44Сам бо Иисус свидетелствова, яко пророк во своем отечествии чести не имать.Select John 4:44

45Егда же прииде в Галилею, прияша Его Галилеане, вся видевше, яже сотвори во Иерусалимех в праздник: и тии бо приидоша в праздник.Select John 4:45

46Прииде же паки Иисус в Кану Галилейскую, идеже претвори воду в вино. И бе некий царев муж, егоже сын боляше в Капернауме.Select John 4:46

47Сей слышав, яко Иисус прииде от Иудеи в Галилею, иде к Нему и моляше Его, да снидет и исцелит сына Его: имеяше бо умрети.Select John 4:47

48Рече убо Иисус к нему: аще знамении и чудес не видите, не имате веровати.Select John 4:48

49Глагола к Нему царев муж: Господи, сниди, прежде даже не умрет отроча мое.Select John 4:49

50Глагола ему Иисус: иди, сын твой жив есть. И верова человек словеси, еже рече ему Иисус, и идяше.Select John 4:50

51Абие же входящу ему, (се,) раби его сретоша его и возвестиша (ему), глаголюще, яко сын твой жив есть.Select John 4:51

52Вопрошаше убо от них о часе, в который легчае ему бысть, и реша ему, яко вчера в час седмый остави его огнь.Select John 4:52

53Разуме же отец, яко той бе час, в оньже рече ему Иисус, яко сын твой жив есть: и верова сам и весь дом его.Select John 4:53

54Сие паки второе знамение сотвори Иисус, пришед от Иудеи в Галилею.Select John 4:54