6John 6

1По сих иде Иисус на он пол моря Галилеи Тивериадска:Select John 6:1

2и по Нем идяше народ мног, яко видяху знамения Его, яже творяше над недужными.Select John 6:2

3Взыде же на гору Иисус и ту седяше со ученики Своими.Select John 6:3

4Бе же близ Пасха, праздник Жидовский.Select John 6:4

5Возвед убо Иисус очи и видев, яко мног народ грядет к Нему, глагола к Филиппу: чим купим хлебы, да ядят сии?Select John 6:5

6Сие же глаголаше искушая его: Сам бо ведяше, что хощет сотворити.Select John 6:6

7Отвеща Ему Филипп: двема стома пенязей хлебы не довлеют им, да кийждо их мало что приимет.Select John 6:7

8Глагола Ему един от ученик Его, Андрей, брат Симона Петра:Select John 6:8

9есть отрочищь зде един, иже имать пять хлеб ячменных и две рыбе: но сии что суть на толико?Select John 6:9

10Рече же Иисус: сотворите человеки возлещи. Бе же трава многа на месте. Возлеже убо мужей числом яко пять тысящ.Select John 6:10

11Прият же хлебы Иисус и, хвалу воздав, подаде учеником, ученицы же возлежащым: такожде и от рыбу, елико хотяху.Select John 6:11

12И яко насытишася, глагола учеником Своим: соберите избытки укрух, да не погибнет ничтоже.Select John 6:12

13Собраша же и исполниша дванадесяте кошя укрух от пятих хлеб ячменных, иже избыша ядшым.Select John 6:13

14Человецы же видевше знамение, еже сотвори Иисус, глаголаху, яко Сей есть воистинну Пророк Грядый в мир.Select John 6:14

15Иисус убо разумев, яко хотят приити, да восхитят Его и сотворят Его царя, отиде паки в гору един.Select John 6:15

16Яко позде бысть, снидоша ученицы Его на море,Select John 6:16

17и влезоша в корабль, и идяху на он пол моря в Капернаум. И тма абие бысть, и не (у) бе пришел к ним Иисус.Select John 6:17

18Море же, ветру велию дыхающу, воздвизашеся.Select John 6:18

19Гребше же яко стадий двадесять пять или тридесять, узреша Иисуса ходяща по морю и близ корабля бывша, и убояшася.Select John 6:19

20Он же глагола им: Аз есмь, не бойтеся.Select John 6:20

21Хотяху убо прияти Его в корабль: и абие корабль бысть на земли, в нюже идяху.Select John 6:21

22Во утрий (же) народ, иже стояше об он пол моря, видев, яко корабля иного не бе ту, токмо един той, в оньже внидоша ученицы Его, и яко не вниде со ученики Своими Иисус в корабль, но едини ученицы Его идоша:Select John 6:22

23и ини приидоша корабли от Тивериады близ места, идеже ядоша хлебы, хвалу воздавше Господеви:Select John 6:23

24егда же видеша народи, яко Иисуса не бысть ту, ни ученик Его, влезоша сами в корабли и приидоша в Капернаум, ищуще Иисуса,Select John 6:24

25и обретше Его об он пол моря, реша Ему: Равви, когда зде бысть?Select John 6:25

26Отвеща им Иисус и рече: аминь, аминь глаголю вам, ищете Мене, не яко видесте знамение, но яко яли есте хлебы и насытистеся:Select John 6:26

27делайте не брашно гиблющее, но брашно пребывающее в живот вечный, еже Сын Человеческий вам даст: Сего бо Отец знамена Бог.Select John 6:27

28Реша же к Нему: что сотворим, да делаем дела Божия?Select John 6:28

29Отвеща Иисус и рече им: се есть дело Божие, да веруете в Того, Егоже посла Он.Select John 6:29

30Реша же Ему: кое убо Ты твориши знамение, да видим и веру имем Тебе? Что делаеши?Select John 6:30

31Отцы наши ядоша манну в пустыни, якоже есть писано: хлеб с небесе даде им ясти.Select John 6:31

32Рече убо им Иисус: аминь, аминь глаголю вам, не Моисей даде вам хлеб с небесе, но Отец Мой дает вам хлеб истинный с небесе:Select John 6:32

33хлеб бо Божии есть сходяй с небесе и даяй живот миру.Select John 6:33

34Реша убо к Нему: Господи, всегда даждь нам хлеб сей.Select John 6:34

35Рече же им Иисус: Аз есмь хлеб животный: грядый ко Мне не имать взалкатися, и веруяй в Мя не имать вжаждатися никогдаже.Select John 6:35

36Но рех вам, яко и видесте Мя, и не веруете.Select John 6:36

37Все, еже дает Мне Отец, ко Мне приидет, и грядущаго ко Мне не изжену вон:Select John 6:37

38яко снидох с небесе, не да творю волю Мою, но волю пославшаго Мя Отца.Select John 6:38

39Се же есть воля пославшаго Мя Отца, да все, еже даде Ми, не погублю от Него, но воскрешу е в последний день.Select John 6:39

40Се же есть воля Пославшаго Мя, да всяк видяй Сына и веруяй в Него имать живот вечный, и воскрешу его Аз в последний день.Select John 6:40

41Роптаху убо Иудее о Нем, яко рече: Аз есмь хлеб сшедый с небесе.Select John 6:41

42И глаголаху: не Сей ли есть Иисус сын Иосифов, Егоже мы знаем отца и Матерь? Како убо глаголет Сей, яко с небесе снидох?Select John 6:42

43Отвеща убо Иисус и рече им: не ропщите между собою:Select John 6:43

44никтоже может приити ко Мне, аще не Отец пославый Мя привлечет его, и Аз воскрешу его в последний день.Select John 6:44

45Есть писано во пророцех: и будут вси научени Богом. Всяк слышавый от Отца и навык, приидет ко Мне.Select John 6:45

46Не яко Отца видел есть Кто, токмо сый от Бога, Сей виде Отца.Select John 6:46

47Аминь, аминь глаголю вам: веруяй в Мя имать живот вечный.Select John 6:47

48Аз есмь хлеб животный:Select John 6:48

49отцы ваши ядоша манну в пустыни и умроша:Select John 6:49

50сей есть хлеб сходяй с небесе, да, аще кто от него яст, не умрет:Select John 6:50

51Аз есмь хлеб животный, иже сшедый с небесе: аще кто снесть от хлеба сего, жив будет во веки: и хлеб, егоже Аз дам, Плоть Моя есть, юже Аз дам за живот мира.Select John 6:51

52Пряхуся же между собою Жидове, глаголюще: како может Сей нам дати Плоть (Свою) ясти?Select John 6:52

53Рече же им Иисус: аминь, аминь глаголю вам: аще не снесте Плоти Сына Человеческаго, ни пиете Крове Его, живота не имате в себе.Select John 6:53

54Ядый Мою Плоть и пияй Мою Кровь имать живот вечный, и Аз воскрешу его в последний день.Select John 6:54

55Плоть бо Моя истинно есть брашно, и Кровь Моя истинно есть пиво.Select John 6:55

56Ядый Мою Плоть и пияй Мою Кровь во Мне пребывает, и Аз в нем.Select John 6:56

57Якоже посла Мя живый Отец, и Аз живу Отца ради: и ядый Мя, и той жив будет Мене ради.Select John 6:57

58Сей есть хлеб сшедый с небесе: не якоже ядоша отцы ваши манну и умроша: ядый хлеб сей жив будет во веки.Select John 6:58

59Сия рече на сонмищи, учя в Капернауме.Select John 6:59

60Мнози убо слышавше от ученик Его, реша: жестоко есть слово сие: (и) кто может Его послушати?Select John 6:60

61Ведый же Иисус в Себе, яко ропщут о сем ученицы Его, рече им: сие ли вы блазнит?Select John 6:61

62Аще убо узрите Сына Человеческаго восходяща, идеже бе прежде?Select John 6:62

63Дух есть, иже оживляет, плоть не пользует ничтоже: глаголголы, яже Аз глаголах вам, дух суть и живот суть:Select John 6:63

64но суть от вас нецыи, иже не веруют. Ведяше бо искони Иисус, кии суть неверующии, и кто есть предаяй Его.Select John 6:64

65И глаголаше: сего ради рех вам, яко никтоже может приити ко Мне, аще не будет ему дано от Отца Моего.Select John 6:65

66От сего мнози от ученик Его идоша вспять и ктому не хождаху с Ним.Select John 6:66

67Рече же Иисус обеманадесяте: еда и вы хощете ити?Select John 6:67

68Отвеща убо Ему Симон Петр: Господи, к кому идем? Глаголголы живота вечнаго имаши,Select John 6:68

69и мы веровахом и познахом, яко Ты еси Христос, Сын Бога живаго.Select John 6:69

70Отвеща им Иисус: не Аз ли вас дванадесяте избрах? И един от вас диавол есть.Select John 6:70

71Глаголаше же Иуду Симонова Искариота: сей бо хотяше предати Его, един сый от обоюнадесяте.Select John 6:71