11 John 1

1Еже бе исперва, еже слышахом, еже видехом очима нашима, еже узрехом, и руки нашя осязаша, о Словеси животнем:Select 1 John 1:1

2и живот явися, и видехом, и свидетелствуем, и возвещаем вам живот вечный, иже бе у Отца и явися нам:Select 1 John 1:2

3еже видехом и слышахом, поведаем вам, да и вы общение имате с нами: общение же наше со Отцем и с Сыном Его Иисусом Христом.Select 1 John 1:3

4И сия пишем вам, да радость ваша будет исполнена.Select 1 John 1:4

5И сие есть обетование, еже слышахом от Него и поведаем вам, яко Бог свет есть, и тмы в Нем несть ни единыя.Select 1 John 1:5

6Аще речем, яко общение имамы с Ним, и во тме ходим, лжем и не творим истины:Select 1 John 1:6

7аще же во свете ходим, якоже Сам Той есть во свете, общение имамы друг ко другу, и Кровь Иисуса Христа Сына Его очищает нас от всякаго греха.Select 1 John 1:7

8Аще речем, яко греха не имамы, себе прельщаем, и истины несть в нас.Select 1 John 1:8

9Аще исповедаем грехи нашя, верен есть и праведен да оставит нам грехи нашя и очестит нас от всякия неправды.Select 1 John 1:9

10Аще речем, яко не согрешихом, лжа творим Его, и слово Его несть в нас.Select 1 John 1:10