1Genesis 1

1В начале сотвори Бог небо и землю.Select Genesis 1:1

2Земля же бе невидима и неустроена, и тма верху бездны, и Дух Божий ношашеся верху воды.Select Genesis 1:2

3И рече Бог: да будет свет. И бысть свет.Select Genesis 1:3

4И виде Бог свет, яко добро, и разлучи Бог между светом и между тмою.Select Genesis 1:4

5И нарече Бог свет день, а тму нарече нощь. И бысть вечер, и бысть утро, день един.Select Genesis 1:5

6И рече Бог: да будет твердь посреде воды, и да будет разлучающи посреде воды и воды. И бысть тако.Select Genesis 1:6

7И сотвори Бог твердь, и разлучи Бог между водою, яже бе под твердию, и между водою, яже бе над твердию.Select Genesis 1:7

8И нарече Бог твердь небо. И виде Бог, яко добро. И бысть вечер, и бысть утро, день вторый.Select Genesis 1:8

9И рече Бог: да соберется вода, яже под небесем, в собрание едино, и да явится суша. И бысть тако. И собрася вода, яже под небесем, в собрания своя, и явися суша.Select Genesis 1:9

10И нарече Бог сушу землю, и собрания вод нарече моря. И виде Бог, яко добро.Select Genesis 1:10

11И рече Бог: да прорастит земля былие травное, сеющее семя по роду и по подобию, и древо плодовитое творящее плод, емуже семя его в нем, по роду на земли. И бысть тако.Select Genesis 1:11

12И изнесе земля былие травное, сеющее семя по роду и по подобию, и древо плодовитое творящее плод, емуже семя его в нем, по роду на земли. И виде Бог, яко добро.Select Genesis 1:12

13И бысть вечер, и бысть утро, день третий.Select Genesis 1:13

14И рече Бог: да будут светила на тверди небесней, освещати землю и разлучати между днем и между нощию: и да будут в знамения и во времена, и во дни и в лета,Select Genesis 1:14

15и да будут в просвещение на тверди небесней, яко светити по земли. И бысть тако.Select Genesis 1:15

16И сотвори Бог два светила великая: светило великое в начала дне, и светило меншее в начала нощи, и звезды:Select Genesis 1:16

17и положи я Бог на тверди небесней, яко светити на землю,Select Genesis 1:17

18и владети днем и нощию, и разлучати между светом и между тмою. И виде Бог, яко добро.Select Genesis 1:18

19И бысть вечер, и бысть утро, день четвертый.Select Genesis 1:19

20И рече Бог: да изведут воды гады душ живых, и птицы летающыя по земли, по тверди небесней. И бысть тако.Select Genesis 1:20

21И сотвори Бог киты великия, и всяку душу животных гадов, яже изведоша воды по родом их, и всяку птицу пернату по роду. И виде Бог, яко добра.Select Genesis 1:21

22И благослови я Бог, глаголя: раститеся и множитеся, и наполните воды, яже в морях, и птицы да умножатся на земли.Select Genesis 1:22

23И бысть вечер, и бысть утро, день пятый.Select Genesis 1:23

24И рече Бог: да изведет земля душу живу по роду, четвероногая и гады, и звери земли по роду. И бысть тако.Select Genesis 1:24

25И сотвори Бог звери земли по роду, и скоты по роду их, и вся гады земли по роду их. И виде Бог, яко добра.Select Genesis 1:25

26И рече Бог: сотворим человека по образу Нашему и по подобию, и да обладает рыбами морскими, и птицами небесными, (и зверми) и скотами, и всею землею, и всеми гады пресмыкающимися по земли.Select Genesis 1:26

27И сотвори Бог человека, по образу Божию сотвори его: мужа и жену сотвори их.Select Genesis 1:27

28И благослови их Бог, глаголя: раститеся и множитеся, и наполните землю, и господствуйте ею, и обладайте рыбами морскими, (и зверми) и птицами небесными, и всеми скотами, и всею землею, и всеми гадами пресмыкающимися по земли.Select Genesis 1:28

29И рече Бог: се, дах вам всякую траву семенную сеющую семя, еже есть верху земли всея: и всякое древо, еже имать в себе плод семене семеннаго, вам будет в снедь:Select Genesis 1:29

30и всем зверем земным, и всем птицам небесным, и всякому гаду пресмыкающемуся по земли, иже имать в себе душу живота, и всяку траву зелену в снедь. И бысть тако.Select Genesis 1:30

31И виде Бог вся, елика сотвори: и се добра зело. И бысть вечер, и бысть утро, день шестый.Select Genesis 1:31