14Genesis 14

1Бысть же в царство Амарфала царя Сеннаарска, и Ариох царь Елласарск, и Ходоллогомор царь Еламск, и Фаргал царь языческийSelect Genesis 14:1

2сотвориша рать с Валлою царем Содомским и с Варсою царем Гоморрским, и с Сеннааром царем Адамы и с симовором царем Севоимским, и с царем Валаки: сия есть Сигор.Select Genesis 14:2

3Вси сии совещашася на юдоль Сланую: сие есть море Сланое.Select Genesis 14:3

4Дванадесять лет тии работаша Ходоллогомору: третияго же надесять лета отступиша.Select Genesis 14:4

5И в четвертое надесять лето, прииде Ходоллогомор, и цари иже с ним, и изсекоша Исполинов сущих во Астарофе и в Карнаине, и языки крепки вкупе с ними, и омеов, иже в Сави граде,Select Genesis 14:5

6и Хорреов, иже в горах Сиирских, даже до Теревинфа Фарана, иже есть в пустыни.Select Genesis 14:6

7И возвратившеся приидоша ко источнику Судному, иже есть Кадис: и ссекоша вся князи Амаликовы, и Аморреов живущих во Асасанфамаре.Select Genesis 14:7

8Изыде же царь Содомский и царь Гоморрский, и царь Адаманский и царь Севоимский, и царь Валаки, сия есть Сигор: и ополчишася противу их на брань во юдоли Сланой,Select Genesis 14:8

9на Ходоллогомора царя Еламска и Фаргала царя языческа, и Амарфала царя Сеннаарска и Ариоха царя Елласарска: четыри цари на пять.Select Genesis 14:9

10Юдоль же Сланая имяше кладязи смоляныя. И побеже царь Содомский и царь Гоморрский, и падоша тамо: оставшиися же бежаша в горняя (и одержаша я).Select Genesis 14:10

11Взяша же вся конныя Содомския и Гоморрския и вся брашна их, и отидоша.Select Genesis 14:11

12Взяша же и Лота сына брата Аврамова и имение его, и отидоша: бе бо в Содомех живый.Select Genesis 14:12

13Пришед же един от уцелевших, возвести Авраму пришелцу, иже живяше у дуба Мамврийскаго, Аморреа брата Есхоля и брата Авнаня, иже беша союзницы Аврамовы.Select Genesis 14:13

14Слышав же Аврам, яко пленен бысть Лот братаничь его, сочте домочадцы своя триста и осмьнадесять, и погна вслед их даже до Дана.Select Genesis 14:14

15И нападе на ня нощию сам и отроцы его (с ним): и порази их и гони их даже до Ховала, иже есть ошуюю Дамаска:Select Genesis 14:15

16и возврати вся конныя Содомския, и Лота сына брата своего возврати, и вся имения его, и жены, и люди.Select Genesis 14:16

17Изыде же царь Содомский в сретение ему, повнегда возвратитися ему от сеча Ходоллогоморскаго, и царей сущих с ним, в юдоль Савину: сие же бяше поле царево:Select Genesis 14:17

18и Мелхиседек царь Салимский изнесе хлебы и вино: бяше же священник Бога Вышняго.Select Genesis 14:18

19И благослови Аврама, и рече: благословен Аврам Богом Вышним, иже созда небо и землю:Select Genesis 14:19

20и благословен Бог Вышний, Иже предаде враги твоя под руки тебе. И даде ему десятину Аврам от всего.Select Genesis 14:20

21Рече же царь Содомский ко Авраму: даждь ми мужы, а кони возми себе.Select Genesis 14:21

22Рече же Аврам к царю Содомску: воздвигну руку мою ко Господу Богу Вышнему, иже сотвори небо и землю:Select Genesis 14:22

23аще от нити до ременя сапожнаго возму от всего твоего, да не речеши, яко аз обогатих Аврама:Select Genesis 14:23

24кроме сих, яже снедоша отроцы, и части мужей, иже ходиша со мною, Есхол, Авнан, Мамврий: сии да возмут части (своя).Select Genesis 14:24