15Genesis 15

1По глаголех же сих, бысть слово Господне ко Авраму в видении нощию, глаголя: не бойся, Авраме: Аз защищаю тя, мзда твоя многа будет зело.Select Genesis 15:1

2Глагола же Аврам: Владыко Господи, что ми даси? Аз же отпущаюся безчаден: сын же масек домочадицы моея, сей Дамаск Елиезер.Select Genesis 15:2

3И рече Аврам: понеже мне не дал еси семене, домочадец же мой наследник мой будет.Select Genesis 15:3

4И абие глас Господень бысть к нему, глаголющий: не будет сей наследник твой, но иже изыдет из тебе, той будет наследник тебе.Select Genesis 15:4

5Изведе же его вон и рече ему: воззри на небо и изочти звезды, аще возможеши исчести я. И рече: тако будет семя твое.Select Genesis 15:5

6И верова Аврам Богу, и вменися ему в правду.Select Genesis 15:6

7Рече же к нему: Аз (есмь) Бог изведый тя от страны Халдейския, яко дати тебе землю сию наследствовати.Select Genesis 15:7

8И рече: Владыко Господи, по чесому уразумею, яко наследити ю имам?Select Genesis 15:8

9Рече же к нему: возми Мне юницу трилетну и козу трилетну и овна трилетна, и горлицу и голубя.Select Genesis 15:9

10Взя же он вся сия и раздели я на полы, и положи я противолична едина ко другому: птиц же не раздели.Select Genesis 15:10

11Слетеша же птицы на телеса растесаная их: и седе близу их Аврам.Select Genesis 15:11

12Заходящу же солнцу, ужас нападе на Аврама, и се, страх темен велий нападе нань.Select Genesis 15:12

13И речено бысть ко Авраму: ведый увеси, яко преселно будет семя твое в земли не своей, и поработят я, и озлобят я, и смирят я лет четыриста:Select Genesis 15:13

14языку же, емуже поработают, сужду Аз: по сих же изыдут семо со имением многим:Select Genesis 15:14

15ты же отидеши ко отцем твоим в мире, препитан в старости добрей:Select Genesis 15:15

16в четвертем же роде возвратятся семо: не бо исполнишася греси Аморреов до ныне.Select Genesis 15:16

17Егда же бысть солнце на западе, пламень бысть: и се, пещь дымящися, и свещы огненны, яже проидоша между растесании сими.Select Genesis 15:17

18В день той завеща Господь Авраму завет, глаголя: семени твоему дам землю сию от реки Египетския даже до реки великия Евфрата:Select Genesis 15:18

19Кенеов и Кенезеов и Кедмонеов,Select Genesis 15:19

20и Хеттеов и Ферезеов и Рафаинов,Select Genesis 15:20

21и Аморреов и Хананеов, и Евеов и Гергесеов и Иевусеов.Select Genesis 15:21