17Genesis 17

1Бысть же Авраму лет девятьдесят девять: и явися Господь Авраму и рече ему: Аз есмь Бог твой, благоугождай предо Мною и буди непорочен:Select Genesis 17:1

2и положу завет Мой между Мною и между тобою: и умножу тя зело.Select Genesis 17:2

3И паде Аврам на лицы своем, и рече ему Бог, глаголя:Select Genesis 17:3

4и Аз се, завет Мой с тобою, и будеши отец множества языков:Select Genesis 17:4

5и не наречется ктому имя твое Аврам, но будет имя твое Авраам: яко отца многих языков положих тя:Select Genesis 17:5

6и возращу тя зело зело, и положу тя в народы, и царие из тебе изыдут:Select Genesis 17:6

7и поставлю завет Мой между Мною и между тобою, и между семенем твоим по тебе в роды их, в завет вечен, да буду тебе Бог и семени твоему по тебе:Select Genesis 17:7

8и дам тебе и семени твоему по тебе землю, в нейже обитаеши, всю землю Ханааню во одержание вечное, и буду им Бог.Select Genesis 17:8

9И рече Бог ко Аврааму: ты же завет Мой соблюдеши, ты и семя твое по тебе в роды их.Select Genesis 17:9

10И сей завет, егоже соблюдеши между Мною и вами, и между семенем твоим по тебе в роды их: обрежется от вас всяк мужеск пол,Select Genesis 17:10

11и обрежете плоть крайнюю вашу, и будет в знамение завета между Мною и вами.Select Genesis 17:11

12И младенец осми дний обрежется вам, всяк мужеский пол в родех ваших: и домочадец, и купленый от всякаго сына чуждаго, иже несть от семене твоего: обрезанием обрежется домочадец дому твоего и купленый.Select Genesis 17:12

13И будет завет Мой на плоти вашей в завет вечен.Select Genesis 17:13

14Необрезаный же мужеский пол, иже не обрежет плоти крайния своея в день осмый, погубится душа та от рода своего: яко завет Мой разори.Select Genesis 17:14

15И рече Бог Аврааму: Сара жена твоя не наречется имя ея Сара, но Сарра будет имя ей:Select Genesis 17:15

16благословлю же ю и дам тебе от нея чадо: и благословлю е, и будет в языки, и царие языков из него будут.Select Genesis 17:16

17И паде Авраам на лице свое, и посмеяся, и рече в мысли своей, глаголя: еда столетному (мужу) родится сын? Еда и Сарра девятидесяти лет (сущи) родит?Select Genesis 17:17

18Рече же Авраам к Богу: Исмаил сей да живет пред Тобою.Select Genesis 17:18

19Рече же Бог ко Аврааму: воистинну, се, Сарра жена твоя родит тебе сына, и наречеши имя ему Исаак: и поставлю завет Мой с ним в завет вечен, да буду ему в Бога и семени его по нем.Select Genesis 17:19

20О Исмаиле же се послушах тебе: и се благослових его, и возращу его, и умножу его зело: дванадесять языки родит: и дам его в язык велий.Select Genesis 17:20

21Завет же Мой поставлю со Исааком, егоже родит тебе Сарра, во время сие, в лето второе.Select Genesis 17:21

22Сконча же (Бог) глаголя к нему, и взыде Бог от Авраама.Select Genesis 17:22

23И поя Авраам Исмаила сына своего, и вся домочадцы своя и вся купленыя, и весь мужеск пол мужей, иже в дому Авраамли, и обреза плоть крайнюю их во время дне того, якоже глагола ему Бог.Select Genesis 17:23

24Авраам же девятидесяти девяти лет бяше, егда обреза плоть крайнюю свою.Select Genesis 17:24

25Исмаил же сын его бяше лет трехнадесяти, егда обреза плоть крайнюю свою.Select Genesis 17:25

26Во время (же) дне онаго обрезася Авраам и Исмаил сын его,Select Genesis 17:26

27и вси мужие дому его, и домочадцы (его) и куплении от инородных языков, и обреза я.Select Genesis 17:27