23Genesis 23

1Бысть же житие Саррино лет сто двадесять седмь.Select Genesis 23:1

2И умре Сарра во граде Арвоце, иже есть в раздолии: сей есть Хеврон в земли Ханаанстей. Прииде же Авраам рыдати по Сарре и плакати.Select Genesis 23:2

3И воста Авраам от мертвеца своего и рече сыном Хеттеовым, глаголя:Select Genesis 23:3

4преселник и пришлец аз есмь у вас, дадите ми убо стяжание гроба между вами, да погребу мертвеца моего от мене.Select Genesis 23:4

5Отвещаша же сынове Хеттеовы ко Аврааму, глаголюще: ни, господине:Select Genesis 23:5

6послушай же нас: царь от Бога ты еси в нас: во избранных гробех наших погреби мертвеца твоего: никтоже бо от нас возбранит гроба своего от тебе, еже погребсти мертвеца твоего тамо.Select Genesis 23:6

7Востав же Авраам поклонися народу земли, сыном Хеттеовым,Select Genesis 23:7

8и рече к ним Авраам, глаголя: аще имате в души вашей, яко погребсти мертвеца моего от лица моего, послушайте мене и рцыте о мне Ефрону Саарову:Select Genesis 23:8

9и да даст ми пещеру Сугубую, яже есть его, сущую на части села его: сребром достойным да даст ми ю у вас в стяжание гроба.Select Genesis 23:9

10Ефрон же седяше посреде сынов Хеттеовых. Отвещав же Ефрон Хеттейский ко Аврааму, рече слышащым сыном Хеттеовым и всем приходящым во град, глаголя:Select Genesis 23:10

11у мене буди, господине, и послушай мене: село и пещеру яже в нем, тебе даю: пред всеми гражданы моими дах тебе, погреби мертвеца твоего.Select Genesis 23:11

12И поклонися Авраам пред народом землиSelect Genesis 23:12

13и рече Ефрону во ушеса пред всем народом земли: понеже по мне еси, послушай мене: сребро села возми у мене, и погребу мертвеца моего тамо.Select Genesis 23:13

14Отвеща же Ефрон Аврааму, глаголя:Select Genesis 23:14

15ни, господине: слышах бо, яко земля четырех сот дидрахм сребра: но что было бы сие между мною и тобою? Ты же мертвеца твоего погреби.Select Genesis 23:15

16И послуша Авраам Ефрона, и даде Авраам Ефрону сребро, еже глагола во ушеса сынов Хеттеовых, четыре ста дидрахм сребра искушена купцами.Select Genesis 23:16

17И бысть село Ефроново, еже бе в Сугубей пещере, еже есть лицем к Мамврии, село и пещера яже бе в нем, и всякое древо, иже бе на селе, и все еже есть в пределех его окрест,Select Genesis 23:17

18Аврааму (бысть) в стяжание пред сыны Хеттеовыми и пред всеми приходящими во град.Select Genesis 23:18

19По сих погребе Авраам Сарру жену свою в пещере селней Сугубей, яже есть противу Мамврии: сия есть Хеврон в земли Ханаанстей.Select Genesis 23:19

20И утверждено есть село и пещера, яже бе на нем, Аврааму в стяжание гроба от сынов Хеттеовых.Select Genesis 23:20