29Genesis 29

1И востав Иаков на нозе, иде в землю восточную к Лавану сыну Вафуила Сирина, брату же Ревекки матере Иаковли и Исавли.Select Genesis 29:1

2Узре же, и се, кладязь на поли: и бяху тамо три стада овец, почивающе при нем: от того бо кладязя напаяхуся стада. Камень же велий бяше над устием кладязя.Select Genesis 29:2

3И собирахуся тамо вся стада: и отваляху камень от устия кладязя и напаяху овцы: и паки полагаху камень на устии кладязя на месте своем.Select Genesis 29:3

4Рече же им Иаков: братия, откуду есте вы? Они же реша: от Харрана есмы.Select Genesis 29:4

5Рече же им: знаете ли Лавана сына Нахорова? Они же реша: знаем.Select Genesis 29:5

6Рече же им: здравствует ли? Они же реша: здравствует. И се, Рахиль дщи его идяше со овцами.Select Genesis 29:6

7И рече Иаков: еще есть дне много, не у час собирати скота: напоивше овцы, шедше пасите.Select Genesis 29:7

8Они же реша: не можем, дондеже соберутся вси пастуси и отвалят камень от устия кладязя, и напоим овцы.Select Genesis 29:8

9Еще ему глаголющу к ним, и се, Рахиль дщи Лаваня грядяше со овцами отца своего: она бо пасяше овцы отца своего.Select Genesis 29:9

10Бысть же яко узре Иаков Рахиль дщерь Лавана брата матере своея и овцы Лавана брата матере своея, и приступив Иаков отвали камень от устия кладязя:Select Genesis 29:10

11и напои овцы Лавана брата матере своея, и целова Иаков Рахиль, и возопив гласом своим, восплакася:Select Genesis 29:11

12и поведа Рахили, яко брат отца ея есть и яко сын Ревеккин есть. И текши поведа отцу своему по словесем сим.Select Genesis 29:12

13Бысть же яко услыша Лаван имя Иакова сына сестры своея, тече во сретение ему и объемь его лобза, и введе его в дом свой. И поведа Лавану вся словеса сия.Select Genesis 29:13

14И рече ему Лаван: от костей моих и от плоти моея еси ты. И бе с ним месяц дний.Select Genesis 29:14

15Рече же Лаван Иакову: понеже брат мой еси ты, да не поработаеши мне туне: повеждь ми, что мзда твоя есть?Select Genesis 29:15

16У Лавана же бесте две дщери: имя старейшей Лиа, имя же юнейшей Рахиль.Select Genesis 29:16

17Очи же Лиины болезненны: Рахиль же бе добра видом и красна взором зело.Select Genesis 29:17

18Возлюби же Иаков Рахиль. И рече: поработаю тебе седмь лет за Рахиль дщерь твою меншую.Select Genesis 29:18

19Рече же ему Лаван: лучше ми тебе дати ю, нежели иному отдати мужеви: со мною живи.Select Genesis 29:19

20И работа Иаков за Рахиль седмь лет: и быша пред ним яко малы дни, занеже любяше ю.Select Genesis 29:20

21Рече же Иаков Лавану: даждь ми жену мою, понеже совершишася дние, да вниду к ней.Select Genesis 29:21

22Собра же Лаван вся мужы места того, и сотвори брак.Select Genesis 29:22

23И бысть вечер, и поемь Лаван Лию дщерь свою, введе ко Иакову: и вниде к ней Иаков.Select Genesis 29:23

24Даде же Лаван Лии дщери своей Зелфу рабыню свою, ей в рабу.Select Genesis 29:24

25Бысть же заутра, и се, бяше Лиа, и рече Иаков Лавану: что сие сотворил ми еси? Не Рахили ли ради работах у тебе? Вскую же обидел мя еси?Select Genesis 29:25

26Отвеща же Лаван: несть тако в нашем месте вдати меншую прежде старейшия.Select Genesis 29:26

27Скончай убо седмины сея, и дам ти и сию за дело, еже делаеши у мене еще седмь лет другия.Select Genesis 29:27

28Сотвори же Иаков тако: и исполни седмины сея: и даде ему Лаван Рахиль дщерь свою ему в жену.Select Genesis 29:28

29Даде же Лаван Рахили дщери своей Валлу рабу свою, ей в рабу.Select Genesis 29:29

30И вниде (Иаков) к Рахили: возлюби же Рахиль паче, неже Лию: и работа ему седмь лет другия.Select Genesis 29:30

31Видев же Господь Бог, яко ненавидима бяше Лиа, отверзе ложесна ея: Рахиль же бяше неплоды.Select Genesis 29:31

32И зачат Лиа и роди сына Иакову: нарече же имя ему Рувим, глаголя: яко призре Господь на мое смирение и даде ми сына: ныне убо возлюбит мя муж мой.Select Genesis 29:32

33И зачат паки Лиа и роди сына втораго Иакову и рече: зане услыша Господь, яко ненавидима есмь, и придаде ми и сего. И нарече имя ему Симеон.Select Genesis 29:33

34И зачат еще и роди сына и рече: в нынешнее время у мене будет муж мой, родих бо ему три сыны. Сего ради нарече имя ему Левий.Select Genesis 29:34

35И заченши еще роди сына и рече: ныне еще сие исповем Господу. Сего ради нарече имя ему Иуда, и преста раждати.Select Genesis 29:35