3Genesis 3

1Змий же бе мудрейший всех зверей сущих на земли, ихже сотвори Господь Бог. И рече змий жене: что яко рече Бог: да не ясте от всякаго древа райскаго?Select Genesis 3:1

2И рече жена змию: от всякаго древа райскаго ясти будем:Select Genesis 3:2

3от плода же древа, еже есть посреде рая, рече Бог, да не ясте от него, ниже прикоснетеся ему, да не умрете.Select Genesis 3:3

4И рече змий жене: не смертию умрете:Select Genesis 3:4

5ведяше бо Бог, яко в оньже аще день снесте от него, отверзутся очи ваши, и будете яко бози, ведяще доброе и лукавое.Select Genesis 3:5

6И виде жена, яко добро древо в снедь и яко угодно очима видети и красно есть, еже разумети: и вземши от плода его яде, и даде мужу своему с собою, и ядоста.Select Genesis 3:6

7И отверзошася очи обема, и разумеша, яко нази беша: и сшиста листвие смоковное, и сотвориста себе препоясания.Select Genesis 3:7

8И услышаста глас Господа Бога ходяща в раи по полудни: и скрыстася Адам же и жена его от лица Господа Бога посреде древа райскаго.Select Genesis 3:8

9И призва Господь Бог Адама и рече ему: Адаме, где еси?Select Genesis 3:9

10И рече Ему: глас слышах Тебе ходяща в раи, и убояхся, яко наг есмь, и скрыхся.Select Genesis 3:10

11И рече ему Бог: кто возвести тебе, яко наг еси, аще не бы от древа, егоже заповедах тебе сего единаго не ясти, от него ял еси?Select Genesis 3:11

12И рече Адам: жена, юже дал еси со мною, та ми даде от древа, и ядох.Select Genesis 3:12

13И рече Господь Бог жене: что сие сотворила еси? И рече жена: змий прельсти мя, и ядох.Select Genesis 3:13

14И рече Господь Бог змию: яко сотворил еси сие, проклят ты от всех скотов и от всех зверей земных: на персех твоих и чреве ходити будеши, и землю снеси вся дни живота твоего:Select Genesis 3:14

15и вражду положу между тобою и между женою, и между семенем твоим и между семенем тоя: той твою блюсти будет главу, и ты блюсти будеши его пяту.Select Genesis 3:15

16И жене рече: умножая умножу печали твоя и воздыхания твоя: в болезнех родиши чада, и к мужу твоему обращение твое, и той тобою обладати будет.Select Genesis 3:16

17И Адаму рече: яко послушал еси гласа жены твоея и ял еси от древа, егоже заповедах тебе сего единаго не ясти, от него ял еси: проклята земля в делех твоих, в печалех снеси тую вся дни живота твоего:Select Genesis 3:17

18терния и волчцы возрастит тебе, и снеси траву селную:Select Genesis 3:18

19в поте лица твоего снеси хлеб твой, дондеже возвратишися в землю, от неяже взят еси: яко земля еси, и в землю отидеши.Select Genesis 3:19

20И нарече Адам имя жене своей Жизнь, яко та мати всех живущих.Select Genesis 3:20

21И сотвори Господь Бог Адаму и жене его ризы кожаны, и облече их.Select Genesis 3:21

22И рече Бог: се, Адам бысть яко един от Нас, еже разумети доброе и лукавое: и ныне да не когда прострет руку свою и возмет от древа жизни и снест, и жив будет во век.Select Genesis 3:22

23И изгна его Господь Бог из рая Сладости делати землю, от неяже взят бысть.Select Genesis 3:23

24И изрину Адама, и всели его прямо рая Сладости: и пристави Херувима, и пламенное оружие обращаемое, хранити путь древа жизни.Select Genesis 3:24