35Genesis 35

1Рече же Бог ко Иакову: востав взыди на место Вефиль, и живи тамо, и сотвори тамо жертвенник Богу явльшемуся тебе, егда бежал еси от лица Исава брата твоего.Select Genesis 35:1

2Рече же Иаков дому своему и всем иже с ним: поверзите боги чуждыя, иже с вами, от среды вас и очиститеся, и измените ризы своя:Select Genesis 35:2

3и воставше взыдем в Вефиль и сотворим тамо жертвенник Богу послушавшему мене в день скорбения, Иже бе со мною и спасе мя на пути, в оньже ходих.Select Genesis 35:3

4И вдаша Иакову боги чуждыя, иже бяху в руках их, и усерязи яже во ушесех их: и скры я Иаков под теревинфом иже в Сикимех: И погуби я до днешняго дне.Select Genesis 35:4

5И воздвижеся Израиль от Сикимов, и бысть страх Божий на градех, иже окрест их: и не гнаша вслед сынов Израилевых.Select Genesis 35:5

6Прииде же Иаков в Лузу, яже есть в земли Ханаанстей, яже есть Вефиль, сам и вси людие, иже бяху с ним,Select Genesis 35:6

7и созда тамо жертвенник, и прозва имя месту тому Вефиль: тамо бо явися ему Бог, егда бежаше он от лица Исава брата своего.Select Genesis 35:7

8Умре же Девора, доилица Ревеккина, и погребоша ю ниже Вефиля под дубом, и прозва имя ему дуб плача.Select Genesis 35:8

9Явися же Бог Иакову еще в Лузе, егда прииде от Месопотамии Сирския, и благослови его БогSelect Genesis 35:9

10и рече ему Бог: имя твое не прозовется ктому Иаков, но Израиль будет имя тебе. И нарече имя ему Израиль.Select Genesis 35:10

11Рече же ему Бог: Аз Бог твой: расти и множися: языцы и собрания языков будут от тебе, и царие из чресл твоих изыдут:Select Genesis 35:11

12и землю, юже дах Аврааму и Исааку, тебе дах ю, тебе будет, и семени твоему по тебе дам землю сию.Select Genesis 35:12

13Взыде же Бог от него от места, идеже глагола с ним:Select Genesis 35:13

14и постави Иаков столп на месте, идеже глагола с ним Бог, столп каменный, и пожре на нем жертву и возлия на него елей:Select Genesis 35:14

15и прозва Иаков имя месту тому, идеже глагола с ним Бог, Вефиль.Select Genesis 35:15

16(Востав же (Иаков) от Вефиля, и постави кущу свою далее столпа Гадер.) бысть же егда приближися к хаврафе приити до земли Ефрафа, роди Рахиль и возбедствова в рождении:Select Genesis 35:16

17бысть же внегда жестоко ей родити, рече ей баба: дерзай, ибо сей тебе есть сын.Select Genesis 35:17

18Бысть же егда оставляше ю душа, умираше бо, прозва имя ему Сын Болезни моея: отец же прозва имя ему Вениамин.Select Genesis 35:18

19Умре же Рахиль, и погребоша ю на пути ипподрома Ефрафы: сия есть Вифлеем:Select Genesis 35:19

20и постави Иаков столп на гробе ея: сей есть столп над гробом Рахилиным даже до дне сего.Select Genesis 35:20

21Изыде же оттуду Израиль и постави кущу свою за столпом Гадер.Select Genesis 35:21

22Бысть же егда вселися Израиль в земли той, иде Рувим и спа с Валлою, наложницею отца своего Иакова. И слыша Израиль, и зло явися пред ним. Беша же сынове Иаковли дванадесять.Select Genesis 35:22

23Сынове Лиины: Рувим, первенец Иаковль, Симеон, Левий, Иуда, Иссахар, Завулон.Select Genesis 35:23

24Сынове же Рахилины: Иосиф и Вениамин.Select Genesis 35:24

25Сынове же Валлы, рабы Рахилины: Дан и Неффалим.Select Genesis 35:25

26Сынове же Зелфы, рабы Лиины: Гад и Асир. Сии сынове Иаковли, иже родишася ему в Месопотамии Сирстей.Select Genesis 35:26

27Прииде же Иаков ко Исааку отцу своему (еще живу сущу ему) в Мамврию, во Град Польный: сей есть Хеврон в земли Ханаанстей, идеже обита Авраам и Исаак.Select Genesis 35:27

28Быша же дние Исааковы, яже поживе, сто осмьдесят лет:Select Genesis 35:28

29и ослабев Исаак умре, и приложися к роду своему стар исполнь дний: и погребоста его Исав и Иаков, сынове его.Select Genesis 35:29