38Genesis 38

1Бысть же в то время, отиде Иуда от братии своея и прииде к человеку некоему Одолламитину, емуже имя Ирас:Select Genesis 38:1

2и виде тамо Иуда дщерь человека Хананейска, ейже имя Сава: и поят ю, и вниде к ней:Select Genesis 38:2

3и заченши роди сына, и нарече имя ему Ир:Select Genesis 38:3

4и заченши еще роди сына и нарече имя ему Авнан:Select Genesis 38:4

5и приложивши роди сына (третияго) и нарече имя Силом: сия же бе в Хасве, егда роди сих.Select Genesis 38:5

6И поя Иуда жену Иру первенцу своему, ейже имя Фамарь.Select Genesis 38:6

7Бысть же Ир первенец Иудин зол пред Господем: и уби его Бог.Select Genesis 38:7

8Рече же Иуда Авнану: вниди к жене брата твоего и совокупися с нею, и возстави семя брату твоему.Select Genesis 38:8

9Познав же Авнан, яко не ему будет семя, бысть егда вхождаше к жене брата своего, проливаше (семя) на землю, еже не дати семене брату своему:Select Genesis 38:9

10зло же явися пред Богом, яко сотвори сие: и умертви и сего.Select Genesis 38:10

11Рече же Иуда Фамари, невестце своей (по смерти дву сынов своих): седи вдовою в дому отца твоего, дондеже велик будет Силом, сын мой. Рече бо (во уме си): да не когда умрет и сей, якоже и братия его. Отшедши же Фамарь, седяше в дому отца своего.Select Genesis 38:11

12Умножишася же дние, и умре Сава жена Иудина. И утешився Иуда, взыде к стригущым овцы его сам, и Ирас пастырь его Одолламитин, во Фамну.Select Genesis 38:12

13И возвестиша Фамари невестце его, глаголюще: се, свекор твой восходит во Фамну стрищи овцы своя.Select Genesis 38:13

14Она же свергши ризы вдовства с себе, облечеся в ризу летнюю и украсися, и седе пред враты Енани, яже суть на пути Фамны: ведяше бо, яко велик бысть Силом: сей же не даде ея ему в жену.Select Genesis 38:14

15И видев ю Иуда, возмне ю блудницу быти: покры бо лице свое, и не позна ея.Select Genesis 38:15

16Уклонися же к ней путем и рече ей: попусти ми внити к себе. Не позна бо, яко невестка ему есть. Она же рече: что ми даси, аще внидеши ко мне?Select Genesis 38:16

17Он же рече: аз тебе послю козлище коз от овец моих. Она же рече: аще даси ми залог, дондеже пришлеши.Select Genesis 38:17

18Он же рече: кий залог тебе дам? Она же рече: перстень твой и гривну, и жезл иже в руце твоей. И даде ей, и вниде к ней, и зача во утробе от него.Select Genesis 38:18

19И воставши отиде, и сверже ризу летнюю с себе и облечеся в ризы вдовства своего.Select Genesis 38:19

20Посла же Иуда козлище от коз рукою пастыря своего Одолламитина взяти залог от жены, и не обрете ея.Select Genesis 38:20

21Вопроси же мужей места того и рече им: где есть блудница бывшая во Енане на распутии? И реша: не бе зде блудница.Select Genesis 38:21

22И возвратися ко Иуде и рече: не обретох: и человецы места того глаголют: несть зде блудницы.Select Genesis 38:22

23Рече же Иуда: да имать та: но да не когда посмеются нам: аз убо послах козлище сие, ты же не обрел еси.Select Genesis 38:23

24Бысть же по трех месяцех, поведаша Иуде, глаголюще: соблуди Фамарь невестка твоя, и се, во утробе имать от блуда. Рече же Иуда: изведите ю, и да сожгут ю.Select Genesis 38:24

25Она же ведома посла к свекру своему, глаголющи: от человека, егоже сия суть, аз во утробе имам. И рече: познай, чий перстень и гривна и жезл сей.Select Genesis 38:25

26Позна же Иуда и рече: оправдася Фамарь паче мене, яко не дах ея Силому сыну моему. И не приложи ктому познати ю.Select Genesis 38:26

27Бысть же егда раждаше, и беста близнята во утробе ея.Select Genesis 38:27

28Бысть же в рождении ея, един произнесе руку: вземши же баба навяза на руку его червлень, глаголющи: сей изыдет первый.Select Genesis 38:28

29Егда же вовлече руку, и абие изыде брат его. Она же рече: что пресечеся тебе ради преграждение? И прозва имя ему Фарес.Select Genesis 38:29

30И посем изыде брат его, емуже бе на руце его червлень: и прозва имя ему Зара.Select Genesis 38:30