4Genesis 4

1Адам же позна Еву жену свою, и заченши роди Каина и рече: стяжах человека Богом.Select Genesis 4:1

2И приложи родити брата его, Авеля. И бысть Авель пастырь овец, Каин же бе делаяй землю.Select Genesis 4:2

3И бысть по днех, принесе Каин от плодов земли жертву Богу:Select Genesis 4:3

4и Авель принесе и той от первородных овец своих и от туков их. И призре Бог на Авеля и на дары его:Select Genesis 4:4

5на Каина же и на жертвы его не внят. И опечалися Каин зело, и испаде лице его.Select Genesis 4:5

6И рече Господь Бог Каину: вскую прискорбен был еси? И вскую испаде лице твое?Select Genesis 4:6

7Еда аще право принесл еси, право же не разделил еси, не согрешил ли еси? Умолкни: к тебе обращение его, и ты тем обладаеши.Select Genesis 4:7

8И рече Каин ко Авелю брату своему: пойдем на поле. И бысть внегда быти им на поли, воста Каин на Авеля брата своего и уби его.Select Genesis 4:8

9И рече Господь Бог ко Каину: где есть Авель брат твой? И рече: не вем: еда страж брату моему есмь аз?Select Genesis 4:9

10И рече Господь: что сотворил еси сие? Глас крове брата твоего вопиет ко Мне от земли:Select Genesis 4:10

11и ныне проклят ты на земли, яже разверзе уста своя прияти кровь брата твоего от руки твоея:Select Genesis 4:11

12егда делаеши землю, и не приложит силы своея дати тебе: стеня и трясыйся будеши на земли.Select Genesis 4:12

13И рече Каин ко Господу Богу: вящшая вина моя, еже оставитися ми:Select Genesis 4:13

14аще изгониши мя днесь от лица земли, и от лица Твоего скрыюся, и буду стеня и трясыйся на земли, и будет, всяк обретаяй мя убиет мя.Select Genesis 4:14

15И рече ему Господь Бог: не тако: всяк убивый Каина седмижды отмстится. И положи Господь Бог знамение на Каине, еже не убити его всякому обретающему его.Select Genesis 4:15

16И изыде Каин от лица Божия и вселися в землю Наид, прямо Едему.Select Genesis 4:16

17И позна Каин жену свою, и заченши роди Еноха. И бе зиждяй град, и именова град во имя сына своего Енох.Select Genesis 4:17

18Родися же Еноху Гаидад: и Гаидад роди Малелеила: и Малелеил роди Мафусала: Мафусал же роди Ламеха.Select Genesis 4:18

19И взя себе Ламех две жены: имя единей Ада и имя вторей Селла.Select Genesis 4:19

20И роди Ада Иовила: сей бяше отец живущих в селениих скотопитателей.Select Genesis 4:20

21И имя брату его Иувал: сей бяше показавый певницу и гусли.Select Genesis 4:21

22Селла же и тая роди Фовела: сей бяше млатобиец, ковачь меди и железа: сестра же Фовелова Ноема.Select Genesis 4:22

23Рече же Ламех своим женам: Ада и Селла, услышите глас мой, жены Ламеховы, внушите моя словеса: яко мужа убих в язву мне и юношу в струп мне:Select Genesis 4:23

24яко седмицею отмстися от Каина, от Ламеха же седмьдесят седмицею.Select Genesis 4:24

25Позна же Адам Еву жену свою: и заченши роди сына, и именова имя ему Сиф, глаголющи: воскреси бо ми Бог семя другое, вместо Авеля, егоже уби Каин.Select Genesis 4:25

26И Сифу бысть сын: именова же имя ему Енос: сей упова призывати имя Господа Бога.Select Genesis 4:26