41Genesis 41

1Бысть же по двою лету дний, фараон виде сон: мняшеся стояти при реце:Select Genesis 41:1

2и се, аки из реки исхождаху седмь крав добры видом и избранны телесы, и пасяхуся по брегу:Select Genesis 41:2

3другия же седмь крав изыдоша по сих из реки, злы видом и телесы худы, и пасяхуся с кравами по брегу речному:Select Genesis 41:3

4и поядоша седмь кравы злыя и худыя телесы седмь крав добрых видом и избранных телесы: (и сия невидимы быша, яко внидоша в чресла их). Воста же фараон.Select Genesis 41:4

5И виде сон вторый: и се, седмь класи исхождаху из стеблия единаго избранны и добры:Select Genesis 41:5

6друзии же седмь класи тонцыи, истончени ветром, израстаху по них:Select Genesis 41:6

7и пожроша седмь класи тонцыи и истончени ветром седмь класов избранных и полных. Воста же фараон, и бяше сон.Select Genesis 41:7

8Бысть же заутра, и возмутися душа его: и послав, созва вся сказатели Египетския и вся мудрыя его: и поведа им фараон сон свой: и не бяше сказуяй того фараону.Select Genesis 41:8

9И рече старейшина винарск к фараону, глаголя: грех мой воспоминаю днесь:Select Genesis 41:9

10фараон разгневася на рабы своя и вверже нас в темницу в дому архимагира, мене и старейшину житарска:Select Genesis 41:10

11и видехом сон оба единыя нощи аз и он, кийждо свой сон видехом:Select Genesis 41:11

12бяше же тамо с нами юноша, отрок Евреин архимагиров, и поведахом ему, и разсуди нам:Select Genesis 41:12

13бысть же, якоже сказа нам, тако и случися, мне паки быти во своем старейшинстве, а оному повешену.Select Genesis 41:13

14Послав же фараон, призва Иосифа: и изведоша его из твердыни, и остригоша его, и измениша ризы ему, и прииде к фараону.Select Genesis 41:14

15Рече же фараон Иосифу: сон видех, и сказуяй его несть: аз же слышах о тебе глаголющих, яко слышав сны разсуждаеши тыя.Select Genesis 41:15

16Отвещав же Иосиф фараону, рече: без Бога не отвещается спасение фараону.Select Genesis 41:16

17Рече же фараон Иосифу, глаголя: во сне моем мняхся стояти на брезе речнем:Select Genesis 41:17

18и аки из реки исхождаху седмь кравы добры видом и избранны телесы, и пасяхуся по брегу:Select Genesis 41:18

19и се, другия седмь крав исхождаху вслед их из реки, злы и недобры видом и худы телесы, яковых не виде таковых во всей земли Египетстей хуждших:Select Genesis 41:19

20и изядоша седмь кравы злыя и худыя седмь крав первых добрых и избранных:Select Genesis 41:20

21и внидоша во утробы их, и не явишася, яко внидоша во утробы их: и обличия их зла быша, яко и исперва. Востав же, (паки) уснух,Select Genesis 41:21

22и видех паки во сне моем, и аки седмь класи исхождаху из единаго стеблия полны и добры:Select Genesis 41:22

23друзии же седмь класи тонцыи и ветром истончени изницаху вслед их:Select Genesis 41:23

24и пожроша седмь класи тонцыи и ветром истончени седмь класов добрых и полных. Рех убо сказателем, и не бысть поведаяй мне того.Select Genesis 41:24

25И рече Иосиф фараону: сон фараонов един есть: елика Бог творит, показа фараону:Select Genesis 41:25

26седмь кравы добрыя седмь лет суть: и седмь класи добрии седмь лет суть: сон фараонов един есть:Select Genesis 41:26

27и седмь кравы худыя, яже изыдоша по сих, седмь лет суть, и седмь класи тонцыи и истончени ветром седмь лет суть: будут седмь лет глада:Select Genesis 41:27

28слово же еже рех фараону, елика Бог творит, показа фараону:Select Genesis 41:28

29се, седмь лет приходит, обилность многа во всей земли Египетстей:Select Genesis 41:29

30приидут же седмь лет глада по сих, и забудут сытости будущия во всем Египте, и погубит глад землю,Select Genesis 41:30

31и не познается обилие на земли от глада будущаго по сих: силен бо будет зело:Select Genesis 41:31

32повторися же сон фараону дважды, яко истинно будет слово еже от Бога, и ускорит Бог сотворити оно:Select Genesis 41:32

33ныне убо усмотри человека мудра и смыслена и постави его над землею Египетскою:Select Genesis 41:33

34и да сотворит фараон и поставит местоначалники по земли, и да собирают пятую часть от всех плодов земли Египетския седми лет обилных,Select Genesis 41:34

35и да соберут всякую пищу седми лет грядущих добрых сих: и да соберется пшеница под руку фараоню, пища во градех да хранится:Select Genesis 41:35

36и будет пища соблюдена земли на седмь лет гладных, яже имут быти в земли Египетстей, да не потребится земля в гладе.Select Genesis 41:36

37Угодно же бысть слово пред фараоном и пред всеми рабы его.Select Genesis 41:37

38И рече фараон всем рабом своим: еда обрящем человека сицеваго, иже имать Духа Божия в себе?Select Genesis 41:38

39Рече же фараон Иосифу: понеже показа Бог тебе вся сия, несть человека мудрейша и смысленнейша паче тебе:Select Genesis 41:39

40ты будеши в дому моем, и уст твоих да послушают вси людие мои, разве престолом аз более тебе буду.Select Genesis 41:40

41Рече же фараон Иосифу се, поставляю тя днесь над всею землею Египетскою.Select Genesis 41:41

42И снем фараон перстень с руки своея, возложи его на руку Иосифову, и облече его в ризу червлену, и возложи гривну злату на выю его,Select Genesis 41:42

43и всади его на колесницу свою вторую, и проповеда пред ним проповедник: и постави его над всею землею Египетскою.Select Genesis 41:43

44Рече же фараон Иосифу: аз фараон: без тебе не воздвигнет руки своея никтоже во всей земли Египетстей.Select Genesis 41:44

45И нарече фараон имя Иосифу Псонфомфаних: и даде ему Асенефу, дщерь Петефриа жреца Илиопольскаго, ему в жену.Select Genesis 41:45

46Иосиф же бяше лет тридесяти, егда предста фараону царю Египетскому. Изыде же Иосиф от лица фараоня и пройде всю землю Египетскую.Select Genesis 41:46

47И сотвори земля в седми летех обилну жатву.Select Genesis 41:47

48И собра всякую пищу седми лет, в нихже бяше обилность в земли Египетстей: и положи пищу во градех: пищы поль града, сущих окрест его, положи в нем.Select Genesis 41:48

49И собра Иосиф пшеницу яко песок морский многу зело, дондеже не можаху исчести: без числа бо бяше.Select Genesis 41:49

50Иосифу же беста два сына, прежде пришествия седми лет гладных, ихже роди ему Асенефа, дщерь Петефриа жреца Илиопольска:Select Genesis 41:50

51нарече же Иосиф имя первенцу Манассиа, (глаголя:) яко забыти мне сотвори Бог вся болезни моя, и вся, яже отца моего.Select Genesis 41:51

52Имя же второму нарече Ефраим, (глаголя:) яко возрасти мя Бог в земли смирения моего.Select Genesis 41:52

53Минуша же седмь лет обилных, яже быша в земли Египетстей,Select Genesis 41:53

54и начаша седмь лет гладных приходити, якоже рече Иосиф. И бысть глад по всей земли: во всей же земли Египетстей быша хлебы.Select Genesis 41:54

55И взалка вся земля Египетская: возопи же народ к фараону о хлебех. Рече же фараон всем Египтяном: идите ко Иосифу, и еже речет вам, сотворите.Select Genesis 41:55

56И глад бяше на лицы всея земли. Отверзе же Иосиф вся житницы, и продаяше всем Египтяном:Select Genesis 41:56

57и вся страны прихождаху во Египет, куповати ко Иосифу: обдержаше бо глад всю землю.Select Genesis 41:57