6Genesis 6

1И бысть егда начаша человецы мнози бывати на земли, и дщери родишася им:Select Genesis 6:1

2видевше же сынове Божии дщери человечи, яко добры суть, пояша себе жены от всех, яже избраша.Select Genesis 6:2

3И рече Господь Бог: не имать Дух Мой пребывати в человецех сих во век, зане суть плоть: будут же дние их лет сто двадесять.Select Genesis 6:3

4Исполини же бяху на земли во дни оны: и потом, егда вхождаху сынове Божии к дщерем человеческим, и раждаху себе: тии бяху исполини, иже от века, человецы именитии.Select Genesis 6:4

5Видев же Господь Бог, яко умножишася злобы человеков на земли: и всяк помышляет в сердцы своем прилежно на злая во вся дни:Select Genesis 6:5

6и помысли Бог, яко сотвори человека на земли, и размысли.Select Genesis 6:6

7И рече Бог: потреблю человека, егоже сотворих, от лица земли, от человека даже до скота, и от гад даже до птиц небесных: зане размыслих, яко сотворих я.Select Genesis 6:7

8Ное же обрете благодать пред Господем Богом.Select Genesis 6:8

9Сия же бытия Ноева: Ное человек праведен совершен сый в роде своем, Богу угоди Ное.Select Genesis 6:9

10Роди же Ное три сыны, Сима, Хама, Иафефа.Select Genesis 6:10

11Растлеся же земля пред Богом, и наполнися земля неправды.Select Genesis 6:11

12И виде Господь Бог землю, и бе растленна: яко растли всяка плоть путь свой на земли.Select Genesis 6:12

13И рече Господь Бог Ною: время всякаго человека прииде пред Мя, яко исполнися земля неправды от них: и се, Аз погублю их и землю.Select Genesis 6:13

14Сотвори убо себе ковчег от древ (негниющих) четвероуголных: гнезда сотвориши в ковчезе, и посмолиши его внутрьуду и внеуду смолою.Select Genesis 6:14

15И тако сотвориши ковчег: трех сот лактей долгота ковчега, и пятидесяти лактей широта, и тридесяти лактей высота его.Select Genesis 6:15

16Собирая сводом сотвориши ковчег, и в лакоть свершиши его свыше: дверь же ковчега сотвориши от страны: обиталища двокровна и трекровна сотвориши в нем.Select Genesis 6:16

17Аз же, се, наведу потоп, воду на землю, погубити всяку плоть, в нейже есть дух жизни под небесем: и елика суть на земли, скончаются.Select Genesis 6:17

18И поставлю завет Мой с тобою: внидеши же в ковчег ты и сынове твои, и жена твоя и жены сынов твоих с тобою.Select Genesis 6:18

19И от всех скотов и от всех гад, и от всех зверей, и от всякия плоти, два два от всех введеши в ковчег, да питаеши с собою: мужеский пол и женский будут.Select Genesis 6:19

20От всех птиц пернатых по роду, и от всех скотов по роду, и от всех гадов ползающих по земли по роду их, два два от всех внидут к тебе, питатися с тобою, мужеский пол и женский.Select Genesis 6:20

21Ты же возми себе от всех брашен, яже имате ясти, и собереши к себе, и будут тебе и оным брашно.Select Genesis 6:21

22И сотвори Ное вся елика заповеда ему Господь Бог, тако сотвори.Select Genesis 6:22