10Exodus 10

1Рече же Господь к Моисею глаголя: вниди к фараону: Аз бо ожесточих сердце его и рабов его, да и еще приидут знамения сия на них:Select Exodus 10:1

2яко да повесте во ушеса чад ваших и чадом чад ваших, елико наругахся Египтяном, и знамения Моя, яже сотворих в них, и увесте, яко Аз Господь.Select Exodus 10:2

3Вниде же Моисей и Аарон пред фараона и реста ему: сия глаголет Господь Бог Еврейский: доколе не хощеши усрамитися Мене? Отпусти люди Моя, да послужат Ми:Select Exodus 10:3

4аще же не хощеши ты отпустити люди Моя, се, Аз наведу в сей час заутра пруги многи на вся пределы твоя,Select Exodus 10:4

5и покрыют лице земли, и не возможеши видети земли, и поядят весь останок земли оставшийся, егоже остави вам град, и изядят всяко древо растущее вам на земли:Select Exodus 10:5

6и наполнятся домове твои и домове рабов твоих, и вси домове по всей земли Египетстей: ихже никогдаже видеша отцы твои, ни прадеды их, от негоже дне быша на земли, даже до дне сего. И уклонився Моисей, изыде от фараона.Select Exodus 10:6

7Рекоша же раби фараоновы к нему: доколе нам сия будет мука? Отпусти люди, да послужат Господу Богу своему: или видети хощеши, яко погибнет Египет?Select Exodus 10:7

8И возвратиша Моисеа и Аарона пред фараона, и рече им фараон: идите и послужите Господу Богу вашему: кто же и кто суть идущии?Select Exodus 10:8

9И рече Моисей: с юнотами нашими и с старцы пойдем, с сынми и дщерьми, и со овцами и волами нашими: будет бо праздник Господа Бога нашего.Select Exodus 10:9

10И рече им фараон: да будет тако, Господь с вами: якоже отпущаю вас, еда и стяжание ваше? Видите, яко лукавство обретается в вас:Select Exodus 10:10

11не тако: но да идут мужие и да послужат Богу: сего бо сами просите. И изгнаша их от лица фараонова.Select Exodus 10:11

12Рече же Господь Моисею: простри руку твою на землю Египетскую, и да взыдут прузи на землю Египетскую, и снедят всю траву земную и весь плод древесный, егоже остави град.Select Exodus 10:12

13И воздвиже Моисей жезл на небо, Господь же наведе ветр южный на землю во весь той день и во всю нощь: утро бысть, и ветр южный взя пруги,Select Exodus 10:13

14и наведе я на всю землю Египетскую: и нападоша на вся пределы Египетския мнози зело: прежде сих не быша сицевии прузи, и по сих не будут тако,Select Exodus 10:14

15и покрыша лице земное, и истле земля: и снедоша всю траву земную и весь плод древесный, иже остася от града: не остася зелено ничтоже на древех и во всей траве польней, по всей земли Египетстей.Select Exodus 10:15

16Потщася же фараон призвати Моисеа и Аарона, глаголя: согреших пред Господем Богом вашим и к вам:Select Exodus 10:16

17простите убо мой грех еще ныне и помолитеся Господу Богу вашему, да отимет от мене смерть сию.Select Exodus 10:17

18Изыде же Моисей от фараона и помолися ко Господу:Select Exodus 10:18

19и премени Господь от моря ветр велик и взя пруги, и вверже их в море Чермное: и не остася ни един пруг на всей земли Египетстей.Select Exodus 10:19

20И ожесточи Господь сердце фараоново, и не отпусти сынов Израилевых.Select Exodus 10:20

21Рече же Господь Моисею: простри руку твою на небо, и да будет тма по земли Египетстей, осязаемая тма.Select Exodus 10:21

22Простре же Моисей руку свою на небо, и бысть тма, мрак, буря по всей земли Египетстей три дни:Select Exodus 10:22

23и не виде никтоже брата своего три дни, и не воста никтоже от одра своего три дни, всем же сыном Израилевым бяше свет во всех (жилищах), в нихже пребываху.Select Exodus 10:23

24И призва фараон Моисеа и Аарона, глаголя: идите, послужите Господу Богу вашему: токмо овцы и волы оставите: стяжание же ваше да идет с вами.Select Exodus 10:24

25И рече Моисей: ни: но и ты нам даси всесожжения и жертвы, яже сотворим Господу Богу нашему:Select Exodus 10:25

26и скот наш пойдет с нами, не оставим и копыта: от них бо возмем на службу Господу Богу нашему: мы же не вемы, чим послужим Господу Богу нашему, дондеже дойдем тамо.Select Exodus 10:26

27Ожесточи же Господь сердце фараоново, и не восхоте отпустити их:Select Exodus 10:27

28и рече ему фараон: отиди от мене, внемли себе ктому, да не приложиши видети лица моего: в оньже бо день аще явишися мне, умреши.Select Exodus 10:28

29Рече же Моисей: якоже рекл еси, ктому не явлюся пред лицем твоим.Select Exodus 10:29