16Exodus 16

1Воздвигошася же от Елима, и прииде весь сонм сынов Израилевых в пустыню Син, яже есть между Елимом и между Синою. В пятый же надесять день втораго месяца изшедшым им от земли Египетския,Select Exodus 16:1

2возропта весь сонм сынов Израилевых на Моисеа и Аарона,Select Exodus 16:2

3и рекоша к ним сынове Израилевы: о дабы быхом измерли мы уязвени от Господа в земли Египетстей, егда седяхом над котлы мясными и ядохом хлебы до сытости: яко изведосте ны в пустыню сию уморити весь сонм сей гладом.Select Exodus 16:3

4Рече же Господь к Моисею: се, Аз одождю вам хлебы с небесе: и изыдут людие, и соберут доволное дню, на (всяк) день, яко да искушу их, аще пойдут в законе Моем, или ни.Select Exodus 16:4

5И будет в день шестый, и уготовят, еже внесут, и да будет сугубо, еже собираша на всяк день.Select Exodus 16:5

6Рече же Моисей и Аарон ко всему сонму сынов Израилевых: в вечер (сей) увесте, яко Господь изведе вы от земли Египетския,Select Exodus 16:6

7и заутра узрите славу Господню, внегда услышати Господу роптание ваше на Бога: мы же что есмы, яко ропщете на ны?Select Exodus 16:7

8И рече Моисей: егда даст Господь вам в вечер мяса ясти и хлебы заутра до сытости, понеже услыша Господь роптание ваше, имже ропщете на ны: мы же что есмы? Не на нас бо роптание ваше, но точию на Бога.Select Exodus 16:8

9И рече Моисей ко Аарону: глаголи ко всему сонму сынов Израилевых: приидите пред Бога, услыша бо роптание ваше.Select Exodus 16:9

10Егда же глаголаше Аарон всему сонму сынов Израилевых, и обратишася в пустыню, и слава Господня явися во облаце,Select Exodus 16:10

11и рече Господь к Моисею глаголя:Select Exodus 16:11

12слышах роптание сынов Израилевых: рцы к ним глаголя: к вечеру да снесте мяса и заутра насытитеся хлебов, и увесте, яко Аз есмь Господь Бог ваш.Select Exodus 16:12

13Бысть же вечер, и приидоша крастели и покрыша полк. Заутра же бысть спадшей росе около полка,Select Exodus 16:13

14и се, на лицы пустыни мелко яко кориандр, бело аки лед на земли.Select Exodus 16:14

15Узревше же то сынове Израилевы, реша друг ко другу: что есть сие? Не ведяху бо, что бяше. Рече же Моисей к ним: сей хлеб, егоже даде Господь вам ясти:Select Exodus 16:15

16сей глаголгол, егоже завеща Господь: соберите от него кийждо на домашния, гомор поглавно по числу душ ваших, кийждо вас с домашними своими соберите.Select Exodus 16:16

17И сотвориша тако сынове Израилевы, и собраша ов много, ов же мало:Select Exodus 16:17

18и измеривше гомором, не преизбыточествова иже много, и иже мало, не мнее прият: кийждо на домашних своих собраша.Select Exodus 16:18

19И рече Моисей к ним: никтоже да оставит на утрие от него.Select Exodus 16:19

20И не послушаша Моисеа, но оставиша нецыи от него на утрие, и воскипе червми и возсмердеся. И оскорбися на них Моисей.Select Exodus 16:20

21И собираша оное рано рано, кийждо надлежащее себе: егда же огреваше солнце, растаяваше.Select Exodus 16:21

22Бысть же в день шестый, собраша потребное сугубо, два гомора комуждо. Приидоша же вси князи сонма и поведаша Моисею.Select Exodus 16:22

23Рече же Моисей к ним: сие слово есть, еже глагола Господь: суббота покой свят Господу заутра: елика аще печете, пецыте, и елика аще варите, варите, все же избыточное оставите в скрове на утрие.Select Exodus 16:23

24И оставиша от того до утрия, якоже заповеда им Моисей: и не возсмердеся, ниже червь бысть в нем.Select Exodus 16:24

25Рече же Моисей: ядите днесь, есть бо суббота покой Господу: днесь не обрящете на поли:Select Exodus 16:25

26шесть дний собирайте, в седмый же день суббота: яко не будет в нем.Select Exodus 16:26

27Бысть же в седмый день, изыдоша нецыи от людий собирати, и не обретоша.Select Exodus 16:27

28Рече же Господь Моисеови: доколе не хощете послушати заповедий Моих и закона Моего?Select Exodus 16:28

29Зрите: Господь бо даде вам субботу день сей: сего ради Той даде вам в день шестый хлеба на два дни: седите кийждо вас в дому своем у себе, никтоже да исходит от места своего в день седмый.Select Exodus 16:29

30И субботствоваша людие в день седмый.Select Exodus 16:30

31И прозваша сынове Израилевы имя тому манна: бяше же яко семя кориандрово бело, вкус же его аки мука с медом.Select Exodus 16:31

32Рече же им Моисей: сей глаголгол, егоже завеща Господь: наполните гомор от манны в скров в роды вашя: да видят хлеб, егоже ядосте вы в пустыни, егда изведе вас Господь от земли Египетския.Select Exodus 16:32

33И рече Моисей ко Аарону: возми стамну златую едину и вложи в ню гомор полный от манны, и положиши тую пред Богом в соблюдение в роды вашя.Select Exodus 16:33

34Якоже заповеда Господь Моисею, положи ю Аарон пред свидением в соблюдение.Select Exodus 16:34

35Сынове же Израилевы ядоша манну лет четыредесять, дондеже приидоша в землю обитаемую, и ядоша манну, дондеже приидоша во страну Финикийскую:Select Exodus 16:35

36гомор же десятая часть трех мер бяше.Select Exodus 16:36