17Exodus 17

1И воздвижеся весь сонм сынов Израилевых от пустыни Син по полком своим словом Господним и ополчишася в Рафидине. Не бяше же воды людем пити,Select Exodus 17:1

2и хуляху людие Моисеа, глаголюще: даждь нам воду, да пием. И рече им Моисей: что хулите мя? И что искушаете Господа?Select Exodus 17:2

3Возжаждаша же тамо людие воды и роптаху на Моисеа, глаголюще: вскую сие? Извел еси нас из Египта уморити нас и чада наша и скоты жаждею?Select Exodus 17:3

4Возопи же Моисей ко Господу глаголя: что сотворю людем сим? Еще мало, и побиют мя камением.Select Exodus 17:4

5И рече Господь к Моисею: пойди пред людьми сими, и поими с собою от старец людских, и жезл, имже пресекл еси море, возми в руку твою, и пойди:Select Exodus 17:5

6Аз же стану тамо прежде пришествия твоего у камене в Хориве: и удариши в камень, и изыдет из него вода, и да пиют людие. Сотвори же Моисей тако пред сыны Израилевыми,Select Exodus 17:6

7и прозва имя месту тому Искушение и Похуление, хулы ради сынов Израилевых, и занеже искусиша Господа, глаголюще: аще есть в нас Господь, или ни?Select Exodus 17:7

8Прииде же Амалик и воева на Израиля в Рафидине.Select Exodus 17:8

9Рече же Моисей ко Иисусу: избери себе мужы сильны и изшед ополчися на Амалика заутра: и се, аз стану на верху горы, и жезл Божий в руце моей.Select Exodus 17:9

10И сотвори Иисус, якоже рече ему Моисей, и изшед ополчися на Амалика: Моисей же и Аарон и Ор взыдоша на верх горы.Select Exodus 17:10

11И бысть егда воздвизаше Моисей руце, одолеваше Израиль: егда же опускаше руце, одолеваше Амалик:Select Exodus 17:11

12руце же Моисеовы тяжки беша: и вземше камень, подложиша ему, и седяше на нем: Аарон же и Ор поддержаста руце ему, един отсюду, а другий оттуду: и быша Моисеови руце укреплены до захождения солнца:Select Exodus 17:12

13и преодоле Иисус Амалика и вся люди его убийством меча.Select Exodus 17:13

14Рече же Господь к Моисею: впиши сие на память в книги и вдай во ушы Иисусу, яко пагубою погублю память Амаликову от поднебесныя.Select Exodus 17:14

15И созда Моисей олтарь Господу и прозва имя ему Господь Прибежище мое:Select Exodus 17:15

16яко рукою тайною ратует Господь на Амалика от рода в род.Select Exodus 17:16